Juan 7:29 - Biblia Mixe de Quetzaltepec

²⁹ Ëjts n'ixy'äjtypyës yë'ë jä'ä koos jam ntsoony ets yë'ëjës të xykyexy.

Biblia Dc en Mixe de Quetzaltepec

²⁹ Ëjts n'ixy'äjtypyës yë'ë jä'ä koos jam ntsoony ets yë'ëjës të xykyexy.

Juan 7:29 ပူးပေါင်းရင်းမြစ်များ

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Juan 1:18

Ka'ap pën nijëna'a ja Tios të t'ixy; yë'ë tu'ukyë Tios U'unk, mëti'ipë Tios Teety mëët y'ityën, yë'ë të xytyuk'ijx të xytyuknija'awëmë wi'ix ja Tios.

Juan 10:15

Ëjts jëtu'un oypyë kupixyny këwent'ajtpë. Jëtu'un ijxtëmës ja Tios Teety xy'ixy'ätyën nän jëtu'unës ëjts yë'ë n'ixy'äty. Nku'o'këpës ja nkupixyny.

Juan 17:18

Jëtu'un ijxtëmës mijts të xykyexyën ma ja ja'ayëtyën mëti'ipë ja naaxwiinyëtë winma'any yajtuuntëpën, näjyëtu'unës yë'ë yam nkäxtë ma ja ja'ayëtyën mëti'ipë yajtuuntëpën ja naaxwiinyëtë winma'any.

Juan 6:46

Ka'ap yë'ëjëty ko pën ja Tios Teety të t'ixy; yi'iyë të t'ixy mëti'ipë të tsyoonyën ma Tiosën.

Juan 8:55

E miitsëty ka'ap xy'ixy'atë. Ëjts, n'ixy'äjtypyës yë'ë; ets koos jeexyë n'ëna'any ko ka'ap n'ixy'ätyës, näjyëtu'un ënäty ëjts nwin'ëënyës ijxtëm miitsëtyën. E ëjts, n'ixy'äjtypyës yë'ë ets npatuumpyës yë y'aaw y'ayuk.

1 Juan 1:2

Tääpë juukyajtën tëë nyänyikëxë'ëkyë: tëë kë'ëm n'ijxëmë ets tëë nnikajpx nimëtyakëmë, ets tëë ntuk'ëwaanëtë ya'atë juukyajtën xëmëkyëjxmëpë, mëti'ipë ënäty yajpatpën mëët ja Tios Teety tëëpë nyajtuk'ijxëmë.

1 Juan 4:14

Tëë kë'ëm n'ijxëmë, paaty nikajpxëmë ko ja Tios Teety ja y'u'unk të tkexy ets ja naaxwiinyëtë ja'ay të tyajnitso'oky.

1 Juan 4:9

Tëë ja Tios xytyuk'ijxëm ja tsyojkën ko ja tu'kpajkpë ja y'U'unk të xytyuknikäjxëmë yaa naaxwiiny ets ja juukyajtën të xytyukpatëmë.