Juan 6:15 - Biblia Mixe de Quetzaltepec

¹⁵ Ojts ja Jesús tnijawë ko ja ja'ay pyëjkta'aka'anyë atsip yajkutujkpë, paaty ojts jam tsyoony ets ojts nyijkx kopkëjxm nätyu'uk.

Biblia Dc en Mixe de Quetzaltepec

¹⁵ Ojts ja Jesús tnijawë ko ja ja'ay pyëjkta'aka'anyë atsip yajkutujkpë, paaty ojts jam tsyoony ets ojts nyijkx kopkëjxm nätyu'uk.

Juan 6:15 ပူးပေါင်းရင်းမြစ်များ

Juan 18:36

Ënät ja Jesús y'ëtsooy: Ka'ap yaajëty naaxwiiny yajpaaty yë nkutujkënës. Ko jeexyë y'ëkyääjëty, ka'ap jeexyë ëjts ja nja'ayës tkupëktë etsës yë jutiis ja'ayëty xymyatstëty; yë nkutujkënës ka'ap yaajëty naaxwiiny yajpaaty.

Lucas 19:38

Tääts y'ënantë: Kënu'kxy mëjjawë ya'atë Yajkutujkpë mëti'ipë myëmiinpyën yë Wintsën yë xyëëw. Wä'än tjam'aty ja jotkujk'ajtën tsajpjotm ets yaa naaxwiiny.

Marcos 11:9

Tääts wintuuy jëxkë'ëy yaxpë jojkpë tyëjkëtyë, ets y'ënantë: Wintsën miimp, Wintsën miimp. Oy ko Tios kënu'kxën tyäky mëti'ipë miinpën Wintsën xyëëwkyëjxm.

Hebreos 4:13

Nitii tkajëkyepy ja Tios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

Juan 5:41

Ëjts, ka'apës nyajtuny ja mëj'ajt oyajtën mëti'ipë ja'ay yajktëpën.

Juan 6:3

Ënät ja Jesús pya'tëjkëy ma tu'uk ja kopkën ets jam nyaaxwe'tsy mëët ja y'ijxpëjkpëtëjk.

Mateo 5:1

Ko ja Jesús t'ijxy ja mayjyä'äy, ënät pya'tëjkëy jam kopkkëjxm ets ojts nyaaxweetsy. Jamts ja y'ijxpëjkpëtëjk myëwinkoonë.

Juan 6:22

Komjëpom ja mayjyä'äy tnija'awëtyë mëti'ipë jam nëë'awinmëtyën ko ja Jesús ja y'ijxpëjkpëtëjk yë'ë ënäty të tuknëjkxtë ja kepy nëëwinye'epyë tu'kpajkpë jampë yajpaatyën ets ko ka'ap ënäty ja Jesús jap mëëtëty.