Juan 3:5 - Biblia Mixe de Quetzaltepec

⁵ Ënät ja Jesús y'ëtsoowë: Tëy mijts t'ënëëmë, pën ka'ap myëxu'unk'aty mëët ja nëë ets ja Tios ja Myëjaaw myëk'ajtën, ka'ap tjëkyepy tyëkëty ma ja Tios ja kyutujktaknën.

Biblia Dc en Mixe de Quetzaltepec

⁵ Ënet ja Jesús y'ëtsoowë: Tëy mijts t'ënëëmë, pën ka'ap myëxu'unk'aty mëët ja nëë ets ja Dios ja Myëjaaw myëk'ajtën, ka'ap tjëkyepy tyëkëty ma ja Dios ja kyutujktaknën.

Juan 3:5 ပူးပေါင်းရင်းမြစ်များ

Hechos 2:38

Tää ja Pedro y'ëtsooy: Ixmatstë ja m'ëxëëk winma'anyëty, jootwinpitë ets mnëëpätëty tu'ukjaty Jesús xyëëwkyëjxm ets ja mpoky yajmä'kxtëty, ets näjyëtu'un ja Kënu'kxymyëkajtën myajmo'otëty.

Efesios 5:26

Paaty jëtu'un tuuny ets ja mëpëjkpëtëjk y'itëty oy ets wa'ats mëët ja aaw ayuk,

1 Pedro 3:21

Ya'atë nëë, jëtu'un ja nyäxy ijxtëm ja nëëpäjtënën, mëti'ipë ëëtsajtëm tyam ntuk'oy'ajtëmën. Ka'ap yë'ëjëty ja nëëpäjtën mëti'ipë ja ni'kx kopk yajwatsypyën, yë'ë mëti'ipë ja jot winma'any wa'ats yaj'itëpën Tios wyintum, jëtu'unts ja nitsokën npatmëty ko ja Jesukristë jyuukpyijky ma ënäty të y'ookyën,

1 Corintios 6:11

Ets jëtu'un ijty jam pënëty ma miitsëtyën jënaakën mja'ay'atë; je'eyëp ko tyam, tëë ja Tios myajwa'atsëtë, tëë mnätyukë'ëtëkëtë ja Tios. Oy të mwë'ëmtë mëët ja Tios ets mëët ja Wintsën Jesukristë.

Mateo 3:11

Nëë miits ntukyajnëëpäjtëp, ets yajnijawëty ko tëë ja mka'oywyinma'any xy'ëxmatstë. Temë tää tu'uk xypyaminyës mëti'ipë yajnëëpätaanpën mëët ja Kënu'kxymyëkajtën ets ja jëën. Yë'ë ni'ik ja kyutujkënmëëtëty këtiinëm ëjts, ni yë'ëjës xykyapaatë'aty wi'ixës kyë'ëk mpawijtsëty.

Juan 3:3

Ënät ja Jesús y'ënëmaayë: Tëy mijts t'ënëëmë, pën ka'ap jatëkok ja ja'ay myëxu'unk'aty, ka'ap tjëkyepy t'ixëty ja Tios ja kyutujkën.

Marcos 16:16

Pën myëpëjkpy ets nyëëpety, yë'ë nëjkx nyitso'oky; e pën kamëpëjkp, yë'ë nëjkx yajkpoky'ixy.

1 Corintios 2:12

Ëjts, ka'apës ja njot nja'awën jyëtu'unëty ijxtëm ja ja'ayëtyën mëti'ipë yajtuuntëpën ja naaxwiinyëtë winma'any, jëtu'un ja njot nja'awënës ijxtëmës ja Tios të xytyukmëtsokyën koos të xymyo'oy etsës nja'akyukëty ja Tios ja y'oyajtën mëti'ipë ëëtsajtëm të xymyo'oyëmën.

Juan 1:13

Ka'ap yë'ëkyëjxmëty ja Tios y'u'unk'atëtë ko të myëxu'unk'atë ijxtëm naaxwiinyëtë ja'ayën ets ka'ap yë'ëkyëjxmëty ko yë'ë të tsojkën'atë, yë'ë ko Tios të yajkoj të pyëjkta'akëtë.

1 Juan 5:1

Pën myëpëjkpy ko ja Jesús yë'ë mëti'ipë ënäty yajjëjp'ijxpën, Tios ja u'unk'ajtëp; ets pën ja Tios Teety tsyojkpy, näjyëtu'un tsokëty ja Tios u'unk.

1 Juan 2:29

Mnija'awëtëp ko ja Jesukristë mëtëy winë tuny, ets mnijawëtëp näjyëtu'un ko pën tyuunpyën ja oypyë, yë'ë ënäty ja Tios u'unk'ajtëp.

Gálatas 6:15

Ka'ap tsyowpaaty oy ja ja'ay ye'etyëjk'ajtënën jyanatsujk'ëwtityëty; yi'iyë tsoowpatp ko ja'ay tmëëtëty ja juukyajtën jempyë.

Romanos 14:17

Ka'ap yë'ëkyëjxmëty jam m'itë ma Tios ja kyutujktaknën ko tii xykyäytyë xy'uuktë, jä'äkyëjxm jam m'itë ko xytyuntë xykyajpxtë mëti'ipë paat'ajtëpën, wi'ix xymyëët'attëty ja jotkujk'ajtën ets ja xoontakën mëët ja Kënukxymyëkajtën.

Mateo 28:19

Nëjkxtë naaxwiinyëtë apëtsëmy ets xyaj'awinpitëty yë ja'ay ëjts n'ijxpëjkpë; yajnëëpätë mëët yë Tios yë xyëëw, Tios U'unk ets mëët yë Kënu'kxymyëkajtën yë xyëëw,

Mateo 18:3

ets y'ënäny: Tëy miits n'ënëëmëtë, pën ka'ap miits ja mjuukyajtën xyajtëkatstë ets mwinpitë ijxtëm yë pi'k ëna'kën, ka'ap nëjkx mtëkëtë ma tsajpjotmëpë kutujktaknën.

1 Pedro 1:2

mëti'ipëjaty ja Tios Teety ojts wyinwitsëtën tëëyëp ijxtëm yë'ë të tuknipëjktaakën. Ja Tios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Tios ni'ik mmo'ojëtë ja kënu'kxën ets ja jotkujk'ajtën.

Hechos 3:19

Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

Lucas 13:3

Jëtu'un miits nëëmëtë ko ka'ap; miitsëty pën ka'ap xy'ëxmatstë ja m'ëxëëk winma'anyëty, näjyëtu'un m'ooka'antë.

Mateo 5:20

Tëy miits nëëmëtë, pën ka'ap wäänëni'ik ja Tios xymyëmëtowtë këtiinëm ja tsajptëkotyëtë yaj'ijxpëjkpë ets ja fariseë ja'ayëty, nijëna'a miits mkatëkëtëty ma ja tsajpjotmëpë kutujkënën.

Romanos 8:2

jä'ä ko ja Kënu'kxymyëkajtën ja y'ënä'ämën mëti'ipë ja Kristë Jesús yajjuuky'äjtypyën, tëë ja myajpëtsëmyë ma ja pokyën mëti'ipë yaj'o'kpën.

Lucas 13:24

Jam mëpaat mtëkëtë ma ja tëjk'aawën xu'utspë. Jëtu'un miits nëëmëtë ko may ja ja'ay nëjkx jyatëkëja'antë, je'eyëp ko ka'ap nëjkx nyaxtë.

Lucas 13:5

Jëtu'un miits nëëmëtë ko ka'ap; miitsëty pën ka'ap xy'ëxmatstë ja m'ëxëëk winma'anyëty, näjyëtu'un m'ooka'antë.

Mateo 19:24

Jëtu'un jatëkok n'ënëëmëtë, nikë tsojk tu'uk ja jëyujk jëku'ux nyaxëty xu'uny jutjoty këtiinëm ko tu'uk ja kumeenyjyä'äy tyëkëty ma Tios kyutujktaknën.

Mateo 21:31

¿Pën ojts tpatuny mëti'ipë ja tyeety ojts tyuk'ëne'emyën? Ets y'ëtsoowtë: Ja mëjëwyiimpë. Ets ja Jesús y'ënëmaayëtë: Tëy miits n'ënëëmëtë, pën mtëjkëtëp ma ja tsajpjotmëpë kutujkën, jëwyiin nëjkx tyëkëtë ja yajkukëpäjtpëtëjkëty ets ku'into'oxytyëjkëty, oknëm miitsëty.

Marcos 9:47

Ets pën yë mwiin myajpokytyuunëp, juut. Nikë oy ko wiintu'uk mtëkëty ma ja Tios ja kyutujkënën ets këtii ko mwiin mëët kä'pxy myajpëjkta'akëty ëyoowtaknjoty,

Marcos 10:14

Ko ja Jesús jëtu'un t'ijxy, ënät jyoot'anpëjky ets y'ënäny: Ixmatstë yë pi'k ëna'k, wä'än xynyimintës, ka'ap xy'ëtuktëty, jä'ä ko yë'ë jëtu'unpë ja'ay nyäpyëjktä'äkyën tä pi'k ëna'kën yë'ë Tios tsyokpy ma kyutujktaknën.

Juan 3:4

Tä ja Nicodemo tyajtëëy: ¿Wi'ix tëy ja'ay jatëkok myëxu'unk'ajnëty? ¿Wä'än jëtää tu'uk ja'ay mëjja'aypyë tyëkëty tyaak jyootjoty ets jatëkok myëxu'unk'ajtwinpitëtyë?

1 Corintios 15:50

Mëku'uktëjkëty, yë'ëjës ntijpy, ko ja ni'kx kopk mëët ja ne'pyny ets ja xixy, mëti'ipë nmëët'ajtëmën, ka'ap nëjkx yë'ëjëty nyijkx ma ja Tios ja kyutujktaknën; ets mëti'ipë o'kpën, ka'ap nëjkx xëmëkyëjxm y'ity.