Juan 7:3 - Biblia Mixe de Quetzaltepec

³ ets ja Jesús ja myëkä'äxtëjk y'ënëmaayëtë: Ka'ap yaa mwë'ëmëty, nëjkx jam Judea ets näjyëtu'un t'ixtëty yë m'ijxpëjkpëtëjk mëti'ipë yaa mtuunpyën.

Biblia Dc en Mixe de Quetzaltepec

³ ets ja Jesús ja myëkä'äxtëjk y'ënëmaayëtë: Ka'ap yaa mwë'ëmëty, nëjkx jam Judea ets näjyëtu'un t'ixtëty yë m'ijxpëjkpëtëjk mëti'ipë yaa mtuunpyën.

Juan 7:3 ပူးပေါင်းရင်းမြစ်များ

Génesis 37:20

Mintë wä'än nyaj'o'këmë ets muum n'apëjkëmëty nëëjutjoty ets n'ëna'anmëty ko jëyujk të myätsyë ets të yaj'ookyë. Tä n'ëkjanty'ijxmëty, pën ëk'atëëp ja wyinkuma'ay.

Jeremias 12:6

Yë'ëpaat yë mmëkä'äx, yë mmëku'uktëjk tëë mnawa'ktu'utyë, je'eyë mtukyä'äxy mtukjokyë ets mpetyë mkëtä'äkyë. Këtii yë'ë xytyuk'ijxpätëty oy mjamëxon mjamë'itëtëty mëët oy aaw oy ayuk.

Mateo 12:46

Tamnëm ënäty ja Jesús ja mayjyä'äy tmëëtmëtyä'äky ko myiintë ja tyaak ets ja myëkä'äxtëjk. Jäpyë tëjk ëkë'p ojts wyë'ëmtë, Jesús myëkajpxantëp.

Marcos 3:21

Ko ja Jesús ja myëku'uktëjk tnija'awëtyë, ënät nyimiinëtë ets yajtsoona'anëtë jä'ä ko jëtu'un ënäty myäytyë tyajtë ko tëë lyokëjaty.

Marcos 3:31

Tääts ja Jesús ja myëkä'äxtëjk jyajtë ets ja tyaak, jap ojts tëjk ëkë'p wyë'ëmtë, je'eyë ojts tmëkajpxpëtsëmtë ja Jesús,

Lucas 8:19

Ënät ja Jesús ja tyaak ets ja myëkä'äxtëjk jyajtë ma ënäty jamën, kä'äp tpatë winkon jä'ä ko ënäty ja ja'ay jam jyatëtë.

Lucas 8:20

Tääts ja Jesús yajtuk'ëwa'anëy: Tap tëjk ëkë'p ja mtaak ets ja mmëkä'äxtëjk tyänëtë, mijtsëk m'ixanëtëp.

Juan 2:2

ets ojts ja Jesús yajwoy mëët ja y'ijxpëjkpëtëjk.

Juan 6:60

Ko ja Jesús ja y'ijxpëjkpëtëjk jëtu'un tmëtoowtë, ënät may y'ënantë: Ya'atë mëti'ipë nyimëtyäkpyën tsip ets nkupëjkmëty, ¿pën yë jëtu'unpë y'ëkmëpëkäämpy?

Juan 6:66

Tääts ojts may ja Jesús t'ëxmatstë mëti'ipë ënäty të tjapatsoontën, ets ka'ap mëët y'ëkjëtijnëtë.

Juan 7:10

Ko ja myëkä'äxtëjk ojts tsyoontë ënät ja Jesús ojts nyijkx ma ja xëëw tyunyën; je'eyëp ko ayu'utsy ame'tsyë, ka'ap y'ijxnë kyä'äxnëty.

Juan 7:4

Ka'ap pën tii ayu'utsy tuny pën tsyojkpy ets ja ja'ay nijawëty. Tä mijts ya'atë jëtu'unpë xytyunyën, yajnikëxë'ëk ma ja'ayëtyën.

Juan 7:5

Jä'ä ko ni myëkä'äxtëjk ja Jesús ënäty kyamëpëkyë.

Hechos 2:14

Ënät ja Pedro wya'kujkëy mëët nimajktu'uk ja myëku'uktëjk, tä mëk kyajpxtso'ontäky mayjyä'äyjoty: Miitsëty, Israel ja'ayëty ets ni'ëmukë mëti'ipë yaa tsënaaytyëpën Jerusalén; mëtowtë ets ja'akyukëtë yajxon mëti'ipë yam ntukmëmëtya'akantëpën.

1 Samuel 17:28

E ja Eliab, ja David ja y'äjty kyopk, ojts tmëtoy ko ja David jëtu'un myëtyä'äky mëët ja ja'ayëty ets ojts tyukjoot'anpëkyë tä y'ënëmaayë: ¿Tii yaa të xynyiminy mijts David? ¿Pën të xytyukmë'ëxmatsë jam të'ëts'itum ja tu'ukpë mäjtskpë ja tsajppax ets ja kupixyny mëti'ipë jaakjamën? Ëjts wa'atsës nijawë ko mijts yi'iyë mëtijtyp nämyëjkäxë winma'any, paaty yaa atu'uk të mminy ets mtsip'ixa'any.