Juan 8:20 - Biblia Mixe de Quetzaltepec

²⁰ Jëtu'un ja Jesús y'ënäny tam ënäty yaj'ixpëky ma ja mëjtsajptëjkën ma ja ayajk ako'onën meeny nyipetyën. E ni pën ojts kyamatsyë, jä'ä ko ka'anëm ënäty ja nyixëëw tpaatynyëm.

Biblia Dc en Mixe de Quetzaltepec

²⁰ Jëtu'un ja Jesús y'ënäny tam ënety yaj'ixpëky ma ja mëjtsajptëjkën ma ja ayajk ako'onën meeny nyipetyën. E ni pën ojts kyamatsyë, jä'ä ko ka'anëm ënety ja nyixëëw tpaatynyëm.

Juan 8:20 ပူးပေါင်းရင်းမြစ်များ

Juan 7:30

Ënät ojts tjamatsa'antë, je'eyëp ko ni pën ojts tkanixajë, jä'ä ko ka'anëm ënäty ja nyixëëw tpaatynyëm.

Juan 7:8

Nëjkxtë miitsëty mxëëwatë; ëjts ka'apës nnëjkxa'any, jä'ä ko ka'ap ja nyixëëw tpaatynyëm.

Marcos 12:41

Tu'k'ok ja Jesús nyaaxwe'tsy jam winkon ma ja ja'ay ja meeny t'apëkëtën, jam t'ijx'ity wi'ixëty ja ja'ay ja meeny tpëjkta'aktën. Nimay ja kumeenyjyä'äy mayëty ja meeny t'apëkëtë.

Juan 7:44

Tam jënaakën mëti'ipë ojts tjamatsa'antën, je'eyëp ko ka'ap tmajtstë.

Marcos 12:43

Ënät ja Jesús tmëkajpxmujky ja y'ijxpëjkpëtëjk, ets t'ënëmaay: Tëy miits n'ënëëmëtë ko yë ku'ookytyo'oxy ëyoopëja'ay, wäänëmay ja myeeny të t'akonë këtiinëm ni'ëmukë ja wiink ja'ay mëti'ipë jyä'ä të tpëjkta'aktën meeny apëjkënjoty.

Mateo 27:6

Ja teety wintsëntëjkëty ojts ja meeny tkoonë'ëktë ets y'ënantë: Ya'atë meeny ne'pnymyëët yë'ë, ka'ap tjëkyepy jap nkupëjkëmëty ma nyipetyën yë ayajk ako'onën.

Juan 10:39

Tääts ojts tjamatsa'antë jatëkok, je'eyëp ko ojts ja Jesús ye'eytyëkoy.

Juan 8:59

Ënät ja tsaa tkoonë'ktë ets tjaka'atsantë ja Jesús; je'eyëp ko näyu'tsë ënätyë ets pyëtsiimy ma ja mëjtsajptëjkën.

Lucas 20:19

Ënätyë ja teety wintsëntëjk ets ja tsajptëkotyëtë yaj'ijxpëjkpëtëjk tjamatsantë ja Jesús, jä'äkyëjxm ko jëtu'un tja'awëtyë yë'ë yowë yajwinkajpxpäjtëp ko ënäty ja Jesús ja ijxpäjtën jëtu'un të tnimëtyä'äky.

1 Crónicas 9:26

E ja mëti'ipë ojts yajxon tyimyajtuknipëktën këwent'atëty ja taxkpëkpyë ja tëjkëtyakn, mëti'ipë Leví ja'ayëty, ka'ap ijty nijëna'a t'awa'ktu'utë ja tëjk'aaw, xëmë jam yajpaatë ets tkëwent'atë ja Tios ja jyëën tyëjk.

Mateo 26:55

Näy jää ja Jesús ja mayjyä'äy tyajtëëy: ¿Tii ko xynyimintës mëët yë tëypyujxn ets kepy, ijxtëm jeexyë ëjts nmä'tspëtyën? Jëpom jëpomës ijty nyaj'ijxpëky jap tsajptëkoty ets ka'apës jää të xymyatstë.

Lucas 21:1

Tam ënäty tëkok ja Jesús t'ixy ko ja kumeenyjyä'äytyëjk t'apëkëtë ja meeny jap apëjkënjoty,

Juan 2:4

Ënät ja Jesús y'ëtsooy: Nanë, ¿tiis ko jëtu'un xy'ënëëmë? Ka'anëm tpaaty ja nyixëëw maas winë ntunëtyën.

Juan 7:14

Xëëw kujkwä'kxy ja Jesús ojts nyijkx ma ja mëjtsajptëjkën ets yaj'ijxpëjktso'ony.

Juan 8:2

ets ko xyiinytyäky, tää ojts nyijkx ma ja mëjtsajptëjkën. Ënät ja ja'ay tyukye'eymyujkë ets nyaaxwe'tsy ets yaj'ijxpëjktso'ony.