Juan 8:31 - Biblia Mixe de Quetzaltepec

³¹ Tääts ja Jesús y'ënëmaayëtë ja jutiis ja'ayëty mëti'ipë ënäty të myëpëktën: Pën miitsëty mpatuuntëp ja n'aaw n'ayukës, ënät n'ijxpëjkpë'atëty;

Biblia Dc en Mixe de Quetzaltepec

³¹ Tääts ja Jesús y'ënëmaayëtë ja jutiis ja'ayëty mëti'ipë ënety të myëpëktën: Pën miitsëty mpatuuntëp ja n'aaw n'ayukës, ënät n'ijxpëjkpë'atëty;

Juan 8:31 ပူးပေါင်းရင်းမြစ်များ

Mateo 24:13

Temë pën xymyëpëjkpës mapaat jyëjpkëxyën, yë'ë nëjkx nyitso'oky.

Juan 1:47

Ko ja Jesús t'ijxy ko ja Natanael myëwinkonyë ënät y'ënäny: Tyaa tu'uk ja Israel ja'ay mëtëypyë mëti'ipë ka'ap y'antä'äkyën.

Juan 2:2

ets ojts ja Jesús yajwoy mëët ja y'ijxpëjkpëtëjk.

Juan 6:55

Jä'ä ko ja ni'kx nkopkës ets ja ne'pnyës, yë'ë mëtëypyë tsu'utsy ets mëtëypyë uuky.

Juan 8:36

Pën ja Tios U'unk, myaj'ëwaatsëpëtsëëmëtëp, ënät miits ëwaatsëtum m'ittëty.

Hechos 13:43

Ko ye'eywya'kxnëtë tsajptëkotm, nimay ënäty ja jutiis ja'ay jam ets näjyëtu'un ja ja'ayëty mëti'ipë ënäty të tmëpëjknëtën ja jutiis ja'ay ja myëpëjkënëty, jä'ä pyanëjkxtë ja Pablo ets ja Bernabé. Ënät ja Pablo ets ja Bernabé ojts tkajpxwijtë ja ja'ayëty ets nyäyaj'itëtëty mëët ja Tios ja tsyojkën jya'awën.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënäty ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Tios ja kyutujkënën, kopkpëky ko nku'ëyo'owëmëty.

Hechos 26:22

E tyampaatës ja Tios xypyutëkë, paatyës ja y'aaw y'ayuk ntuk'ëwaanë ja ja'ay mëj mutsk. Nijëna'ajës ja aaw ayuk wiinkëtypë të nkanikäjpxy, yi'iyës nnikäjpxyp wi'ix ja Tios ja kyäjpxynyajxpë ets ja Moisés y'ënantën ets tyunëtëty jyatëtëty,

Romanos 11:22

Ix, wi'ix ja Tios y'oyëtyën ets näjyëtu'un wi'ix tpëjktä'äkyën ja tsaatsytyu'unën; mëk tsaatsytyuny mëti'ipë pokyjotm ka'atëpën, e mijts oy të mmëët'atyë. Je'eyëp ko kopkpëky ko mjuuky'atëty xëmë oy ijxtëm yë'ë t'oy'ixyën; jä'ä ko tsojk näjyëtu'un myajkatspuxëty.

Romanos 2:7

Myo'ojäämpy ja juukyajtën xëmëkyëjxmëpë mëti'ipë y'ijxtaaytyëpën ja mëj'ajt oyajtën, xoontakën ets ka'apë kyixy nyäxyën, ets të tuntë xëmë ja oypyë;

Colosenses 1:23

Je'eyëp ko mëk mëpaat myajpaatë ma mëpëktën, këtii xymyajtstu'utëty mëti'ipë të xymyëpëktën ets mëti'ipë të xymyëtowtën. Yë'ë jëtu'un ya'atë aaw ayuk mëti'ipë të yajkajpxwä'kxyën oy tyimmaajëty ma ja it naaxwiinyëtën, ëjts Pablo je'eyës të nputëkë ets të yajkäjpxywä'kxy.

1 Timoteo 2:15

Ja to'oxytyëjk näyajtso'okanëp kë'ëm ma y'ityën taak tsi'tsk, ets ni'ik ko wijy yajpaatëty ma ja mëpëjkënën, ma tsojkën ja'awënën ets ko wa'ats jyuuky'atëty.

1 Timoteo 4:16

Mnäkyëwent'atëtëp kë'ëm ets mëk xykyëwent'atëty mëti'ipë ja'ay mtuk'ijxpëjkpyën ets jotkujk myajpaatëty. Pën mtuumpy jëtu'un, mpaatëp ja nitsokën ets myajnitso'okëp ja mëti'ipë ënäty mëtoow'ijtëpën.

2 Timoteo 3:14

Mijts mëk ja mwinma'any xymyëët'atëty ma ja mëti'ipë të xyjyätyën ets xymyëpëkyën. Mnija'ap pën të myaj'ijxpëkyën.

Hebreos 3:14

Tëë mëët ja Kristë npatëm ja oyajtën, mëët yi'iyë ko ntukjotkujk'ajtmëty mapaat njuuky'ajtëmën ijxtëm të nyajtso'ontakëmën.

Hebreos 8:9

Ka'ap y'ëkjëtu'un'ajnë ijxtëm ja y'aptëjk ojts mëët nkäjpxy'ätyësën ko ojts nyajpëtsëmtës jap Egiptë y'itjotm; jä'ä ko ka'ap tpatuuntë mëti'ipës ojts mëët nkäjpxy'atën, paatyës ojts n'ëxmatstë.

Santiago 1:25

E ja ja'ay mëti'ipë ka'ap tja'atyëkoyën mëti'ipë të tmëtoyën, tu'ukyë ja wyinma'any tpëjktä'äky wi'ix y'ënä'änyën ja ënä'ämën tëyajtën mëti'ipë yajnitsokpën ets xëmë tpatun, jotkujk xëmë y'ita'any.

1 Juan 2:19

Yë'ëjëty tëë jam yajpaatë ma ëëtsajtëmën. Je'eyëp ko ka'ap oy të myëpëktë. Ko jeexyë tu'ukyë ja jyot wyinma'any të tpëjkta'aktë, ka'ap jeexyë të xypyuye'eytyutëmë. Jëtu'un të nyikëxë'ëky ko ka'ap ëëtsajtëm nja'ay'ajtëmë.

1 Juan 2:24

Paaty miits nëëmëtë, yaj'itë mjootjoty mwinma'anyjyotyëty ja Tios ja y'aaw y'ayuk mëti'ipë ojts ëka'any xymyëtowtën, pën jap xymyëët'atë mjootjoty mwinma'anyjyotyëty mëti'ipë më''ëka'any mmëtoowtën, näjyëtu'un miitsëty tu'ukyë myajpaata'antë mëët ja Tios Teety ets ja Tios U'unk.

2 Juan 1:9

Pën yajni'ikëp ja Kristë ja y'ijxpëjkën, ka'ap ënäty mëët y'ity. Pën pyatuumpy ja Kristë ja y'ijxpëjkën, yë'ë ja Tios Teety ets ja Tios U'unk mëët yajpaaty.

1 Samuel 12:14

Tyam miits ënät mpatëtëp pën mëjjawëjantëp yë Wintsën ets pën m'ëwtatantëp yë'ë, miits mnija'awëtyëp pën nkäjpxymyëtowantëp ets pën mpatunantëp yë y'ënä'ämën tyiyajtën ets mjuuky'atëty jëtu'un tä yë'ë tsokyën, jëtu'un'äämpyts jotkujk myajpaatëty.