Juan 8:17 - Biblia Mixe de Quetzaltepec

¹⁷ Jëtu'un jap y'ënä'äny ma miits ja m'ënä'ämënëty; ko nimäjtsk ja ja'ay tii nikajpxtë mëti'ipë nyija'awëtëpën tuunp jä'ä ets tsoowpatp.

Biblia Dc en Mixe de Quetzaltepec

¹⁷ Jëtu'un jap y'ënä'äny ma miits ja m'ënä'ämënëty; ko nimäjtsk ja ja'ay tii nikajpxtë mëti'ipë nyija'awëtëpën tuunp jä'ä ets tsoowpatp.

Juan 8:17 ပူးပေါင်းရင်းမြစ်များ

1 Reyes 21:10

Tääts näjyëtu'un xymyëjwowtëty mäjtsk yë ja'ay mëti'ipë win'ëënëpën ets tpokynyitijtëty yë Nabot, jëtu'un y'ëna'anëty ko wiinkjaty yë Wintsën të tijy ets nän wiinkjaty yë yajkutujkpë të tnikäjpxy. Tääts ënät ok xyajpëtsëmtëty ets xykyuka'atstëty.

Números 35:30

Ënät tjëkyäpëty tu'uk yë ja'ay y'ookëty mëti'ipë ënäty të yaja'ay'ookyën pën pëtsëëmp mäjtsk tëkëëk mëti'ipë nikajpxëpën. Pën tu'uk je'eyë yë ja'ay nyikäjpxyë ka'ap tjëkyepy wi'ix yajtunëty yë ja'ay.

Mateo 18:16

Pën kajts tmëjpëjktä'äky wi'ix ënäty xyjya'ënëëmën wow tu'uk mäjtsk ja ja'ay ets t'ixtëty nijawëtëty wi'ix ënäty xim yam ja mpoky mnätyukwinmëtowëtën.

Juan 10:34

Ënät ja Jesús y'ëtsoowëtë: Ma miits ja m'ënä'ämën mkutujkën xymyëët'atën jëtu'un jap kyëxja'ayëty: Jëtu'unës n'ënany ko miits mtios'atë.

Juan 15:25

E ya'atë paaty jëtu'un tyunyë jyätyë ets y'atëwëty ja aaw ayuk mëti'ipë kuja'ay miinpën ma ja y'ënä'ämënëtyën: Natëkës të y'ëxëëk''ixtë.

2 Corintios 13:1

Mëtëkëëk'ok tyam miits nëjkx nku'ixëja'antë. Jää nëjkx winë tyiytyëkë mëët nimäjtsk nitëkëëkën mëti'ipë y'ixtëp nyijawëtëpën winë.

Gálatas 3:24

Ja ënä'ämën jëtu'un ijty xykyëwent'ajtëmë ijxtëm tu'uk yë mëtuunpë tkëwent'atyën ja pi'k ëna'k; koonëm myiiny ja Kristë ets ojts mpatëmë ja ëwaatsë'ajtën.

Gálatas 4:21

Miitsëty, mëti'ipë ja Moisés ja y'ënä'ämën pyatunanëtëp, nikajpxtë, ¿ka'ap xynyijawëtë wi'ix ja ënä'ämën y'ënä'änyë?

Deuteronomio 17:6

Ko yë kutuunk tni'ënä'ämëty ets tu'uk yë ja'ay y'ookëty. Ënät y'ookëty pën jam'ajtp nimäjtsk nitëkëëk yë ja'ay mëti'ipë ja myëku'uk të t'ixyën tyuuntëkoy. E pën tu'uk je'eyë ja ja'ay mëti'ipë ja myëku'uk nyikäjpxypën, ka'ap tjëkyepy yë kutuunk pën tëytyunëty ëkë tni'ënä'ämëty ets y'ookëty.

Deuteronomio 19:15

Ko je'eyë ja ja'ay tu'uk y'itëty mëti'ipë ja nëë poky nyikajpxëpën, ijxtëm ko ënäty muum ja ja'ay ja myëku'uk të tyaj'ooky, ma të tyuuntëkoy të kyajpxtëkoyën, ëkë ma tii poky të tunyën. Ënät mëpaat yajmëpëky ja nëë poky, pën nimäjtsk nitëkëëk y'ity ja mëti'ipë poky nyikajpxtëpën.

Hebreos 10:28

Ko ijty pën tkapatuny ja Moisés ja y'ënä'ämën, o'kp ijty, jä'ä ko tam ja mëti'ipë ni'ë'ënëpën nimäjtsk nitëkëëk, paaty ka'ap yajpa'ëyoy,

1 Juan 5:9

Tsojk nmëpëjkëm mëti'ipë nyikajpxpäjtëpën ko ja Jesús Tios y'U'unk'atyë. Ja ni'ik mëtëypyë mëti'ipë ja Tios Teety të tnikäjpxyën ko ja Jesús t'U'unkëty.

Apocalipsis 11:3

Nkäxäämpyës nimäjtsk yë ijxpë tuunpë, yë'ë wyit'ajtëp yë wit mëti'ipë u'kxpën ets kuumpën ets nikajpxa'antë mëti'ipë tunan jatanëpën tu'uk mil ja mäjtsk mëko'px ja tëkë'px xëëw.