Juan 6:4 - Biblia Mixe de Quetzaltepec

⁴ Tim wiinkoonp ënäty ja ëmaayxyëëw, mëti'ipë jutiis ja'ayëty xyëëtuuntëpën.

Biblia Dc en Mixe de Quetzaltepec

⁴ Tim wiinkoonp ënety ja ëmaayxyëëw, mëti'ipë jutiis ja'ayëty xyëëtuuntëpën.

Juan 6:4 ပူးပေါင်းရင်းမြစ်များ

Juan 2:13

Ëmaayxyëëw ënäty wiinkoonëp mëti'ipë jutiis ja'ayëty myëjja'awëtëpën, ko ja Jesús ojts pya'tëkë jam Jerusalén.

Juan 11:55

Ja ëmaayxyëëw ënäty wiinkoonëp mëti'ipë ja jutiis ja'ayëty myëjja'awëtëpën ets may ja kajpn ja'ay ojts nyëjkxtë jam Jerusalén, ijxtëm tuntën ets tpatë ja wa'atsajtën naamka'anëm tpaaty ja ëmaayxyëëw.

Juan 5:1

Tëë ënäty ja tiempo wäänë nyäxy ets tam ënäty ja jutiis ja'ayëty xyëëwtuntë ko ja Jesús ojts jatëkok nyijkx jam Jerusalén.

Deuteronomio 16:1

Ko yë Abib po'o tpaatëty jää xynyixëëwtuntëty yë ëmaayxyëëw, ma ja Tios xymyëjjaw xyjyäänty jyawëtëtyën, jä'ä ko miits wa'ats xynyijawëtë ko jä'ä tsu'um ojts yë Tios jap Egiptë mjuutëtë.

Juan 13:1

Tyimpatnëp ënäty ja ëmaayxyëëw ets nyija'ap ja Jesús ko tëë ja xëëw jëmëjt tpatnë ets ja naaxwiinyëtë t'ëxmatsa'any ets wyimpita'any ma ja Tios Teetyën. Xëmë ijty tsoky ja y'ijxpëjkpëtëjk mëti'ipë yaajëtyën naaxwiiny ets jëtu'un tsojky mapaat y'o'kyën.

Juan 12:1

Ja tëtujk xëëw ënäty ja ëmaayxyëëw tkapaaty ko ja Jesús ojts nyijkx Betania, ma ja Lázaro ijty tsyëënën mëti'ipë ënäty të tyajjuukpyikyën.

Levitico 23:7

Ma ëka'any tsyo'ontä'äkyën ja mëtu'kxëëwpë jää mye'eymyuktëty ets wa'ats mëpaat nyäxy tääpë nyänyiye'eypyätë. Nitiituunk mëpaat jä'ä pën tkatuny mëti'ipë mëkën.

Levitico 23:5

Ko myajkmajkts'anëty ja mëtu'ukpë ja po'o jënäkxyëëw, jä'ä xynyixëëwtuntëty ja ëmaayxyëëw ma ja Tios xymyëjawëtëtyën.