Jueces 1:22 - Biblia Mixe de Quetzaltepec

^22-23 Ënät ojts ja José ja jyä'äy tnitëkëtë ja Betel kajpn mëti'ipë ijty tëëyëp yajtijpën Luz, jëyëjp ojts tkäjxtë ja'ay ijxpë tuunpë. Yë Wintsën ojts pyutëkëtë.

Biblia Dc en Mixe de Quetzaltepec

^22-23 Ënet ojts ja José ja jyä'äy tnitëkëtë ja Betel kajpn mëti'ipë ijty tëëyëp yajtijpën Luz, jëyëjp ojts tkäjxtë ja'ay ijxpë tuunpë. Yë Wintsën ojts pyutëkëtë.

Jueces 1:22 ပူးပေါင်းရင်းမြစ်များ

Jueces 1:19

E oy ënäty ja Judá ja'ayëty jyayajpaatë mëët ja Wintsën ets oy ënaty tjajëkyepy jeexyë tniwa'aktë ja kopkjot ets ja joyjyot ka'ap ojts y'ëkmaayënëtë; jä'ä ko ja ja'ayëty ja jampë ënäty tsyëënëtën myëët'ajtëp pyujxnwintëkäämpë mëti'ipë myëtsiptuuntëpën.

Apocalipsis 7:8

nimajkmäjtsk mil ja Zabulón ja y'u'unk y'ok, nimajkmäjtsk mil ja José ja y'u'unk y'ok ets nän nimajkmäjtsk mil ja Benjamín ja y'u'unk y'ok.

1 Crónicas 7:29

E ja Manasés ja y'u'unk y'ok yë'ë ojts tjä'ä'atë ja Bet-sean, Taanac, Meguido ets Dor, mëët ja nyituuntakn ets ja nyinaax nyikam; ma ya'atë itjotmën ojts tsyëënëtë ja José y'u'unk y'ok, mëti'ipë Israel y'u'unk'ajtën.

2 Reyes 18:7

Paaty ja Wintsën ojts mëj këjää pyutëkëty, oytyiijëty timtyuuny, aak'oy ojts wyimpëtsë'ëmxëty. Yë Ezequías ka'ap ojts tkupëky ets Asiria yajkutujkpë jam y'ënä'ämëty ma ja Israel ja'ayëtyën.

Josue 14:4

Yë José yë y'u'unk y'ok mäjtskpëky ënäty nyäwyä'kxyë, tu'kpëky mëti'ipë ja Manasés jyä'äy'äjtypyën ets tu'kpëky mëti'ipë ja Efraín jyä'äy'äjtypyën, e jä'äts ja Leví ja'ayëty ka'ap ojts nitu'knu'un yajmo'otë ja nyaaxëty; yi'iyë yajmooytyë ja kajpn ma tsyëënëtëtyën ets wäänë ja naax ma tyajtänëtyën ja jyëyujk tsyajpkaajëty.

Números 1:32

Ma y'u'unk y'okën yë José, jä'ä ojts yajmëtyoowpëtsëmtë wëxtyikxy mil ja mëkoxk mëko'px ma Efraín yë jyä'äyën ets i'px majkmäjtsk mil ja mäjtsk mëko'px ma Manasés yë jyä'äyën.

Números 1:10

Ma ja José ja y'u'unk y'ëna'k ja jyä'äyëtyën, ijxtëm yë Efrainkën yë'ë nëjkx jam tnikopk'aty myëku'uktëjk yë Elisamá, yë Amiud yë myaank. E ma ja Manasés ja jyä'äyën yë nëjkx jam tnikopk'aty yë myëku'uktëjk yë Gamaliel, yë myaank yë Pedasur.

Génesis 49:24

E yë José mëk yë kyë'ë y'aaw tyaj'ity ets ka'ap yë tyi'pxn t'ëxmatsy. Nkukajpxëpësë yë Tios mëti'ipë Jacob y'ëwtajtypyën. Nkukajpxëpësë yë xyëëw yë nkëwent'ajtpë'ajtëm, mëti'ipë Israel xëmë këwent'ajtëpën.

Josue 8:12

Josué jä'ä ënäty yë tsyiptuunpëtëjk të tyu'utsy nimëkoxk mil, jam anajnytsyow ma Betel mëët yë Aí nyäpyäätyë.

Jueces 1:21

E ja Benjamín ja y'u'unk y'ëna'k ka'ap ojts myäyëtë tyajpëtsëmta'atëty ja Jebús ja'ayëty jam Jerusalén. Paatykyëjxm tyampaat yë Jebús ja'ayëty ets Benjamín ja jyä'äy tu'ukyë tsyënaaymyuktë jam Jerusalén.