Jueces 10:11 - Biblia Mixe de Quetzaltepec

¹¹ Ets ja Wintsën Tios y'ëtsowëtë: Miitsëty ojts ëxëëk mtunëtë yë Egiptë ja'ayëty, Amor ja'ayëty, Amón ja'ayëty ets filistejë ja'ayëty.

Biblia Dc en Mixe de Quetzaltepec

¹¹ Ets ja Wintsën Dios y'ëtsowëtë: Miitsëty ojts ëxëëk mtunëtë yë Egiptë ja'ayëty, Amor ja'ayëty, Amón ja'ayëty ets filistejë ja'ayëty.

Jueces 10:11 ပူးပေါင်းရင်းမြစ်များ

Jueces 3:31

Ja mëmäjtskpë ja ja'ay mëti'ipë ojts tnitsiptunyën ja Israel kajpn ets tsip'ixy jä'ä xyëëwajt Samgar, yë'ë myaank yë Anat, jä'ä tyaj'o'ky yë filistejë ja'ay nitëtujk mëko'px mëët tu'uk yë krukts'apajk. Samgar ojts näjyëtu'un tyajtso'oky yë Israel ja'ayëty.

Éxodo 14:30

Jëtu'un ja Tios ojts tyajtso'oky ja Israel ja'ayëty jä'ä xëëw ma ja Egiptë ja'ayëtyën. Yë Israel ja'ayëty y'ijxtë ja may o'kpë, ko jam myäykyëniinpëtsëmtë nëëpë'am.

Hebreos 11:29

Mëët ko myëpëjktë ja Israel ja'ayëty, tyuknajxtë ja Tsaptsmejy të'ëts naaxkëjxy. Ko ja Egiptë ja'ayëty näjyëtu'un jyanaxantë, ojts nyëëji'kxta'atë.

1 Samuel 12:8

Ko yë Jacob ojts mëët yë y'u'unk y'ëna'k jap nyëjkxtë Egiptë ets ëxëëk tyuunëtë yë Egiptë ja'ayëty, ja m'ap m'okëty ka'ap tmëmëta'akantën ja nätsyäätyunë. Paaty ojts ja Wintsën tmëkajpxtë ets tkejxy ja Moisés ets ja Aarón mëti'ipë yajpëtsëëmtën jap Egiptë ja m'ap m'okëty ets yaa tyajmiiny ma tyam yaa mtsëënëtën.

Números 21:35

Yë Israel ja'ayëty ojts tyaj'ooktë ja Ok mëët yë y'u'unk y'ëna'k ets tsyiptuunpëtëjk. Nitu'uk ojts tkayajwë'ëmtë juuky, jëtu'un'äämpy tniwa'ktaaytyë ja nyaax kyamëty.

Jueces 2:12

Ojts t'ëxmajtsnëtë ja Wintsën ja Tyiosëty ja y'ap y'okëty mëti'ipë ënäty jap të yajpëtsëmëtën Egiptë. Ets ojts nyätyukë'ëtëjkënëtë ja ka'apë tyiosëtyën ets t'ëwtajnëtë, jëtu'un'äämpyts ja Wintsën tyajjoot'anpëjktë.

Jueces 3:28

Ehud ojts y'ënë'ëmxëtë ets yë'ë tpanëjkxtëty jä'ä ko tëë ënäty yë Wintsën tyajkutuky ko yë'ë myëta'aka'antë ma ja moapja'ayëtyën. Ënät ojts tpatsoontë ets tyaj'ëtujktaaytyë ja joy'it jampë yajpaatyën ma Jordán nëëjën ets ni pën tkayajnajxtë.