Juan 5:20 - Biblia Mixe de Quetzaltepec

²⁰ Tios Teety tsyojkpy ja y'U'unk ets tyuk'ijxtääpy mëti'ipë yë'ë tyuunpyën ets jyaak timtyuk'ixäämpy ni'ikpë mëti'ipë mëj'ixy y'ixtëpën.

Biblia Dc en Mixe de Quetzaltepec

²⁰ Dios Teety tsyojkpy ja y'U'unk ets tyuk'ijxtääpy mëti'ipë yë'ë tyuunpyën ets jyaak timtyuk'ixäämpy ni'ikpë mëti'ipë mëj'ixy y'ixtëpën.

Juan 5:20 ပူးပေါင်းရင်းမြစ်များ

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Mateo 17:5

Tam ënäty ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Mateo 3:17

Tääts yajmëtooy tu'uk ja ayuk tsajpjotm: Ya'atës n'U'unk'ajtyp, mëti'ipës ni'ik ntsojkpyën, ntukjotkujk'ajtypyës yë'ë.

Mateo 4:8

Ets ja mëjku'u ojts wyoownëjkxyë ma ja kopkën ets tyuk'ijxtaayë ja naax kajpn mëj'äämpyë ets kumeenypë y'itën naaxwiinyëtë apëtsëmy,

Lucas 10:22

Tääts ja Jesús y'ënäny: Aak ëjts ja Tios Teety të xymyooytyä'äy tu'kë'ëyë winë. Ka'ap pën tnijawë pën Tios u'unk'ajtp, Tios Teety nätyu'uk nyija'ap; ni pën tkanijawë pën ja Tios Teety, Tios U'unk nätyu'uk nyija'ap ets tyuknijawëp ja ja'ay mëti'ipë ënäty tyuknijawëjäämpyën.

Juan 1:18

Ka'ap pën nijëna'a ja Tios të t'ixy; yë'ë tu'ukyë Tios U'unk, mëti'ipë Tios Teety mëët y'ityën, yë'ë të xytyuk'ijx të xytyuknija'awëmë wi'ix ja Tios.

Juan 10:32

e ja Jesús jëtu'un y'ënëmaayëtë: May ja mëj'ajtën të ntunyës ma miitsëtyën mëët ja nteetyës ja kyutujkën. ¿E tiis ko xykyuka'atsa'antë?

Juan 14:12

Tëy miits nëëmëtë, pën xymyëpëjkpës, tyunëp näjyëtu'un ja tuunk mëti'ipës ntuunpyën; ets tyunëp ja tuunk jaakmëjpë, yë'ë koos jap nnëjkxy ma ja Tios Teetyën.

Juan 15:15

Ka'ap miits n'ëktijnëtëty tuunpë, jä'ä ko ja tuunpë ka'ap nijawë tii ja wyintsën tyuunpyën. Mëku'uk miits ntijtë, jä'ä ko tëë ntuk'ëwa'anëtya'atë wi'ixës ja nTeety të xynyëëmën.

Juan 17:26

Tëës ntuk'ëwaanëtë mpën mijts ets njaaktuk'ëwanëjantëpës, ets ja tsojkën ja'awën tmëët'atëty mëti'ipës mijts të xymye'eyën ets nyajpaatëtyës ma yë'ëjëtyën.

Juan 3:35

Ja Tios Teety tsyojkpy ja y'u'unk ets tëë tukkë'ëtëjkëtyä'äy mëti'ipë myëët'ajtypyën.

Juan 5:21

Jä'ä ko ijxtëm ja Tios Teety tyajjuukpyikyën ja o'kpë ets tmo'oy ja juukyajtën, näjyëtu'un ja y'U'unk ja juukyajtën tmo'oy pën myo'ojäämpyën.

Juan 5:25

Tëy miits nëëmëtë ko tää wyinkony ja xëëw jëmëjt ets tyamën jä'ä, ko ja o'kpë tmëtowtëty ja Tios U'unk ja y'aaw y'ayuk, ets mëti'ipë y'amëtoow'ijtëp, pyaatëp y'ixtëp ja juukyajtën.

Juan 5:29

ets pyëtsëmtëty jap jutjoty. Pën të tuntën mëti'ipë oyën, nëjkxëp jyuukpyëktë ets tmëët'atëty ja juukyajtën; ets pën të tuntën mëti'ipë ëxëëkën, juukpyëkantëp ets yajmo'otëty ja ëyo'on.

2 Pedro 1:17

Ojts n'ijxëm ko ja Tios Teety myooyë ja mëj'ajtën oyajtën, ko ja Tios Teety ja y'aaw y'ayuk y'ënäny: Ëjts ya'atë n'u'unk, mëti'ipës të nwin'ixyën.