Jueces 1:18 - Biblia Mixe de Quetzaltepec

¹⁸ E yë'ë tëy ja kajpnëty mëti'ipë txëëwajtëpën Gaza, Ascalón ets Ecrón ka'ap ojts myäyëtë tnitëkëtëty ets näjyëtu'un ja mëti'ipë jam winkon yajpatëpën.

Biblia Dc en Mixe de Quetzaltepec

¹⁸ E yë'ë tëy ja kajpnëty mëti'ipë txëëwajtëpën Gaza, Ascalón ets Ecrón ka'ap ojts myäyëtë tnitëkëtëty ets näjyëtu'un ja mëti'ipë jam winkon yajpatëpën.

Jueces 1:18 ပူးပေါင်းရင်းမြစ်များ

1 Reyes 4:24

Ko jëtu'un winë nyipety, yë'ëkyëjxm ko ja Salomón aakyë'ë ënäty y'ënä'ämtääpy tëkokyë ja naax kajpn mëti'ipë jam yajpatëpën matsow xëëw kyëtä'äkyën ma yajtijyën Éufrates, tsyo'ontä'äky jam Tirsá, tyimja'ty jampaat Gaza, aak ojts yë Salomón ya'atë ënä'ämpëtëjk tmëmëtakta'ay ets ko ënäty nimay mëët ja näykyajpx'oyë të tuny.

Éxodo 23:31

Yë mtsëpa'anëty jam tsyoonëty ma mëjnëë jyënäkyën mëti'ipë xyëëwajtypyën Tsaptsmejy ets jam jya'tëty ma myëjnëë nyaxtën yë filistejë ja'ayëty; jam tsyoonëty yë wiinkpë ma të'ëts'itjotmën ets jam jya'tëty ma Éufrates mëjnëëjën. Ëjts nkë'ë'ëjotyës tääpë ja'ayëty të mpëjktakta'atë, mëti'ipë jam tsënaaytyëpën ma tääpë it naaxwiinyëtën ets mijts nëjkx jam xy'ëxkäjxtaaynyë.

Jeremias 25:20

ets oypyënëty mëti'ipë jap Egiptë yajpatëpën, tu'kë'ëyë yajkutujkpëtëjk mëti'ipë jam Us ënä'ämtëpën ets tëkokyë yë filistejë ja'ayëty: yë Ascalón kajpn, Gaza kajpn, Ecrón kajpn ets mëti'ipë jam Asdod të wyë'ëmtën;

Jeremias 47:5

Yë Gaza ja'ayëty je'eyë nëjkx nyäkyukä'ptaayënëtë, yë Ascalón ja'ayëty uum wyë'ëma'antë. Miitsëty Anaquim ja'ayëty ¿wi'ix ko nëkoo mjot mnini'kx xyajtsëtyutë?

Deuteronomio 2:23

Timjëtu'un ojts jyatë kyëpätë yë Heve ja'ayëty jampë tsyëënëtën winkon ma Gaza kajpnën, ma yajkutëkooyëtën yë filistejë ja'ayëty ets ojts ja nyaaxëty niwa'kta'ayëtë mëti'ipë ënäty të tsyoontën jam Creta ets jam myiintaaytyë tsënääpyë.

Josue 11:22

Ka'ap ojts nitu'uk wyi'imy ja y'u'unk y'ok ja ja'aypyajkyeny Anac ma ja Israel ja naaxwiinyëtë ojts tniwä'äkyën. Ja ja'aypyajkyeny Anac ja y'u'unk y'ok jämyë ojts wyë'ëmtë ma ja Gaza, Gad ets Asdod kajpnën.

Josue 13:3

mëti'ipë jam najxpën ma ja Sihor mëjnëë jyënäkyën, a'oytsyow ma Egiptë naaxwiinyëtë yajpaatyën, jyä'ty jam ma Ecrón ja tsyëpa'an nyäxyën, jam anëkëjxmtsow mëti'ipë yaj'antijpën ko Canaán ja'ayëty tjä'ä'atë; ma tääpë it naaxwiinyëtën nimëkoxk jam yajpaatë yë filistejë ja'ayëty yë wyintsëntëjkëty, jä'ä mëti'ipë jam yajpaatëpën Gaza, Asdod, Ascalón, Gad ets jam Ecrón. Jaakwë'ëmp näjyëtu'un ja itjot mëti'ipë nyitënaaytyëpën ja Avejë ja'ayëty,

Josue 15:11

ets jam Ecrón yä'äp'ituuy anëkëjxytsyowpë wyi'imyën, y'ëwtity Sicrón ets tuknaxy ja Baalá kopk, tukpëtsëmy ja Jabneel y'itjot ets jyëjpkëxy ma ja Mejyën naax'akujkpë.

Jueces 14:19

Ënät ja Sansón ojts ja Wintsën ja myëk'ajtën tyukëtä'äkyë, ets ojts nyijkxy jam Ascalón, i'px majk ja ye'etyëjk ojts tyaj'ooky ets ja wyit tpëjkëtyääy mëti'ipë ënäty myëët'ajtëpën. Ja wit yë'ë ojts tmo'oy ja ëna'ktëjkëty mëti'ipë ja ayuk të tni'ëtsowtën mëti'ipë yajnajtsja'apën. Ko jam tsyo'ony tä ojts nyijkxy ma ja tyeety tyaakën.

Jueces 16:21

Jëtu'un'äämpy ja filistejë ja'ayëty ojts tmatstë ja Sansón ets ja wyiin ojts tju'tëtë. Tääts jam ojts tyajnëjkxtë Gaza; ko jam tmëja'ajtë yë'ë ojts tuktsumtë yë pujxn'aats, yë'ë tyuktij'ëwtijtëp tu'uk ja mëjtsaa mëti'ipë ja tsajpmok tyukmäätëpën.

Jueces 3:3

Ojts wyë'ëmtë ja nimëkoxkpë ja filistejë ja'ayëty ja kajpnëty, ma ënäty tsyëënëtën ja Canaán ja'ayëty, sitonyë ja'ayëty ets Heve ja'ayëty, jampë tsyëënëtën Líbano kopkjotm, tso'ontä'äky jam ma ja kopkjot yajtijyën Baal-hermón ets jyä'ty ma yajtuknaxyën yë Hamat itjotm.

1 Samuel 6:17

Ja mëkoxkpë ja pu'ts pujxn jëtu'unpë kyëxë'ëkyën tä ki'ixën mëti'ipë ojts ja Wintsën jä'ä yajtukë'ëtëkën ets jyotxäämëty, yë'ë ënäty kyutënaaytyëp ja kajpn mëti'ipë xyëëwajtëpën Asdod, Gaza, Ascalón, Gad ets Ecrón.