Juan 7:15 - Biblia Mixe de Quetzaltepec

¹⁵ Ja jutiis ja'ayëty mëj ixy t'ijxtë, paaty y'ënantë: ¿Wi'ix jëtää ya'atë ja'ay winë timynyijawë ets ka'ap të y'ijxpëky?

Biblia Dc en Mixe de Quetzaltepec

¹⁵ Ja jutiis ja'ayëty mëj ixy t'ijxtë, paaty y'ënantë: ¿Wi'ix jëtää ya'atë ja'ay winë timynyijawë ets ka'ap të y'ijxpëky?

Juan 7:15 ပူးပေါင်းရင်းမြစ်များ

Isaías 29:12

E ko pën ja myëku'uk t'ënëëmëty mëti'ipë ka'ap tukjatyën nyoky kyajpxëty: tyaa tyaapë noky ënät ëk kajpx ënät y'ëtsowa'anyë: Ka'apës ntukjaty noky kyajpxëty.

Mateo 13:54

ets ojts jyä'ty kyajpnjoty. Jam ojts yaj'ijxpëjktsoony tsajptëkotm. Janty mëj'ixy ja ja'ay tja'awëtyë ets y'ënantë: ¿Ma ya'atë ja'ay jëtu'unpë ijxpëjkën të tjaty? ¿Wi'ix myäyë mëj'ajtën tyaj'ixëtëty?

Mateo 22:22

Ko jëtu'un tmëtoowtë, mëjmëtoy ojts tjawëtë, ënät tpuwa'ktutë ets ojts nyëjkxtë.

Mateo 22:33

Ko ja ja'ay jëtu'un tmëtoowtë, mëjmëtoy ojts tjawëtë ko ja Jesús jëtu'un yaj'ijxpëjkëtë.

Lucas 2:47

Ni'ëmukë mëti'ipë jam y'amëtoow'ijtëpën, mëj'ixy t'ijxtë ko nëkoo wyijy'ajnë ets mëtëyëty t'ëtsoowinpity.

Lucas 4:22

Oy tsuj ja ja'ay tnikajpxtë ja Jesús, mëjmëtoy tjawëtë ko tii janty tsuj tmëtyä'äky ets xim yam nyäyajtëëwëtë: ¿Këtii yë'ëjëty ya'atë José myaankë?

Juan 1:19

Ënät ja jutiis ja'ayëty mëti'ipë jam Jerusalén kukajpnajtëpën tkäjxtë ja teetytyëjkëty ets ja tsajptëjk mëtuunpëtëjkëty ma ja Juankën ets tyajtëëwtë pën yë'ë.

Juan 7:11

Ojts ja jutiis ja'ay jya'ixta'ajëtë jam xëëwjotm, ets y'ëna'antë: ¿Ma ënät tääpë ja ja'ay?

Juan 7:13

Ka'ap pën nyikäjpxyë nikëxë'ëky mayjyä'äyjoty, jä'ä ko tsyë'këtëp ja jutiis ja'ayëty.

Juan 7:46

Ets y'ëtsoowtë: Jä'ä ko ka'ap nijëna'a pën jëtu'un kyäjpxynyëm ijxtëm yë'ë kyäjpxyën.

Hechos 26:24

Ko ja Pablo jëtu'un nyäkyukajpxtaayë, ënät ja yajkutujkpë Festo mëk y'akajpxtujkë: Pablo kupoj. Yë m'ijxpëjkën yë'ë të myajlokëjajtënë.

Hechos 4:13

Ko ja kutuunktëjkëty t'ijxtë ko amëk jotmëk kyajpxtë ja Pedro ets ja Juan ets ko tnijawëtë ko ka'ap ënäty maa të tni''ijxpëkëtë, mëjmëtoy ojts tmëtowtë; ënät nija'awëtyë ko yë'ë ja Jesús ja y'ijxpëjkpë.

1 Samuel 10:11

E ja ja'ayëty mëti'ipë ënäty ja Saúl ixy'ajtëpën, ko jëtu'un y'ijxëtë näjyëtu'un y'ëtitsy y'ënäny tä ja käjpxynyajxpëtëjkëtyën, ënät nyäyajtëëwëtë: ¿Tiijën yë Quis myaank jajtëp këpäjtëp? ¿näjyëtu'unën yë Saúl të y'awinpijnë käjpxynyajxpën?