Juan 5:34 - Biblia Mixe de Quetzaltepec

³⁴ Je'eyëp ko ka'apës yë'ëty nyajtuny mëti'ipë ja ja'ay nyikäjpxypën mëët ëjts. Paatyës jëtu'un n'ëna'any ets miits mnitso'oktëty.

Biblia Dc en Mixe de Quetzaltepec

³⁴ Je'eyëp ko ka'apës yë'ëty nyajtuny mëti'ipë ja ja'ay nyikäjpxypën mëët ëjts. Paatyës jëtu'un n'ëna'any ets miits mnitso'oktëty.

Juan 5:34 ပူးပေါင်းရင်းမြစ်များ

1 Juan 5:9

Tsojk nmëpëjkëm mëti'ipë nyikajpxpäjtëpën ko ja Jesús Tios y'U'unk'atyë. Ja ni'ik mëtëypyë mëti'ipë ja Tios Teety të tnikäjpxyën ko ja Jesús t'U'unkëty.

Juan 20:31

Paaty ya'atë të yajkëjxja'ay ets miits xymyëpëktëty ko ja Jesús yë'ë Kristë, Tios U'unk ets yë'ë xymyëpëktëty, ets jëtu'un xypaatëty ja juukyajtën xëmëkyëjxmëpë.

1 Timoteo 4:16

Mnäkyëwent'atëtëp kë'ëm ets mëk xykyëwent'atëty mëti'ipë ja'ay mtuk'ijxpëjkpyën ets jotkujk myajpaatëty. Pën mtuumpy jëtu'un, mpaatëp ja nitsokën ets myajnitso'okëp ja mëti'ipë ënäty mëtoow'ijtëpën.

1 Corintios 9:22

Koos të nyajpaaty ma ja ja'ayëtyën mëti'ipë ka'ap oy myëpëktën, jëtu'unës të näpyëjktä'äkyë ijxtëm yë'ëjëtyën ets nmëmëta'aka'antës ets tmëjjaw tjaantyjawëtëty ja Kristë. Paatyës jëtu'un të näpyëjktä'äkyë ijxtëm yë'ëjëtyën, ets oy tyimtu'uk tyimmäjtskëty tpaatëty ja nyitsokën.

Romanos 10:1

Mëku'uktëjkëty, ëjts xëmës ja Tios ntuknija'amyätsëtë yë Israel ja'ayëty ets ja'ënaanpës jeexyë ja nitsokën tpaatë.

Romanos 3:3

¿E tiixën të tyuny të jyätyë? ¿Wä'än jëtää ja Tios tkayajtuna'any mëti'ipë të tnikäjpxyënë?

Juan 8:54

Tääts ja Jesús y'ëtsoowëtë: Pën kë'ëmës nnämyëjjawëty, ka'ap maa tyuny. Ja nteetyës xymyëjja'ap, nän yë'ë mëti'ipë miits mtijtëpën ko xyTios'atë.

Juan 5:41

Ëjts, ka'apës nyajtuny ja mëj'ajt oyajtën mëti'ipë ja'ay yajktëpën.

Lucas 24:47

ets yajkajpxwa'kxëty ma tu'kë'ëyë ja kajpnën, Jerusalén tsyo'onta'akëty, yajtuk'ëwaanëtëp ets tyajtëkatstëty ja wyinma'any, wä'än ja Tios tmëpëktë ets ja pyoky yajnimä'kxtëty.

Romanos 12:21

Ka'ap ja ku'oypyë mnätyukmëmëta'akëtëty, mëmëta'ak ja ku'oypyë mëët ja oypyë.

Romanos 10:21

Ko ja Jeséas ja jutiis ja'ay tnimëtyäky, jëtu'un tkajpxnajxy: Xëmës të nyäm të nwoptë mëti'ipës ka'ap xykyäpxymyëtowtën ets mëti'ipë käjpxy kyumëtoownajxtëpën.

Lucas 19:10

Yë naaxwiinyëtë ja'ay yë y'U'unk, yë'ë të niminy ets t'ixta'aja'any, tyajtso'oka'any mëti'ipë tëkoy'ijtpën.

Lucas 13:34

Ets ja Jesús jyaak'ënany: Miits, Jerusalenkëtë ja'ayëty, Jerusalenkëtë ja'ayëty, myaj'o'ktëp ja Tios ja kyäjpxynyajxpë ets tëë xykyuka'atstë mëti'ipë të myajtuknikäxtën. Kanaak'okës miits të njawoowmuka'antë ijxtëm ja këtseytyaak y'u'unk tmu'uxyën ets ka'ap të xykyupëktë.

Juan 5:32

E tää wiinkpë mëti'ipë nyikajpxpejtypyën etsës xy'aputëkë ets nija'apës ko tnikajpxpety wi'ix y'ënä'änyën ëjtskyëjxm.