Juan 8:48 - Biblia Mixe de Quetzaltepec

⁴⁸ Ënät ja jutiis ja'ayëty t'ënëmaaytyë ja Jesús: Tëyës n'ëna'antë ko mijts msamaariëtë ja'ay ets ko mijts ku'oypyë mmëët'ajtyp.

Biblia Dc en Mixe de Quetzaltepec

⁴⁸ Ënet ja jutiis ja'ayëty t'ënëmaaytyë ja Jesús: Tëyës n'ëna'antë ko mijts msamaariëtë ja'ay ets ko mijts ku'oypyë mmëët'ajtyp.

Juan 8:48 ပူးပေါင်းရင်းမြစ်များ

Juan 7:20

Ets ja ja'ay y'ëtsoowëtë: Ku'oypyë mijts mmëët'ajtyp. ¿Pën yam myaj'ookanëp?

Juan 8:52

Ets ja jutiis ja'ayëty y'ëtsoowtë: Tyamës nnijawëtë ko mijts ku'oypyë mëët'ajtyp. Abraham ets tëkokyë käjpxynyajxpëtëjkëty ojts y'o'kta'atë e mijts jëtu'un m'ëna'any: Pën yë n'aaw n'ayukës pyatuunpyën, nijëna'a kya'ooka'any.

Juan 10:20

May ja ja'ay mëti'ipë ënantëpën: ¿Tii ko yë'ë xymyëpëka'antë? Ku'oypyë myëët'ajtyp, ja'akyupoj yë'ë.

Juan 4:9

Ka'ap ja jutiis ja'ayëty mëët ja samaariëtë ja'ay nyämyäyëtë, paaty ja to'oxytyëjk y'ëtsooy: ¿Wi'ixës ko mijts yë nëë xy'amëtoy?, mjutiis ja'ayts mijts ets ëjts samaariëtë ja'ayës.

Mateo 15:7

Oyjyä'äy mnätyijëtë. Miits ojts myajnimëtya'aktë ko yë käjpxynyajxpë Jeséas y'ënäny:

Mateo 12:24

Ko ja fariseë ja'ayëty jëtu'un tmëtoowtë, ënät y'ënantë: Yë ku'oypyë wintsën ya'atë ja'ay mooyëp yë myëk'ajtën, paaty yë ku'oypyë t'ixkexy.

Mateo 10:25

Yë ijxpëjkpë yë'ë tyukjotkujk'atëp ko jëtu'un jya'ta'any tä ja yaj'ijxpëjkpën ets ja mëtuunpë tä wyintsënën. Pën Beelzebú yajtijy ja u'unkteety, ¿tii ko näjyëtu'un kyayajtijtëty ja y'u'unk y'ëna'k?

Mateo 10:5

Jëtu'un ja Jesús ojts t'ëne'emy ja y'ijxpëjkpëtëjk nimajkmäjtskpë ko ojts tkexy Tios y'aaw y'ayuk kajpxwa'kxpë: Ka'ap mnëjkxtëty ma ja'ayëtyën mëti'ipë ka'ap jyutiiyësëty, ni mkanëjkxtëty ma ja Samaria y'itjotmën;

Santiago 2:19

Mijts mmëpëjkpy ko ja Tios tu'ukyë yë'ë, oy ko xymyëpëky; je'eyëp ko yë ku'oypyë myëpëjktëp näjyëtu'un ets tsëtyuuytyëp ko tsë'ëkëtë ja Tios.

Romanos 15:3

Ka'ap ojts kë'ëm ja Kristë nyätyukjotkëtä'äkyë, jëtu'un ijxtëm ja Tios ja y'aaw y'ayuk kyëxja'ayëtyën: Ko ja ja'ay mwinkajpxpätëtëty, aak'ëjts xytyukkëtakp.

Juan 13:13

Miitsëty jä'äs xytyijtë Yaj'ijxpëjkpë ets Wintsën ets tëy jëtu'un m'ëna'antë, yë'ëjës jëtu'unpë ntuunk'ajtyp.

Isaías 53:3

Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënäty ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Hebreos 13:13

Tsojk mpanëjkxëm ja Jesús kajpnpë'am, tsojk n'ëyo'owëm ijxtëm ja Jesús y'ëyooyën.

Mateo 12:31

Paaty miits n'ënëëmëtë ko yë Tios pyokynyimä'kxäämpy yë ja'ay ma winë t'ëëwtëkoy tkajpxtëkoyën; yë'ë tëy ka'ap tnimä'kxa'any mëti'ipë ja Kënu'kxymyëkajtën myëkajpxtëkoopyën.

Mateo 11:18

E ko myiiny ja Juan ka'apë kyäy y'uukyën ijxtëm ja ja'ay kyäytyën y'uuktën, miitsëty jëtu'un m'ënantë ko ku'oypyë myëët'ajtyp.

Juan 1:19

Ënät ja jutiis ja'ayëty mëti'ipë jam Jerusalén kukajpnajtëpën tkäjxtë ja teetytyëjkëty ets ja tsajptëjk mëtuunpëtëjkëty ma ja Juankën ets tyajtëëwtë pën yë'ë.

Juan 8:22

Tääts ja jutiis ja'ayëty y'ënantë: ¿Wä'än jëtää nyäyaj'ooka'anyë, paaty jëtu'un y'ënä'äny ko ka'ap tjëkyepy jam nëjkxmëty ma nyijkxyënë?