Juan 8:14 - Biblia Mixe de Quetzaltepec

¹⁴ Tä ja Jesús y'ëtsooy: Oyës kë'ëm nänyimëtyä'äkyë, tsoowpatp yë'ë, jä'ä ko nija'apës tiis nkäjpxyp; nija'apës maas ntsoony ets maas nnëjkxyën e miitsëty ka'ap xynyijawëtë.

Biblia Dc en Mixe de Quetzaltepec

¹⁴ Tä ja Jesús y'ëtsooy: Oyës kë'ëm nänyimëtyä'äkyë, tsoowpatp yë'ë, jä'ä ko nija'apës tiis nkäjpxyp; nija'apës maas ntsoony ets maas nnëjkxyën e miitsëty ka'ap xynyijawëtë.

Juan 8:14 ပူးပေါင်းရင်းမြစ်များ

Juan 16:28

Jamës të ntsoony maajës ja nTeetyën ëts yaa naaxwiiny të nminyës, e tyamtsës n'ëxmatsy ya'atë naaxwiinyëtë etsës nnëjkxy jatëkok maajës ja nTeetyën.

Juan 14:10

¿Këtii xymyëpëky koos nyajpaaty mëët tu'ukyë ja Tios Teetyë ets ja Tios Teety mëët ëjtsë? ja mëti'ipë të ntukmëmëtya'aktën ka'ap kyë'ëm winma'anyëty të nnikäjpxyës. Ja Tios Teety mëti'ipë juukyajtpën ma ëjtsën, yë'ë kë'ëm winë të tuny.

Juan 8:42

Ënät ja Jesús y'ëtsoowëtë: Ko jeexyë miits ja Tios xytyeety'atë, xytsyojktëpës jeexyë, jä'ä ko jamës ntsoony ma ja Tiosën ets tyaajës nyajpaaty. Ka'apës nkë'ëmwinma'any të nyajtuny koos yaa të nminy, Tiosës të xykyexy.

Juan 17:8

Tëës ntuk'ëwaanëtë ja ayuk mëti'ipës mijts të xymye'eyën ets tëë tkupëktë. Tëë tnijawëtë ko tëy jëtu'un ko jamës ntsoony ma mijtsën ets tëë tmëpëktë ko mijts të xykyexyës.

Números 12:3

Yaa naaxwiiny ni pën ënäty jëtu'un kyatëtä'äkyëty tä Moisésën.

Apocalipsis 3:14

Nnijayë yë tsajpjotmëtë kukäjpxy jampë yajpaatyën Laodicea: Jëtu'un y'ënä'äny ja mëti'ipë yäjkpyën ja tëyajtën ets mëti'ipë yajkutujkpyën tu'kë'ëyë mëti'ipë ja Tios yajkojën.

2 Corintios 12:19

¿Wä'än jëtää miits mmaytyë mtajtë? ko mä'kxën yam mpëjktsoowtëpës ma miitsëtyën, je'eyëp ko ka'ap jyëtu'unëty. Tios wyintuuy wyinkujk ëëts nkajpxtë nmëtya'aktë ijxtëm ja Kristë të xymyo'otënës ja aaw ayuk. Mëku'uktëjkëty mëti'ipës ni'ik ntsojktëpën, tu'kë'ëyë mëti'ipës ntuuntëpën, yë'ëkyëjxm ets miits mwinpätëty ma ja mmëpëjkënëtyën.

2 Corintios 12:11

Jëtu'unës yam nkäjpxy nmëtyä'äky ijxtëm tu'uk ja ja'akyupojën, je'eyëp ko miits të xy'akwanë'atës etsës jëtu'un n'ëtë'ëtsëty. Jä'ä ko miits mjapatëtëp jeexyë oy xynyimëtya'aktës, ëjts ka'apës tii nkëjxmëty ma tääpë ja'ayëtyën mëti'ipë nätyijëtëp mëj ayuk käjpxynyajxpë. Ma yë'ëjëtyën, ëjts ka'apës tii ntsowëty.

2 Corintios 11:31

Ja Tios, ja Wintsën Jesukristë Tyeety, mëti'ipë paat'ajtëp ja wyintsë'kën xëmëkyëjxmëpë, nyija'ap koos tëy n'ëna'any.

Juan 10:36

E pën ëjts tëëjës ja Tios xykyënu'kxy ets yë'ëjës të xykyexy yaa naaxwiiny, ¿tii ko m'ëna'antë ko Tios nmëtëkoyës koos nätyijyë ko yë'ë xy'u'unkëtyës?

Juan 10:15

Ëjts jëtu'un oypyë kupixyny këwent'ajtpë. Jëtu'un ijxtëmës ja Tios Teety xy'ixy'ätyën nän jëtu'unës ëjts yë'ë n'ixy'äty. Nku'o'këpës ja nkupixyny.

Proverbios 8:7

Mëti'ipës yam nikajpxäämpyën yë'ë mëti'ipë jaantyën; ëjts ka'apës nwinjawë n'anta'akëty.

Juan 5:31

Ko jeexyë ëjts kë'ëm ja n'aaw n'ayukës nnikajpxpety, ka'ap jeexyë tyuny.

Juan 18:37

Ënät ja Pilato y'ëtsoowë: Ko jëtu'un m'ëna'any jëtu'un yajja'akyukë, yajkutujkpë yowë mijts. Ënät ja Jesús y'ëtsooy: Mijts jam m'ënaanp, ëjts yajkutujkpë. Ëjts yë'ëjës të niminy naaxwiiny etsës nimëtya'akëty ja tëyajtën. Ni'ëmukë mëti'ipë tyuk'ijtëtëp ja tëyajtën, myëtoow'ijtëp yë n'aaw n'ayukës.

Apocalipsis 1:5

ets näjyëtu'un ja Wintsën Jesukristë, mëti'ipë ja Tios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,