Juan 3:34 - Biblia Mixe de Quetzaltepec

³⁴ Pën ja Tios të kyexyë, Tios ja y'aaw y'ayuk myëtyäkpy, jä'ä ko Tios ja Jya'awën të tyäky ëmuumtu'ukjot.

Biblia Dc en Mixe de Quetzaltepec

³⁴ Pën ja Dios të kyexyë, Dios ja y'aaw y'ayuk myëtyäkpy, jä'ä ko Dios ja Jya'awën të tyäky ëmuumtu'ukjot.

Juan 3:34 ပူးပေါင်းရင်းမြစ်များ

2 Reyes 2:9

Ko tuknajxtaaytyë, ënät t'ënëmaay yë Elías ja Elisejë: Tuk'ëwa'anëkës tiijës ntunëp mëët mijts maas ka'anëm nyajjëpëkynyëm ma mijtsën. Tä Elisejë y'ëtsooy: Yë'ëjës ntsojkpy yë mkënu'kxypyoj tëkokyë jënu'un të xymyëët'atyën ets näjyëtu'un xyjyaakniyajkpätëty.

Salmos 45:7

Mtsojkpy mja'ap yë oyajtën ets m'ëxëëk'ijxyp yë ëxëëkajtën. Paaty mijts, Tios të mwin'ixyë, yë Tios mëti'ipë mTios'ajtypyën, ets të mmo'oyë yë xoontakën wäänëni'ik këtiinëm jyëtu'unëty ja mmëku'uktëjk.

Isaías 59:21

Jëtu'un yë Wintsën y'ënä'äny: Ëjts tyamës tu'uk käjpxytyu'unën ntuny mëët miitsëty, maas nikäjpxyën ko yë nmëk'ajtënës ets n'ijxpëjkënës mëti'ipë miitsëty të nmo'otën ka'ap nijëna'a jyëwa'aka'any ma miitsëtyën, ets ma m'u'unk m'ëna'këtyën, ni'ikyënëm xëmëkyëjxm y'ita'any.

Levitico 7:35

E ja ayajk ako'onën mëti'ipë yë Tios yajtukwinno'kpën, ya'atë mëpaat yë Aarón yajmo'oy mëët yë y'u'unk y'ok. Tyimtso'ontäky ma ojts ja Tios tkënu'kxyën ja teetytyëjkëty ets yë'ë myëtunëtëty.

Números 11:25

Ënät ja Tios ojts jatëkok jap kyëtä'äky yootsjoty ets mëët ja Moisés myëtyäky. Ojts tpëky wäänë ja mëk'ajtën oyajtën ma ja Moisésën ets tmooy jä'ä ja mëjja'aytyëjkëty ja nitëkë'px majkpë. Ko ojts ja mëk'ajtën oyajtën tyukja'tëtë ja mëjja'aytyëjkëty, ënät tyëjkëtyë mëtyakpë tä jeexyë kyäjpxynyajxpë'atën. Je'eyë jëtu'un ets ka'ap ojts ok y'ëkkajpxnëtë.

Mateo 12:18

Tyaajës ja ntuunpë mëti'ipës të nwin'ixyën, mëti'ipës oy ntsojkpy ets jotkujkës mëët yë'ë, jamës ja nJa'awën mpëjkta'aka'any ma yë'ëjën, yë'ë kyajpxwa'kxëp pën wi'ixës ja naaxwiinyëtë ja'ay npaye'eyä'äny ijxtëm pyaat'atyë.

Lucas 4:18

Ja Tios ja Jyot jya'awën ëjts nmëët'ajtëp, etsës të xypyëjktä'äky ma ja ëyoopëja'ayën etsës ntuk'ëwaanëtëty ja oy aaw oy ayuk, tëëjës xykyexy etsës n'ëwaanëty wi'ix tu'ukyë y'itëty mëti'ipë ijtëpën ijxtëm ja ja'ay pujxn tëkotypyën, ets y'ijxë'ëktëty ja kupi'its kukootspë, ets y'ëwaatsëpëtsëmtëty mëti'ipë yajtëytyuun yajtsaatsytyuuntëpën.

Juan 1:16

Ni'ëmukë yë Tios të xykyënu'kxëmë kanaak ok mëjwiin këjää.

Juan 15:26

Paaty ko myinëty ja Nikajpxtutpë mëti'ipës nkäxäämpyën nTeetyës xyëëwkëjxm, ja Kënu'kxymyëkajtën mëtëypyë, mëti'ipë tso'ompën ma ja Tios Teetyën, yë'ë nëjkx xynyimëtyä'äkyës.

Juan 16:7

E tëy miits nëëmëtë: Nëjkxaanpës ets miits xytyuk'oy'atëty. Koos nkanëjkxëty, ka'ap tjëkyepy myinëty ja Nikajpxtutpë ma miitsëtyën; e pën nëjkxpës, ëjts jam nkäxäämpy.

Juan 3:17

Jä'ä ko yë Tios ka'ap yë'ëkyëjxmëty tkejxy ja y'U'unk naaxwiiny ets tyajnitukëja'any ja naaxwiinyëtë ja'ay, yë'ëkyëjxm të tkexy ets tyaj'ëwaatsëpëtsëmëty ja ja'ay.

Juan 5:26

Jëtu'un ijxtëm ja Tios Teety tmëëtëty ja juukyajtën, näjyëtu'un ja y'U'unk tëë tmo'oy ja juukyajtën kë'ëm,

Juan 7:16

Ënät ja Jesús y'ëtsoowëtë: Mëti'ipës ja'ay ntuk'ijxpëjkpyën ka'apës ëjts njä'äjëty, yë'ë jyä'ä mëti'ipës të xykyexyën.

Juan 8:40

Oy miitsëty tëë njatuk'ëwaanëtë ja mëtëypyë mëti'ipës ja Tios të xytyukmëtoyën, xyaj'ookantëpës miitsëty. Abraham kä'äp ojts jëtu'un y'ëti'itsy.

Juan 8:47

Pën ja Tios ja'ay'ajtëp, y'amëtoow'ijtyp mëti'ipë ja Tios kyäjpxypën; miitsëty ka'ap yë Tios mja'ay'atëtë paaty ka'ap xymyëtoow'itë mëti'ipës nkäjpxypën.

Hechos 1:2

ets mapaat tsyajpejtyën. Ka'anëm ënäty tsyajpety ko ja y'ijxpëjkpëtëjk ojts tukwinjawë mëët ja Kënu'kxymyëkajtën mëti'ipë tyuntëpën kyajpxtëpën.

Hechos 10:38

Mnija'awëtëp näjyëtu'un ko ja Tios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënäty ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Tios mëët yajpaaty.

Romanos 8:2

jä'ä ko ja Kënu'kxymyëkajtën ja y'ënä'ämën mëti'ipë ja Kristë Jesús yajjuuky'äjtypyën, tëë ja myajpëtsëmyë ma ja pokyën mëti'ipë yaj'o'kpën.

Efesios 3:8

Oyës ëjts ni'ik naxym nyajpaaty ma ja Tios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

Colosenses 1:19

Tios ojts kë'ëm tuknipëjktaakë ets tu'kë'ëyë ja mëj'ajtën yajpaatëty ma yë'ëjën,

Colosenses 2:9

Ja'ayën ja Kristë ojts y'awinpity ets yaj'ixëty ja Tios ma yë'ëjën,

Apocalipsis 21:6

Ënät xynyëmaayës: Tëë tyuunta'ay jyajta'ayë winë. Ëjts ntuktso'ontäkpy ets ëjts ntukjëjpkëxyp. Ëjts tso'ontakp, ets ëjts jëjpkëjxp. Pën tëtsëp, namëyajtënës ntuk'uuka'any ja wa'ats nëë mëti'ipë yajjuuky'ajtpën xëmëkyëjxm.

Apocalipsis 22:1

Tääts ja tsajpjotmëtë kukäjpxy xytyuk'ijxyës tu'uk ja mëjnëë wa'atspë, mëti'ipë yajjuuky'ajtpën xëmëkyëjxm ko yaj'uuky. Janty të'kxy janty wa'ats yaj'ixy ijxtëm yë ijxnën; jam pyëtsimy ma ja kyutujktaknën ja Tios ets ma ja Kupixyny U'unkën.