Juan 9:7 - Biblia Mixe de Quetzaltepec

⁷ Tä t'ënëmaay: Nëjkx jam mwinpujy ma ja Siloé nëëjën. Jä'ä nyiwijy Kexyye'epyë. Tääts ja wiints ojts nyijkx winpujpë. Ko wyiinpujtaay, ënätyë y'ijxë'ky.

Biblia Dc en Mixe de Quetzaltepec

⁷ Tä t'ënëmaay: Nëjkx jam mwinpujy ma ja Siloé nëëjën. Jä'ä nyiwijy Kexyye'epyë. Tääts ja wiints ojts nyijkx winpujpë. Ko wyiinpujtaay, ënätyë y'ijxë'ky.

Juan 9:7 ပူးပေါင်းရင်းမြစ်များ

Isaías 35:5

Ënät nëjkx y'ijxë'ëktë ja wiintstëjkëty ets myëtoowë'ëktë ja ja'ay mëti'ipë natëtyën

Juan 11:37

Jënaakën ojts y'ëna'antë: Ya'atë, ojts tyaj'ijxë'ëky ja wiints, ¿ka'ap jëtää jeexyë tii të tuny ets Lázaro jeexyë ka'ap të y'ookyë?

Juan 9:11

Ets ja ja'ay wiintspë y'ëtsoowëtë: Ja ye'etyëjk mëti'ipë Jesús'ajtpën, yë'ëjës mo'onts të xytyukwinkupëkë, je'eyë wäänë të tyaj'ooky mëët yë tsyujy ets nwiinës të tukkuutsy ets të xynyëëmës: Nëjkx mwinpujy ma ja Siloé nëëjën. Jamës të nnëjkxy ets koos të nwinpujta'ay, täätsës të n'ijxë'ëky.

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Tios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Tios ja kyajpnën jä'äkyëjxm koos xymyëpëktë.

Isaías 8:6

Mëët ko ja naax kajpn ka'ap ja nëë të tkupëky mëti'ipë jam najxpën Siloé, mëti'ipë ja kajpn tyukye'eynyäjxypyën, jä'ä të t'oyjyawë ja Rezin ets ja myaank ja Remalías.

Salmos 146:8

Yë Wintsën yaj'ijxë'kpy yë ja'ay mëti'ipë wiintsën, yajjotkujktäkpy yë ja'ay mëti'ipë ëyo'ontum yajpatpën; tsyojkpy jya'ap näjyëtu'un yë ja'ay mëti'ipë oy yajxon juuky'ajtëpën.

Lucas 13:4

Ets ja ja'ayëty mëti'ipë o'ktën nimajkmokxtëkëëk ma ja Siloé potsy nyijijtpäjtëtën, ¿wä'än jëtää ni'ik pyokyjyä'äy'atë ets ka'ap jyëtu'unëty mëti'ipë tsënaaytyë Jerusalénkë?

Isaías 42:7

Ntsojkpyës ets xyaj'ijxë'ëkëty ja wiints, xyaj'ëwaatsëpëtsëmëty ja tsumjyä'äy, mëti'ipë api'its akoots yajpatëpën.

Nehemías 3:15

Salum, myaank yë Colhoze, mëti'ipë jam yajkutujkpën Mizpá, yë'ë ojts tyaj'oyë ja tëjk'aaw ma jam ja nëë'awookën: Ojts yajxon tnikojy ets tkukëëy tkupëjky, yaj'o'oyëtyääy ja nyitëjk'aaw mëët ja nyipujxn nyikepy mëti'ipë mëët yajxon y'ëtukëtyën, ojts näjyëtu'un tkoj oyë ja nëë'apojtsë'ëky mëti'ipë tyijtëpën Siloé jampë winkon yajpaatyën ma ja ujtskamën mëti'ipë ja yajkutujkpë jyä'ä'ajtypyën, jampaat tyajajty ma ja tu'u jam yajnijënajkë'ëkyën ets kyëtä'äky ma ja David ja kyajpnën.

Éxodo 4:11

E yë Tios tyaa ojts y'ëtsoyë: ¿Pën yë ja'ay të myo'oyë yë y'aaw? ¿Tii këtii y'ëjtsëty yë ja'ay të nyajkojyësë, oy yë'ëjëty mëti'ipë uumën, mëti'ipë natën, mëti'ipë wiintsën ets mëti'ipë ijxpënë?

Gálatas 4:4

E ko ja tiempo ojts tpaaty, tääts ja Tios ja y'u'unk ojts tkexy, to'oxytyëjk ojts yajminy yajja'tyë ko tyuuny ja Moisés ja y'ënä'ämën,

Romanos 8:3

Tëë ja Tios tuny mëti'ipë ja ënä'ämën ka'ap myääyën tunëty, jä'ä ko ënäty ja myëk'ajtën kyujënäkyëty ets ko ja ja'ay ëmaay paki'ix yajpaatë. Paaty ja Tios ja y'u'unk të tkexy ets yaj'ijxy ijxtëm ja pokyjyä'äyën ets wyintsë'kën'atëty, tkunaxëty ja ja'ay ja pyoky, jëtu'un tyajkutëkoy ja poky ma ëëtsajtëmën.

Juan 10:36

E pën ëjts tëëjës ja Tios xykyënu'kxy ets yë'ëjës të xykyexy yaa naaxwiiny, ¿tii ko m'ëna'antë ko Tios nmëtëkoyës koos nätyijyë ko yë'ë xy'u'unkëtyës?

Juan 9:39

Tääts ja Jesús y'ënëmaayë: Yë'ëjës të niminy naaxwiinyëtë etsës ja ja'ay mëtëy nipaye'eyëty; nyaj'ijxpëka'anyës mëti'ipë wiintsën ets nyajwiintsëja'anyës mëti'ipë ijxtëpën.

Lucas 2:32

jëtu'unts y'itëty ijxtëm ja kutë'kxnën mëti'ipë kyujaj kyutë'kxëpën ja naax kajpn, mëti'ipë yajnaxëpën ja Israel ja'ay mëj'äämpy.

Isaías 43:8

Yajmiintëkës yë nkajpn, mëti'ipë jyamëët'ajtypyën yë wyiin je'eyëp ko ka'ap y'ixy; ets tam jyatatsk, ka'ap myëtoy.

Isaías 32:3

Yajxon nëjkx winë t'ixtë tuntë, ets ja amay jotmay mëti'ipë ja ja'ay myëët'ajtëpën nëjkxëp tmëtoow'itë.

Mateo 11:5

Tukmëmëtya'aktë ko ja ja'ay wiintspë y'ixë'ëktë, ko ja pajk ma'atpë ye'eytyë, ko ja pu'uts mëëtpë tsyo'oktë, ja natpë tëë myëtoowpëktë, ja o'kpë tëë jyuukpyëktë ets ko ja ëyoopëja'ay ja oy aaw oy ayuk yajtuk'ëwaanëtë.