Juan 8:51 - Biblia Mixe de Quetzaltepec

⁵¹ Tëy miits nëëmëtë, pën ja n'aaw n'ayukës pyatuunpyën, nijëna'a kya'ookëty.

Biblia Dc en Mixe de Quetzaltepec

⁵¹ Tëy miits nëëmëtë, pën ja n'aaw n'ayukës pyatuunpyën, nijëna'a kya'ookëty.

Juan 8:51 ပူးပေါင်းရင်းမြစ်များ

Juan 5:24

Tëy miits nëëmëtë, pën xy'amëtoow'ijtpës ets tmëpëky mëti'ipës xykyäjxpën, pyaatëp y'ixëp ja juukyajtën xëmëkyëjxmëpë ets ka'ap yajpoky'ixëty, tëë ënäty tu'knax ja o'kën ets tëë ënäty tpaaty ja juukyajtën.

Juan 15:20

Ja'amyätstë ijxtëm të nëëmëtë: Ni pën tuunpë wyintsën tkawinaxy. Pën tëëjës xypyajëtijta'aktë, näjyëtu'un miits myajpajëtijta'aka'antë; ets pën tëëjës ëjts ja n'aaw n'ayuk xykyupëjkëtë, näjyëtu'un miits ja m'aaw m'ayuk yajkupëka'antë.

Juan 6:50

E pën ya'atë tsajpkääky kyääpy mëti'ipë tso'onpën jam tsajpjotm, ka'ap y'ooka'any.

Lucas 2:26

tëë ënäty ja Tios jëwyiin tyuknijawëty ko ka'ap nya'ookëty koonëm t'ixëty ja Kristë, mëti'ipë Wintsën kyäxäämpyën.

Hebreos 11:5

Mëët ko myëpëjky ja Henoc ojts yajmënëjkxy juuky këtiipë y'ookëty, kä'äp ojts maa y'ëkyajpat y'ëkyajk'ijxnë, jä'ä ko tëë ënäty ja Tios myënëjkxyë. Jëtu'un y'ënä'äny ja Tios ja y'aaw y'ayuk ko ja Henoc tyuun mëti'ipë Tios tyukjotkëtäkpyën ka'anëm ënäty yajmënëjkxynyëm.

Salmos 89:48

Ka'ap pën kë'ëyxyëëw kë'ëyjyëmëjt jyuuky'äty, ets nijëna'a kya'ookëty. Ka'ap pën myäyëtëty nyäyaj'ëwaatsëpëtsëmëtëty ma o'kën.

Juan 8:55

E miitsëty ka'ap xy'ixy'atë. Ëjts, n'ixy'äjtypyës yë'ë; ets koos jeexyë n'ëna'any ko ka'ap n'ixy'ätyës, näjyëtu'un ënäty ëjts nwin'ëënyës ijxtëm miitsëtyën. E ëjts, n'ixy'äjtypyës yë'ë ets npatuumpyës yë y'aaw y'ayuk.

Juan 8:12

Ko ja Jesús ojts jatëkok tmëkäjpxy ja mayjyä'äy, ënät y'ënëmaayëtë: Ëjts kujajp kutë'kxp ma ja naaxwiinyëtën; pën xypyamiinpës, pyaatëp ja të'kxën jajën mëti'ipë yajjuuky'ajtpën ets ka'ap nijëna'a y'ëkyajpatnëty akootstuuy.

Mateo 16:28

Tëy miits n'ënëëmëtë ko tää yaa ja ja'ay yajpaatë mëti'ipë ka'ap y'ooka'antën koonëm t'ixtëty ko ënäty myiny ja yajkutujkpë, ja naaxwiinyëtë ja'ay ja y'U'unk.

Juan 8:52

Ets ja jutiis ja'ayëty y'ëtsoowtë: Tyamës nnijawëtë ko mijts ku'oypyë mëët'ajtyp. Abraham ets tëkokyë käjpxynyajxpëtëjkëty ojts y'o'kta'atë e mijts jëtu'un m'ëna'any: Pën yë n'aaw n'ayukës pyatuunpyën, nijëna'a kya'ooka'any.

Juan 14:23

Tä ja Jesús y'ëtsoowë: Pën xytsyojkpës, myëjpëjktäkpy ja n'aaw n'ayukës; ets tsokanëp ja nTeetyës, ets nTeetyës mëët nmina'anyës etsës nyajpaata'antë mëët yë'ë.

Juan 17:6

Ja ja'ayëty mëti'ipë mijts të xywin'ixyën naaxwiiny, mëti'ipës të xymye'eyën, tëëjës ntuk'ëwaanëtë mpën mijts. Mijts ijty mjä'ä'ajtyp ets tëë mijts xymyo'oyës ets tëë ja m'aaw m'ayuk tpatuntë.

Hebreos 2:9

E Tios të xytyuk'ijxëm ja Jesús, mëti'ipë ja Tios tu'kxëëw tu'kjëmëjt pyëjktakën naxym këtiinëm ja anklëstëjk, tëë yajmo'oy ja kutujkën ets ja mëj'ajt oyajtën, mëët ko tmënajxy tyajnajxy ja o'kën. Tios mëët ja tsyojkën jya'awën yë'ë ojts tuknipëjktaakë ets ja o'kën tpaatëty ets tuk'oy'atëty ja mayjyä'äy.