Juan 6:30 - Biblia Mixe de Quetzaltepec

³⁰ Tääts ojts tyajtëwtë: ¿Tii mëj'ajtën maayëp ëëts xytyuk'ixtëty ets mijts nmëpëktëty? ¿Tii jëtu'un mtuunäämpy?

Biblia Dc en Mixe de Quetzaltepec

³⁰ Tääts ojts tyajtëwtë: ¿Tii mëj'ajtën maayëp ëëts xytyuk'ixtëty ets mijts nmëpëktëty? ¿Tii jëtu'un mtuunäämpy?

Juan 6:30 ပူးပေါင်းရင်းမြစ်များ

1 Reyes 13:3

Jä'ä xëëw ja käjpxynyajxpë ojts tu'uk ja mëj'ajtën tyaj'ixyë ets y'ënäny: Ya'atë mëj'ajtën jëtu'un yë Wintsën yaj'ijxëp: Ko ya'atë wintsë'këntyakn piw nuuk jyajta'ajëty ets ja nyijaam jëtu'unyë pyojwa'kxta'ajëty.

1 Reyes 13:5

Ma jëtu'un y'ënänyën piw nuuk ojts jyajta'ay ja wintsë'këntyakn ets ja jaam mëti'ipë jam nëkëjxmën jëtu'unyë pyojwa'kxtaay; jëtu'un jyäjty kyëpejty tä ënäty ja Wintsën ja myëtuunpë të tnikäjpxyën.

Éxodo 4:8

Ënät ja Tios y'ënëmaayë: Pën yë'ëjëty ka'ap tmëpëktë ja mëj'ajtën, ko më''ëka'any xyaj'ixëtëty ets nijënu'un mkatunëtëty këwentë, ja mëmäjtskpë jä'ä myëpëktëp.

Éxodo 7:9

Ko yë mëj'ënä'ämpë m'amëtowëtëty ets xyaj'ixëtëty tu'uk yë mëj'ajtën, yë Aarón yë'ë m'ënëëmëp ets tkajpë'ëkëty yë tyajk ets tnajtsjëpipëty ma yajkutujkpë wyintuuyën ets ja tajk tsa'any y'awinpitëty.

Isaías 5:19

Miitsëty mëti'ipë ënantëpën: Wä'än yë Tios tsojkyë tuunkojy tii tyunäämpyën ets n'ijxmëty; wä'än tsojkyë tuunkojy mëti'ipë të tuknipëjktaakën, ets nija'awëmëty.

Marcos 15:32

Wä'änts ënät tyam tjënäky tääpë Kristë kruutskëjxm, yë Israel yajkutujkpë, jëtu'unts n'ijxmëty ets nmëpëjkmëty. Yë'ëpaat mëti'ipë ënäty jam mëëtën kruutskëjxm ojts nyëxi'iky tyukxi'ikyë.

Marcos 8:11

Ënät ja fariseë ja'ayëty tnimiintë ja Jesús ets je'eyë twinma'any'ixa'antë, yë'ë y'ixantëp pën jam muum kyajpxtëkoy, ets t'amëtowtë ja Jesús ets tyaj'ixëtëty tu'uk ja mëj'ajtën ets yajmëpëkëty pën janty jam tsyoony ma Tiosën.

Juan 10:38

E pën ntuunpyës mëti'ipë yë Teetyës tyuunpyën, oy ja n'ayukës xykyamëpëktëty, yë'ë mëpëktë mëti'ipës ntuunpyën ets xynyijawëtëty ko ja Tios Teety tu'ukyë y'ity mëët ëjts ets ëjts mëët yë'ë.

Juan 12:37

Oy ja Jesús ënäty may të tjatuny ja mëj'ajtën mayjyä'äyjoty, ka'ap ojts tmëpëktë.

Juan 2:18

Tääts ja jutiis ja'ayëty yajtëëwëtë: ¿Tii ijxpäjtën myäjkpy mëti'ipë yajknikëxë'kpyën ja kutujkën ets ya'atë jëtu'un xytyunëty?

Juan 6:14

Ko ja ja'ay t'ijxtë ja mëj'ajtën mëti'ipë Jesús tyuunën ënät y'ënantë: Tëy jëtu'un ko yë'ë ya'atë Tios kyäjpxynyajxpë mëti'ipë yaa naaxwiiny ënäty minaanpën.

Juan 6:2

May ja Jesús ënäty ja ja'ay pyanëjkxyë, jä'ä ko tëë ënäty t'ixtë ko tuny ja mëj'ajtën ko tyajtso'oky ja pa'amja'ay.

Juan 6:36

Ijxtëm të nëëmëtën, miitsëty ka'apës të xymyëpëktë oyës të xyjya'ixtë.

Hechos 4:30

Mooytyëkës ja mëk'ajtën ets nyajtso'oktëtyës ja pa'amja'ay ets nyaj'ixëtëtyës ja mëk'ajtën mëët ja xyëëw ja wa'atspë ja mtuunpë Jesús.

1 Corintios 1:22

Ja jutiis ja'ayëty yë'ë jya'ixantëp ja mëj'ajtën ets ja griego ja'ayëty wijyajtën jya'ixtaaytyëp;

Hebreos 2:4

Näyjyëtu'un ja Tios ojts tnikäjpxy mëët ja ijxpäjtën, mëj'ajtën ets kanaakpëky ja y'oyajtën, mëët ja Kënu'kxymyëkajtën, mëti'ipë kanaakjëjp të nyajmo'oyëmën ijxtëm yë'ë të tuknipëjktaakën.