Juan 7:52 - Biblia Mixe de Quetzaltepec

⁵² Ets ja myëku'uktëjk jëtu'un y'ëtsoowtë: ¿Näy mkaliletë ja'ay mijtsë? Ixpëk yë Tios yë y'aaw y'ayuk, tääts xy'ixëty ko ka'ap pën Tios käjpxynyajxpë tsyoona'any jam Galilea.

Biblia Dc en Mixe de Quetzaltepec

⁵² Ets ja myëku'uktëjk jëtu'un y'ëtsoowtë: ¿Näy mkaliletë ja'ay mijtsë? Ixpëk yë Dios yë y'aaw y'ayuk, tääts xy'ixëty ko ka'ap pën Dios käjpxynyajxpë tsyoona'any jam Galilea.

Juan 7:52 ပူးပေါင်းရင်းမြစ်များ

Génesis 19:9

E yë'ëjëty tä ojts y'ëtsowtë: Mijts ëkjëwa'akmës, ka'ap tjëkyepy tu'uk yë jaaypyo'kxyjyä'äy xy'ënä'ämtëtyës. Paaty tyam ni'ikwäänë o'ktëy, ënät yam ntuntëty, këtiinëm tääpë ye'etyëjkëty mëti'ipë të xyajja'ajtä'äkyën. Ënät ojts ja Lot ëxëëk tuntë, ojts ja tyëjk aaw t'awa'kpäjtëtë ets tjakujëpijpnaxantë.

1 Reyes 22:24

Tä ja Sedequías, myaank yë Quenaaná, wyä'ätsë'ky ets tmëwinkoony ja Micaías, tääts tu'uk kë'ë t'amëkojxëy ets t'ënëmaay: ¿Maa jëtäätën ënät ja Wintsën ja myëk'ajtën y'oy'ajën të nyijkxy mëti'ipës të xy'ëxmatsyën ets jeexyë mijts mmëkäjpxy?

Éxodo 2:14

Ënät tääpë nimäjtskpë ja hebreo ja'ayëty y'ëtsoowtë: ¿E mijts pën të mpëjktakëpë ënä'ämpë yajkutujkpë ma ëëtsëtyën? ¿Ëkë jä'äjëtën m'ëna'any, ko näjyëtu'un ënät yam xyaj'ookëtyës, tä ëxë'ëy xyaj'o'kyën ja Egiptë ja'ayë? Ko yë Moisés jëtu'un tmëtooy ja ayuk, ënät ojts ja tsë'ëkë tyuktëkëty. Jä'ä ko tëëtëm ënäty yajnijawë, ko ja Egiptë ja'ay të tyaj'ooky.

Juan 1:46

Ënät ja Natanael y'ënäny: Nazaret. ¿Wä'än ja'ay jam jëtu'unpë pyëtsëmëtyë? Ets ja Felipe y'ëtsooy: Min ets xy'ixëty.

Juan 5:39

M'ijxpëjktëp oy'ixyë ja Tios ja y'aaw y'ayuk këxja'aypyë, jä'ä ko jëtu'un mmaytyë mtajtë ko jap xypyaata'antë ja juukyajtën xëmëkyëjxmëpë.

Juan 7:41

Ets ja wiinkëtypë y'ëna'antë: Yë'ë yë Kristë ets jatu'kpëky y'ëna'antë: Ka'ap Kristëty jä'ä ko ka'ap jam tsyoona'any Galilea y'itjotm.

Juan 7:53

Tääts ja ja'ay ojts nyëjkxnëtë këëktëjk.

Juan 9:34

Ënät t'ënëmaaytyë: Mijts pokyjoty të mëxu'unk'aty, ¿ka'ap tjëkyepy xyaj'ijxpëktëtyës? Ets t'ixkäjxtë jap tsajptëkoty.