Juan 6:14 - Biblia Mixe de Quetzaltepec

¹⁴ Ko ja ja'ay t'ijxtë ja mëj'ajtën mëti'ipë Jesús tyuunën ënät y'ënantë: Tëy jëtu'un ko yë'ë ya'atë Tios kyäjpxynyajxpë mëti'ipë yaa naaxwiiny ënäty minaanpën.

Biblia Dc en Mixe de Quetzaltepec

¹⁴ Ko ja ja'ay t'ijxtë ja mëj'ajtën mëti'ipë Jesús tyuunën ënät y'ënantë: Tëy jëtu'un ko yë'ë ya'atë Dios kyäjpxynyajxpë mëti'ipë yaa naaxwiiny ënety minaanpën.

Juan 6:14 ပူးပေါင်းရင်းမြစ်များ

Génesis 49:10

Ni pën yë Judá kyapëjkëtëty yë myëk'ajtën ets kyutujkën ets kyepy mëti'ipë kyë'ëjotm myëët'ajtypyën, koonëm tëy myinëty ja mëti'ipë nyiwintsën'ajtypyën ja kepy tampë tkë'ëkap'atyën, mëti'ipë nëjkx ja naax kajpn tmëmëtowtën.

Mateo 11:3

ets tyajtëwtëty: ¿Mijts jëtu'un mëti'ipë minaanpën, ëkë njaak'ëwxijtëp ëëts ja wiinkpë?

Mateo 21:11

Ets ja ja'ay y'ëtsoowtë: Käjpxynyajxpë Jesús yë'ë, jam Nazaret tsyoony, Galilea y'itjotm.

Lucas 24:19

Tääts ja Jesús tyajtëëy: ¿Tiixë të tyuny të jyätyë? Ets y'ëtsoowtë: Ja Jesús Nazaretëtë ja'ay, ja Tios ja kyäjpxynyajxpë mëti'ipë mëk'ajtën mëët winë tuunyën ma Tiosën ets ma ja ja'ayëtyën.

Lucas 7:16

Ko jëtu'un t'ijxtë, tääts ni'ëmukë tsyë'këtyë ets ja Tios tmëjja'aw tjaantyjya'awëtyë ets y'ënantë: Tu'uk ja Tios kyäjpxynyajxpë të kyëxë'ëky ma ëëtsajtëmën. Näyjyëtu'un y'ënantë: Tëë ja Tios tniminy tnija'ty ja jyä'äy.

Juan 1:21

Tääts tjaakyajtëëwtë: ¿Mpënxën mijts? ¿Tios kyäjpxynyajxpë Elías? Ets ja Juan y'ënäny: Ka'ap y'ëjtsëty. Ets tjaaknëmaaytyë: ¿Yë'ë mijts ja Tios kyäjpxynyajxpë mëti'ipë minaanpën? Ets ja Juan y'ëtsooy: Ka'ap y'ëjtsëty.

Juan 11:27

Ënät ja Marta y'ëtsooy: Jëtu'un Wintsën, nmëpëjkpyës ko mijts mKristë, Tios U'unk, mëti'ipë ënäty minaanpën.

Juan 2:11

Ya'atë mëj'ajtën mëti'ipë Jesús tyuunën jam Caná ma Galilea y'itjotmën yë'ë ma mëtu'uk tyajnikëxë'kyën ja myëj'ajt y'oyajtën.

Juan 4:19

Ko ja to'oxytyëjk jëtu'un tmëtooy ets y'ënäny: Wintsën, jëtu'unës nja'akyukë ko mijts mkäjpxynyajxpë'ajtp yowë.

Juan 4:25

Ënät ja to'oxytyëjk y'ënëmaayë: Nija'apës ko myina'any ja Mesías ja Kristë; ko ënäty myiny, yë'ë nyikajpxta'ajäämpy tu'kë'ëyë winë.

Juan 4:42

Ets t'ënëmaaytyë ja to'oxytyëjk: Nmëpëjktëpës tyam, ka'ap yi'iyëty ko mijts të xynyikäjpxy, näjyëtu'un koos kë'ëm të nmëtowtë ko tyiyëty, ko yë'ë naaxwiinyëtë ja'ay Yajknitsokpë.

Juan 6:2

May ja Jesús ënäty ja ja'ay pyanëjkxyë, jä'ä ko tëë ënäty t'ixtë ko tuny ja mëj'ajtën ko tyajtso'oky ja pa'amja'ay.

Juan 6:26

Ets ja Jesús y'ëtsoowëtë: Tëy miits nëëmëtë, paaty xy'ixta'atës ko ojts ku'uxyë mkaytyë; ka'ap yë'ëjëty ko miits xy'ixtë ja mëj'ajtën.

Juan 6:30

Tääts ojts tyajtëwtë: ¿Tii mëj'ajtën maayëp ëëts xytyuk'ixtëty ets mijts nmëpëktëty? ¿Tii jëtu'un mtuunäämpy?

Juan 7:40

Jam may mayjyä'äyjyotm y'ënantë ko jëtu'un tmëtoowtë: Tëy ko ya'atë yë'ëjëty yë Tios yë kyäjpxynyajxpë.

Hechos 7:37

Ya'atë Moisés yë'ë näjyëtu'un y'ënëmaay ja Israel ja'ayëty: Tios tyuknipëjktaakëjäämpy ets jam ma miitsëtyën tu'uk pyëtsëmëty ja kukäjpxy ijxtëm ëjtsën.