Juan 4:48 - Biblia Mixe de Quetzaltepec

⁴⁸ Ënät ja Jesús y'ëtsoowë: Miitsëty ka'ap mëpëktë pën ka'ap xy'ixtë ja mëj'ajtën.

Biblia Dc en Mixe de Quetzaltepec

⁴⁸ Ënet ja Jesús y'ëtsoowë: Miitsëty ka'ap mëpëktë pën ka'ap xy'ixtë ja mëj'ajtën.

Juan 4:48 ပူးပေါင်းရင်းမြစ်များ

Daniel 4:2

Ntsojkpyës ets miitsëty xynyijawëtëty wi'ix yë Tios Ni'ik Këjxmëpë tii winë tunyën ets wi'ix winë mëj këjää të tunyën ma ëjtsën.

Daniel 6:27

Yë'ë yajtsokp ets yaj'ëwaatsëpëtsëëmp yë'ë; yaj'ijxëp yë myëj'ajtën tsajpjotm ets naaxwiinyëtë. Yë'ë të tyajtso'oky yë Daniel ma kaa myu'utën nyiitstën.

Números 14:11

Ënät ja Wintsën t'ënëmaay ja Moisés: ¿Jëna'a t'ëxmatsa'antë yë y'ëxëëk winma'anyëty, ko ka'apës xymyëpëktë, oyës yë nmëjajtën njayaj'ixyë?

Mateo 16:1

Tääts ja fariseë ja'ayëty ets ja saduceos tnimiintë ja Jesús ets twinma'any'ixa'antë, yë'ë ojts t'amëtowtë ja Jesús ets tunëty mëj'ajtën mëti'ipë yajknikëxë'ëkëp ko Tios të kyexyë.

Mateo 24:24

Jä'ä ko minantëp ja ja'ayëty mëti'ipë nëjkx nyätyijëtën Kristë ets mëti'ipë nätyijëtëpën Tios kyäjpxynyajxpë; nëjkxëp tyaj'ixëtë ja mëj'ajtën ets wi'ix kawi'ixëty nëjkx winë tuntë ets yë'ëpaat nëjkx yajwin'ëëntë mëti'ipë ënäty ja Tios të twin'ixyën.

Mateo 27:42

Tëë wiinkëtypë tyajtso'oky, yë'ë kë'ëm ka'ap myäyë nyäyajtso'okëtëty. Yë'ë jutiis ja'ay yajkutujkpë, wa'an kë'ëm kruutskëjxm näyajënäkyë ets nmëpëjkmëty.

Marcos 13:22

Jä'ä ko minantëp mëti'ipë nätyijanëtëp Kristë ets mëti'ipë nätyijanëtëp Tios käjpxynyajxpë, yaj'ixëtëp näjyëtu'un ja ijxpäjtën ets mëj'ajtën, ets yë'ëpaat yajwin'ëëna'any mëti'ipë ja Tios të wyin'ixyën.

Lucas 10:18

Ets ja Jesús y'ënëmaayëtë: Jëtu'un, tëëjës n'ixy ko ja mëjku'u kyuka'anaxy tsajpwinm ijxtëm ja wëtsuk nyaaxkëtä'äkyën.

Lucas 16:31

Tääts ja Abraham y'ëtsooy: ¿Pën ka'ap tkupëktë mëti'ipë ja Moisés jyääyën ets wi'ix y'ëna'antën ja Tios ja kyäjpxynyajxpëtëjk, nän ka'ap tmëpëka'antë oy tu'uk ja o'kpë jyatimjyuukpyëjkpë.

Juan 12:37

Oy ja Jesús ënäty may të tjatuny ja mëj'ajtën mayjyä'äyjoty, ka'ap ojts tmëpëktë.

Juan 15:24

Ka'ap jeexyë tii poky tmëët'atë ko jeexyë ëjts tii nkatuny mëti'ipë ka'ap pën tunyënëm; e ëjts yë'ëjës të ntuny mëti'ipë tëë t'ëk'ijxtëpën, ets je'eyëm xy'ëxëëk'ixtë ets näjyëtu'un t'ëxëëk'ixtë ja nTeetyës.

Juan 2:18

Tääts ja jutiis ja'ayëty yajtëëwëtë: ¿Tii ijxpäjtën myäjkpy mëti'ipë yajknikëxë'kpyën ja kutujkën ets ya'atë jëtu'un xytyunëty?

Juan 20:29

Ënät ja Jesús y'ënëmaayë: Mmëpëjkpy tyam jä'ä ko të xy'ixyës. Akujk jotkujk mëti'ipë të myëpëktën oyës të xykya'ixtë.

Juan 4:49

Ënät ja ye'etyëjk myënu'kxtakë: Ja'amkojëm Wintsën, naamka'anëmës ja n'u'unk y'ooky.

Hechos 14:3

E ja Pablo ets ja Bernabé ojts jam jyaak wë'ëmtë kanaak xëëw, yë'ë xëmë ja Wintsën tyuk'ijxpäjtë paaty ojts myëtya'aktë amëk jotmëk; ets ja Wintsën jä'ä yajtëytyëjkëp mëti'ipë yë'ë nyimëtyaktëpën ko myo'ojëtë ja mëk'ajtën ets ja mëj'ajtën tyaj'ixëtëty.

Hechos 15:12

Tääts ni'ëmukë y'ëmoontaaytyë ets t'amëtoow'ijtë ko ja Pablo ets ja Bernabé nimëtyaktë wi'ix ënäty ja Tios të pyutëkëtën ko ja mëj'ajtën tyaj'ixëtë ma ja ja'ay ka'ap jyutiis'atën.

Hechos 2:19

Nyaj'ixanëpës jam tsajpwinm mëti'ipë ja ja'ay mëk jyawëtëpën, ets ja ne'pny ets ja jëënjok nyaj'ixa'anyës yaa naaxwiiny.

Hechos 2:22

Miitsëty, Israel ja'ay ja tyiktsëty y'aatsëty, mëtowtë mëti'ipës yam nkajpxäämpyën: Ijxtëm miitsëty wa'ats xynyijawëtën, ojts ja Tios tyaj'ixyë ja kyutujkën mëët ja Jesús, Nazaretëtë ja'ay, ko tyaj'ixyë ja myëj'ajtën y'oyajtën ets kanaakjëjp ja ijxpät.

Hechos 2:43

Ja ja'ayëty mëj'ixy t'ijxtë ko ja ijxpëjkpëtëjkëty tyaj'ixëtë ja Tios ja myëj'ajtën kanaakpëky.

Hechos 4:30

Mooytyëkës ja mëk'ajtën ets nyajtso'oktëtyës ja pa'amja'ay ets nyaj'ixëtëtyës ja mëk'ajtën mëët ja xyëëw ja wa'atspë ja mtuunpë Jesús.

Hechos 5:12

Ja ijxpëjkpëtëjk kanaak ja mëj'ajtën tuuntë ma ja ja'ayëtyën. Jam ijty ni'ëmukë ye'eymyuktë ma ja mëjtsajptëjkën, ma txëëwatyën Salomón Tyëjkwiin.

Hechos 6:8

Ja Esteban, yë'ëkyëjxm ko ja Tios pyutëkëty ets kyënu'kxyë paaty ijty tyaj'ixyë ja mëj'ajtën ma ja naax kajpnën.

Hechos 7:36

Moisés ojts tyajpëtsëmy ja nteety'ajt n'ap'ajtëm jam Egiptë; ojts tyaj'ixyë ja mëj'ajtën jap Egiptë, jam Mejyjyotm ets wëxtyikxy jëmëjt jam të'ëts'itjotm.

Romanos 15:19

ets mëët yë myëk'ajtën ja Kënu'kxymyëkajtën ko yajtuny ja mëj'ajtën. Jëtu'unës të nkajpxwä'kxy ja oy aaw oy ayuk ma ënäty ka'anëm ja Kristë yajnimëtyä'äkyën, jam Jerusalén ets Lirië y'itjotm.

1 Corintios 1:22

Ja jutiis ja'ayëty yë'ë jya'ixantëp ja mëj'ajtën ets ja griego ja'ayëty wijyajtën jya'ixtaaytyëp;

2 Corintios 12:12

Tëës najënu'un ëxëëk njaty nkëpety ets nmënaxy nyajnaxyës ja ëyo'on jotmay mëët ja mä'kxtujkën ma miitsëtyën ets nyaj'ixyës ja Tios ja myëj'ajtën mëti'ipë të xy'ixtën. Yë'ë yajnitë'kxyp koos ja Kristë y'ayuk nkajpxwa'kxë.

2 Tesalonicenses 2:9

Ko ya'atë ëxëëkajtën myinëty, mëjku'u nëjkx pyutëkëty ets mëj nëjkx winë tuny mëët ja mëj'ajtën ets ja ijxpäjtën ka'apë tyiyëtyën.

Hebreos 2:4

Näyjyëtu'un ja Tios ojts tnikäjpxy mëët ja ijxpäjtën, mëj'ajtën ets kanaakpëky ja y'oyajtën, mëët ja Kënu'kxymyëkajtën, mëti'ipë kanaakjëjp të nyajmo'oyëmën ijxtëm yë'ë të tuknipëjktaakën.