Juan 7:39 - Biblia Mixe de Quetzaltepec

³⁹ Ko ja Jesús jëtu'un y'ënäny yë'ë Kënu'kxymyëkajtën tyij mëti'ipë y'ëxajëtëpën ja mëpëjkpë, jä'ä ko ka'anëm ënäty ja Jesús tsyajp petynyëm, paaty ja Kënu'kxymyëjajtën ënäty ka'ap myinyëm.

Biblia Dc en Mixe de Quetzaltepec

³⁹ Ko ja Jesús jëtu'un y'ënäny yë'ë Kënu'kxymyëkajtën tyij mëti'ipë y'ëxajëtëpën ja mëpëjkpë, jä'ä ko ka'anëm ënety ja Jesús tsyajp petynyëm, paaty ja Kënu'kxymyëjajtën ënety ka'ap myinyëm.

Juan 7:39 ပူးပေါင်းရင်းမြစ်များ

Salmos 68:18

Mijts Tios, janty këjxm ojts mpety ets xyajnëjkxy ja mtsumjyä'äy; ojts ja'ay winë mmo'oyë, yë'ëpaat ja'ay mëti'ipë käjpxy kumëtoownajxtëpën ojts mwinkoxtänëty, Wintsën.

Proverbios 1:23

Ja'aykyukëtë yajxon mëti'ipës yam nkajpxtëtäkpyën ets nmo'otëty ja nmëk'ajtën n'oyajtënës, e jëtu'unts yajxon xywyinjawëtëty mëti'ipës nwinma'any'äjtypyën.

Isaías 12:3

Näyjyëtu'un miitsëty xoontä'äky nëjkx m'uuktë mpëktë ma ja nitsokën yajpaatyën jëtu'un tä nëë muum nyaaxwinpëtsëmyën,

Isaías 32:15

E ja Wintsën ja myëk'ajtën, mëti'ipë winë yajkojpyën minaanp jatëkok ma ëëtsajtëmën ets nëjkx ja itjot aanë'ëk tëëtsë'ëkpë y'awinpity jë'kxy naaxjot ets nëjkxëp jam winë y'ity wyintëy.

Isaías 44:3

Jä'ä koos nyajpëyë'ëkäämpyës yë nëë jam të'ëts'itjotm, nyajye'eyäämpyës yë nëë jap wokjoty mëti'ipë të tyëtsnën. Nmo'ojäämpyës ja jyuukyajtën ja m'u'unk m'ok ets nkënu'kxäämpyës näjyëtu'un.

Joel 2:28

Ko ënäty jëtu'un të tyuny të jyätyë, täätsës nëjkx nyajkëtä'äky yë nmëk'ajtënës ma nitëkokyë ja'ayëtyën: yë m'u'unk m'ëna'këty ye'etyëjkpë ets to'oxytyëjkpë nëjkxëp yë n'ayukës tkajpxnaxtë ma miitsëtyën; yë mëjja'aytyëjk nëjkxëp mya'atë pyo'kxtë ets ëna'ktëjkëty oyëty nëjkx wyikëma'atë.

Mateo 16:14

Ets y'ëtsoowtë: Tam mëti'ipë ënantëp ko mijts Juan Yajnëëpäjtpë, tam mëti'ipë ënantëp ko mijts mEliiësëty ets tam mëti'ipë ënantëpën ko mijts mJeremiiësëty ets wiinkpë y'ëna'antë ko Tios käjpxynyajxpë mijts.

Mateo 21:11

Ets ja ja'ay y'ëtsoowtë: Käjpxynyajxpë Jesús yë'ë, jam Nazaret tsyoony, Galilea y'itjotm.

Lucas 24:49

Ntuknikäxtëp miits mëti'ipë ja Tios Teety të twaantä'äkyën, je'eyëp ko wë'ëmtë miits yaa Jerusalén koonëm xypyaatëty ja mëk'ajtën mëti'ipë tsajpjotm tso'onpën.

Lucas 3:16

Tääts ja Juan y'ënëmaayëtë ni'ëmukë: Nëë mëët miits nyajnëëpätë, je'eyëp ko xypyamiinpës tu'uk ja ja'ay mëti'ipë myajnëëpätanëtëp mëët ja Kënu'kxymyëkajtën. Ka'apës ëjts xypyääty etsës ja kyë'ëk n'akäjëty.

Lucas 7:16

Ko jëtu'un t'ijxtë, tääts ni'ëmukë tsyë'këtyë ets ja Tios tmëjja'aw tjaantyjya'awëtyë ets y'ënantë: Tu'uk ja Tios kyäjpxynyajxpë të kyëxë'ëky ma ëëtsajtëmën. Näyjyëtu'un y'ënantë: Tëë ja Tios tniminy tnija'ty ja jyä'äy.

Juan 1:21

Tääts tjaakyajtëëwtë: ¿Mpënxën mijts? ¿Tios kyäjpxynyajxpë Elías? Ets ja Juan y'ënäny: Ka'ap y'ëjtsëty. Ets tjaaknëmaaytyë: ¿Yë'ë mijts ja Tios kyäjpxynyajxpë mëti'ipë minaanpën? Ets ja Juan y'ëtsooy: Ka'ap y'ëjtsëty.

Juan 1:25

Yë'ë ojts tyajtëwtë: Pën ka'ap mijts mKristëty ets ka'ap mijts mElíasëty ets ka'ap myijtsëty Tios kyäjpxynyajxpë, ¿tiixë ko myajnëëpety?

Juan 1:33

Ka'apës ënäty ëjts nijawë pën yë'ë, je'eyëp ko mëti'ipës xykyäjxën etsës nyajnëëpätëty nëë mëët, yë'ëjës xynyëmaay: Yë'ë mtuk'ixëp ko ja Kënu'kxymyëkajtën tyukëta'akëtëty ets nyäpyëjkta'akëtëty ma yë'ëjën, yë'ë ënäty mëti'ipë nëjkx yajnëëpetyën mëët ja Kënu'kxymyëkajtën.

Juan 12:16

Më''ëka'any, kä'äp ojts ja y'ijxpëjkpëtëjk tja'akyyukëtë; oknëm tja'akyyukëtë ko ja Jesús yajmëjja'aw yajjaantyjya'awëy, jäänëm ojts tja'amyätstë wi'ix ja Jesús ënäty të jyäty të kyëpetyën, näjyëtu'un wi'ix ja Tios ja y'aaw y'ayuk ënäty y'ënä'änyën.

Juan 12:23

Ënät ja Jesús y'ënëmaayëtë: Tëë ja xëëw jëmëjt tpaaty ko yajmëjjaw yajjaantyjyawëty ja naaxwiinyëtë ja'ay ja y'U'unk.

Juan 14:13

Ets tu'kë'ëyë mëti'ipë miits m'amëtoowtëpën ëjts nxëëwkyëjxmës, ntunäämpyës, ets mëët ja Tios U'unk yaj'ixëty ja Tios Teety ja myëj'ajt jyääntyajtën.

Juan 14:26

e ja nikajpxtutpë, ja Kënu'kxymyëkajtën mëti'ipë ja Tios Teety kyäxäämpyën ëjts nxëëwkyëjxmës, yë'ë mtuk'ëwaanëjanëtëp tu'kë'ëyë winë ets xyjyä'ämyätstëty wi'ixjaty miits të nëëmëtën.

Juan 16:14

Nëjkxëpës ja xymyëjjaw xyjyääntyjyawë, jä'ä ko yë'ë y'ëxajëjäämpy mëti'ipës ëjts njä'äj'typyën ets miits myajmo'oja'antë.

Juan 16:7

E tëy miits nëëmëtë: Nëjkxaanpës ets miits xytyuk'oy'atëty. Koos nkanëjkxëty, ka'ap tjëkyepy myinëty ja Nikajpxtutpë ma miitsëtyën; e pën nëjkxpës, ëjts jam nkäxäämpy.

Juan 17:1

Ko ja Jesús jëtu'un y'ënaantaay ënät jam tsajpkëjxm pya'at'ijxy ets ja Tios nja'amyejtsy: Tios Teety, tëë ja xëëw jëmëjt tpatnë, mëjjaw jaantyjawë ja m'U'unk ets näjyëtu'un nmëjjaw njaantyjawëtëty.

Juan 17:5

Mooykyës tyam mwiintuuy ja mëj'ajt oyajtën mëti'ipës ijty nmëët'ajtypyën ma ka'anëm ja naaxwiinyëtë tsyo'ontä'äkynyëm.

Juan 20:22

Ets ja y'ijxpëjkpëtëjk ojts tpi'ixy ets t'ënëmaay: Kupëktë ja Kënu'kxymyëkajtën.

Juan 6:14

Ko ja ja'ay t'ijxtë ja mëj'ajtën mëti'ipë Jesús tyuunën ënät y'ënantë: Tëy jëtu'un ko yë'ë ya'atë Tios kyäjpxynyajxpë mëti'ipë yaa naaxwiiny ënäty minaanpën.

Juan 7:12

May ja ja'ay nyimëtya'akëtë xiitsow yaatsow. Jënaakën y'ëna'antë: Oyjyä'äy yë'ë. Wiinkpë y'ëna'antë: Ka'ap y'oyjëtity; nëkoo ja'ay twin'ëëny.

Juan 8:54

Tääts ja Jesús y'ëtsoowëtë: Pën kë'ëmës nnämyëjjawëty, ka'ap maa tyuny. Ja nteetyës xymyëjja'ap, nän yë'ë mëti'ipë miits mtijtëpën ko xyTios'atë.

Hechos 19:2

Ets tyajtëëy ja mëpëjkpëtëjk: ¿Ojts miits ja Kënu'kxymyëkajtën xy'ëxajëtë ko ja Jesús xymyëpëjktë? Ets y'ëtsoowtë: Oy jeexyë ëëts je'eyë tmëtoowtë ko jyääjëty ja Tios yë Kyënu'kxymyëk'ajtën.

Hechos 2:17

Ko ënäty ja naaxwiinyëtë kyëxanë, jääjës ja ja'ay ni'ëmukë nmo'oja'any ja njot nja'awën. Miits ja mnëëxëty, mmaankëty kyajpxtëp myëtya'aktëp ja n'aaw n'ayukës. Ja myä'äy'ëna'këty y'ixtëp ja mëti'ipës ënäty ntuk'ixantëpën, ets ja mëjja'aytyëjkëty nëjkxëp mya'atë pyo'ktë oy tsuj.

Hechos 2:33

Ko ënäty ja Tios Teety të yajtsajpetyë ets të yajnaaxweetsyë y'aka'any'äämpy ets ko ënäty ja Kënu'kxymyëkajtën ja Tios Teety mëti'ipë të xytyuwinwa'anëmën ets tëë tyajknaxy ma ëëtsajtëmën. Yë'ë tyam të xy'ixtë ets të xymyëtowtë.

Hechos 2:38

Tää ja Pedro y'ëtsooy: Ixmatstë ja m'ëxëëk winma'anyëty, jootwinpitë ets mnëëpätëty tu'ukjaty Jesús xyëëwkyëjxm ets ja mpoky yajmä'kxtëty, ets näjyëtu'un ja Kënu'kxymyëkajtën myajmo'otëty.

Hechos 2:4

Ets ja Kënu'kxymyëkajtën myooyëtë ja winma'any ets ja mëk'ajtën jëtu'un ijxtëm ënäty japëtyën ets tuntëty tkajpxtëty mëti'ipë ja Tios tsyojkpyën, ets ja ayuk wiinkëtypë ojts tkajpxtë wi'ixjaty ja Kënu'kxymyëkajtën myooyëtën.

Hechos 3:13

Ja Tios mëti'ipë ja Abraham, Isaac ets ja Jacob y'ëwtajtën, ëëts ja n'ap'ajt n'ok'ajtëmë; yë'ë të tmëjjaw të tjaantyjyawë ja Tyuumpë Jesús, mëti'ipë miits mkë'ëyajtën ets y'ookëty; mëti'ipë ja Pilato jya'ëxmatsanën.

Hechos 4:31

Ko ja Tios tja'amyäjtstaaytyë, tääts ja tëjk tsyëyuuypyijky ma ënäty jam të nyiye'eypyätën ets ja ja'ayëty t'ëxajëtyääytyë ja Kënu'kxymyëk'ajtën ets amëk jotmëk nimëtyaktë ja Tios ja y'aaw y'ayuk.

Romanos 8:9

E miitsëty, ka'ap jëtu'un m'ëk juuky'ajnëtë ijxtëm ja ni'kx kopk tsokyën, jëtu'un miits mjuuky'atë ijxtëm ja Tios ja Kyënu'kxymyëk'ajtën tsokyën, pën tëy ko miits ja Tios Kyënu'kxymyëk'ajtën xymyëët'ajtëtë. Pën ka'ap tmëëtëty ja Kristë ja Kyënu'kxymyëk'ajtën, ka'ap ja Kristë jyä'ä'atyë.

2 Corintios 3:8

¿Wi'ixpëm jëtää wäänëni'ik ja mëj'ajtën jaanty'ajtën tmëët'ata'any yë jempyë käjpxytyu'unën mëti'ipë Kënu'kxymyëkajtën jyä'ä'ajtypyën?

Efesios 4:30

Këtii nëkoo xyajjotmaytyëkëtëty ja Tios ja kyënu'kxymyëk'ajtën, mëti'ipë të myajtuk'ijxwë'ëmtën ko Tios mjä'ä'atëtë mapaat ja nitsokën ënäty tu'ukyë myajmooynyëtën.