Juan 6:33 - Biblia Mixe de Quetzaltepec

³³ Ja tsajpkääky mëti'ipë Tios yäjkpyën, jä'ä tsajpjotm tso'omp ets ja naaxwiinyëtë ja'ay ja juukyajtën tpaaty.

Biblia Dc en Mixe de Quetzaltepec

³³ Ja tsajpkääky mëti'ipë Dios yäjkpyën, jä'ä tsajpjotm tso'omp ets ja naaxwiinyëtë ja'ay ja juukyajtën tpaaty.

Juan 6:33 ပူးပေါင်းရင်းမြစ်များ

Juan 17:8

Tëës ntuk'ëwaanëtë ja ayuk mëti'ipës mijts të xymye'eyën ets tëë tkupëktë. Tëë tnijawëtë ko tëy jëtu'un ko jamës ntsoony ma mijtsën ets tëë tmëpëktë ko mijts të xykyexyës.

Juan 8:42

Ënät ja Jesús y'ëtsoowëtë: Ko jeexyë miits ja Tios xytyeety'atë, xytsyojktëpës jeexyë, jä'ä ko jamës ntsoony ma ja Tiosën ets tyaajës nyajpaaty. Ka'apës nkë'ëmwinma'any të nyajtuny koos yaa të nminy, Tiosës të xykyexy.

Juan 16:28

Jamës të ntsoony maajës ja nTeetyën ëts yaa naaxwiiny të nminyës, e tyamtsës n'ëxmatsy ya'atë naaxwiinyëtë etsës nnëjkxy jatëkok maajës ja nTeetyën.

Juan 6:50

E pën ya'atë tsajpkääky kyääpy mëti'ipë tso'onpën jam tsajpjotm, ka'ap y'ooka'any.

Juan 6:48

Ëjts ja tsajpkääky mëti'ipë ja juukyajtën yäjkpyën.

Juan 6:38

Jä'ä ko ka'apës yë'ëjëty tsajpjotm të nitsoony etsës ja nkë'ëmwinma'any nyajtunëty; yë'ëjës jam të nitsoony etsës ntunëty mëti'ipë tsyojkpyën ja nTeetyës mëti'ipës të xykyexyën.

Juan 3:13

Ni pën tsajpjotm të kya'otsy, yi'iyë mëti'ipë jam të tsyoonyën ets yaa naaxwiiny të kyëtä'äky, yë'ë jëtu'un ja naaxwiinyëtë ja'ay ja y'U'unk.

1 Timoteo 1:15

Tëyajtën ya'atë, mëpëktë ni'ëmukë: Kristë Jesús yë'ë të myiny naaxwiiny ets të tyajtso'oky ja pokyjä'äytyëjk, maas ëjts jëyëjp ntuktso'ontä'äkyën.

Juan 6:32

Ets ja Jesús y'ëtsoowëtë: Tëy miits nëëmëtë ko ka'ap yë'ëjëty yë Moisés ojts mmo'ojëtë ja tsajpkääky mëti'ipë tsajpjotm tso'onpën, ja nTeetyës ojts mmo'ojëtë ja tsajpkääky mëtëypyë mëti'ipë tsajpjotm tso'onpën.

Juan 6:41

Ko ojts jëtu'un tmëtowtë ja jutiis ja'ayëty ënät ojts ëxëëkjaty tnimëtya'aktë ja Jesús, jä'ä ko ja Jesús ojts y'ënä'äny: Ëjts ja tsajpkääky mëti'ipë tsajpjotm tso'onpën,

Juan 6:58

Yë'ës nimëtyäkpy ja tsajpkääky mëti'ipë tsajpjotm tso'onpën. Ya'atë tsajpkääky ka'ap jyëtu'unëty ijxtëm ja manájën mëti'ipë ja m'aptëjk kyääytyën; oy ojts tjakaytyë, ojts je'eyëm y'ooktë. Pën ya'atë jëtu'unpë tsajpkääky kyääpy, xëmëkyëjxm jyyuukyata'any.