Juan 8:47 - Biblia Mixe de Quetzaltepec

⁴⁷ Pën ja Tios ja'ay'ajtëp, y'amëtoow'ijtyp mëti'ipë ja Tios kyäjpxypën; miitsëty ka'ap yë Tios mja'ay'atëtë paaty ka'ap xymyëtoow'itë mëti'ipës nkäjpxypën.

Biblia Dc en Mixe de Quetzaltepec

⁴⁷ Pën ja Dios ja'ay'ajtëp, y'amëtoow'ijtyp mëti'ipë ja Dios kyäjpxypën; miitsëty ka'ap yë Dios mja'ay'atëtë paaty ka'ap xymyëtoow'itë mëti'ipës nkäjpxypën.

Juan 8:47 ပူးပေါင်းရင်းမြစ်များ

Daniel 12:10

May ja ja'ay y'ëyowa'any jyotëkoyä'äny mëët ja ëyo'on mëti'ipë yam të yajnikäjpxyën ets nëjkx wya'atstë ets nitii ëxëëkajtën tkamëët'ata'antë. Yë ëxëëkja'aytyëjk je'eyëm tuna'any tkajpxa'antë winë ëxëëkjaty ets ka'ap tja'akyukëja'antë tii tuunëp jajtëp, e yë wijyjyä'äytyëjkëty jyä'äkyujkëtya'ajantëp winë wa'ats.

Juan 12:48

Pën xypyäjxpës ets ka'ap tmëjpëjktä'äky ja n'aaw n'ayukës, tam tmëët'ajnë mëti'ipë yajnitukëjanëpën: ja n'aaw n'ayukës mëti'ipës të nkäjpxyën yë'ë nëjkx yajnitukëty.

Juan 18:37

Ënät ja Pilato y'ëtsoowë: Ko jëtu'un m'ëna'any jëtu'un yajja'akyukë, yajkutujkpë yowë mijts. Ënät ja Jesús y'ëtsooy: Mijts jam m'ënaanp, ëjts yajkutujkpë. Ëjts yë'ëjës të niminy naaxwiiny etsës nimëtya'akëty ja tëyajtën. Ni'ëmukë mëti'ipë tyuk'ijtëtëp ja tëyajtën, myëtoow'ijtëp yë n'aaw n'ayukës.

Juan 5:25

Tëy miits nëëmëtë ko tää wyinkony ja xëëw jëmëjt ets tyamën jä'ä, ko ja o'kpë tmëtowtëty ja Tios U'unk ja y'aaw y'ayuk, ets mëti'ipë y'amëtoow'ijtëp, pyaatëp y'ixtëp ja juukyajtën.

Juan 6:65

Ets jyaak'ënany: Paty miits nëëmëtë ko ka'ap tjëkyepy pën xynyiminëtyës pën ka'ap ja Tios Teety wyoowminyë.

Juan 8:37

Nnija'apës ko Abraham xy'ap'at xy'ok'atë; je'eyëp ko xyaj'ookantëpës miitsëty, jä'ä ko ka'ap ja n'aaw n'ayukës xykyupëjkëtë.

Juan 8:43

¿Tii ko ka'ap miits xyjyä'äkyukëtë yë n'aaw n'ayukës? Yë'ë ko miits ka'ap xymyëtowtë mëti'ipës njakäjpxypën.

Juan 8:45

E ëjts, jä'ä ko tëyës nmëtyä'äky paaty ka'ap xymyëpëktës.

1 Juan 3:10

Nikëxë'kp ja ja'ay mëti'ipë ja Tios u'unk'ajtëpën ets mëti'ipë ja mëjku'u u'unk'ajtëpën. Pën ja oypyë kyatuumpyën ëkë ka'ap ja myëku'uk ttsoky tjawë, ka'ap ja Tios y'u'unk'atyë.

1 Juan 5:1

Pën myëpëjkpy ko ja Jesús yë'ë mëti'ipë ënäty yajjëjp'ijxpën, Tios ja u'unk'ajtëp; ets pën ja Tios Teety tsyojkpy, näjyëtu'un tsokëty ja Tios u'unk.

2 Juan 1:9

Pën yajni'ikëp ja Kristë ja y'ijxpëjkën, ka'ap ënäty mëët y'ity. Pën pyatuumpy ja Kristë ja y'ijxpëjkën, yë'ë ja Tios Teety ets ja Tios U'unk mëët yajpaaty.

3 Juan 1:11

Mëku'uk, këtii yë'ë xypyatunëty ja ëxëëk ijxpëjkën, patun mijts ja oypyë. Pën ja oypyë tyuunpy, yë'ë Tios jä'ä'ajtëp; pën ja ëxëëkpë tyuunpy, ka'ap ja Tios nyijawëty.