Juan 7:14 - Biblia Mixe de Quetzaltepec

¹⁴ Xëëw kujkwä'kxy ja Jesús ojts nyijkx ma ja mëjtsajptëjkën ets yaj'ijxpëjktso'ony.

Biblia Dc en Mixe de Quetzaltepec

¹⁴ Xëëw kujkwä'kxy ja Jesús ojts nyijkx ma ja mëjtsajptëjkën ets yaj'ijxpëjktso'ony.

Juan 7:14 ပူးပေါင်းရင်းမြစ်များ

Malaquías 3:1

Yë Wintsën mëti'ipë maaytyääyëpën winë jëtu'un y'ënä'äny: Tyamës nkäxa'any yë nkäjpxynyajxpë mëti'ipë nyipëjktaakëpën ja në'ë tu'u. Ja Wintsën mëti'ipë miits m'ixtaaytyëp ajotkumonë tyëkëja'any ma ja tsyajptëjkën. Tää wyinkony ja käjpxynyajxpë mëti'ipë myëmiinpyën ja käjpxytyu'unën mëti'ipë miitsëty mtsojkën'ajtëpën.

Números 29:17

E ma ja mëmäjtsk xëëwpën yë'ë nëjkx jää wyintsë'kën'atë: majkmäjtsk yë tsajpkaa u'unk, mäjtsk yë kupixyny mëti'ipë yä'kpetyën ets majkmajkts yë kupixyny mëti'ipë tu'ukjaty yë jyëmëjtëtyën ets oyëty mëkëty.

Números 29:20

E ma ja mëtëkëëkxëëwpën jä'ä nëjkx xyaktë ma ja Tiosën; majktu'uk yë tsajpkaa, mäjtsk yë tsajpkaa u'unk ets majkmajkts yë kupixyny, mëti'ipë yë jyëmëjtëtyën tu'uk ets oyëty mëkëty.

Mateo 21:12

Ënät ja Jesús tyëjkëy tsajptëkoty ets twojpëtsëëmtaay ja ja'ay mëti'ipë ënäty jap to'ktëp yajktëpën ets ojts ja ja'ay ja tyo'kpäjn tijjë'ktaayë mëti'ipë ja meeny wyinkukoontëpën, ets ja tyo'kpäjnëty mëti'ipë pak to'ktëpën;

Mateo 26:55

Näy jää ja Jesús ja mayjyä'äy tyajtëëy: ¿Tii ko xynyimintës mëët yë tëypyujxn ets kepy, ijxtëm jeexyë ëjts nmä'tspëtyën? Jëpom jëpomës ijty nyaj'ijxpëky jap tsajptëkoty ets ka'apës jää të xymyatstë.

Lucas 19:47

Jëpom jëpom ja Jesús ijty yaj'ixpëky ma ja mëjtsajptëjkën; ets ja teety wintsënëty, tsajptëkotyëtë yaj'ijxpëjkpëty ets mëti'ipë ja kajpn nyiwintsën'ajtëpën, yajxon ja winma'any tjajanty'ixta'atë wi'ix ja Jesús tyaj'ooktëtyën.

Juan 18:20

Ets ja Jesús t'ëtsooy: Tëës nnikäjpxy nikëxë'ëky mayjyä'äyjoty; xëmë ijty jap tsajptëkoty nyaj'ijxpëkyës ets näjyëtu'un ma ja mëjtsajptëjkën ma ja jutiis ja'ayëty ye'eymyuktën. Ka'apës ma tii yu'utsy të nnikäjpxy.

Juan 5:14

Ok ja Jesús ojts pyäätyë ma ja mëjtsajptëjkën ets y'ënëmaayë: Ix, tëë mtso'oky, ka'ap m'ëk pokytyuunëty këtiipë wäänë o'ktëy mjatëty.

Juan 7:2

E jä'ä ko tyimpatyp ënäty ja ujts aaytyëjk xëëw, tu'uk ja xëëw mëti'ipë ja jutiis ja'ayëty xyëëwtuuntëpën,

Juan 7:28

Tam ënäty ja Jesús yaj'ixpëky ma ja mëjtsajptëjkën, ënät mëk y'ënäny: Xy'ixy'ajtëpës miits ets mnija'awëtëp maas ntsoonyën. E ka'apës kë'ëmwinma'any të nminy, yë'ëjës të xykyexy mëti'ipë mëtëy winë tyuunpyën, mëti'ipë miits ka'ap xy'ixy'atën.

Juan 7:37

Ja tu'kxëëw ënäty kyakëxy ja mëj xëëw tyunyë jyätyën. Ko ja Jesús ojts wya'kukë ets mëk y'ënäny: Pën tëtsëp, wä'änës xynyiminy ets y'uukëty.

Juan 8:2

ets ko xyiinytyäky, tää ojts nyijkx ma ja mëjtsajptëjkën. Ënät ja ja'ay tyukye'eymyujkë ets nyaaxwe'tsy ets yaj'ijxpëjktso'ony.

Juan 8:20

Jëtu'un ja Jesús y'ënäny tam ënäty yaj'ixpëky ma ja mëjtsajptëjkën ma ja ayajk ako'onën meeny nyipetyën. E ni pën ojts kyamatsyë, jä'ä ko ka'anëm ënäty ja nyixëëw tpaatynyëm.