Juan 21:7 - Biblia Mixe de Quetzaltepec

⁷ Ja ijxpëjkpë mëti'ipë Jesús ni'ik tyimtsojkpyën, jä'ä ojts t'ënëëmë ja Pedro: Wintsën yë'ë. Je'eyë ja Simón Pedro ojts tnamëtoy ko jyä'äjëty ja Wintsën, ënät ja wyit tuktëjkëy, jä'ä ko tëë ënäty ja wyit tjeny ko të nyëëtëkë.

Biblia Dc en Mixe de Quetzaltepec

⁷ Ja ijxpëjkpë mëti'ipë Jesús ni'ik tyimtsojkpyën, jä'ä ojts t'ënëëmë ja Pedro: Wintsën yë'ë. Je'eyë ja Simón Pedro ojts tnamëtoy ko jyä'äjëty ja Wintsën, ënät ja wyit tuktëjkëy, jä'ä ko tëë ënety ja wyit tjeny ko të nyëëtëkë.

Juan 21:7 ပူးပေါင်းရင်းမြစ်များ

Salmos 118:23

Ya'atë Wintsën të tuny, mëti'ipë ëëtsajtëm n'ijxëmën mëjwiin këjää.

Cantares 8:7

Yë tsojkën ja'awën ka'ap tjëkyepy kyutëkoyëty oy jënu'un nëëkom jyanaxëty; oy jënu'un yë mëjnëë jyanikoompätëtëty. Ko pën y'ënaanpëty ko tjuyä'äny yë tsojkën ja'awën je'eyë nëjkx yajtukxi'iky.

Marcos 11:3

Ets ko pën myajtëwëtëty tii ko jëtu'un m'ëtë'ëtstë, jëtu'un xy'ënëëmëtëty ko yë'ë Wintsën tsyojkpy ets ënätyë jatëkok tyajmina'any.

Lucas 12:35

Jëjp'ixy mnäyaj'itëtëty, xoxy pëky ets kutë'kxy.

Lucas 2:11

Tëë tyam myëxu'unk'aty jam David kyajpnjotm ja Yajnitsokpë, yë'ë ja Kristë, ja Wintsën.

Lucas 7:47

Paaty mijts nnëëmë, ko yë to'oxytyëjk mëti'ipë ijty mëjpokymyëëtën, tëë yajkpokymye'kxy, jä'ä ko mëj ja tsojkën ja'awën tmëëtëty. Mëti'ipë wäänë yajkpokymyä'kxpën, wäänë ja tsojkën ja'awën tmëëtëty.

Juan 13:23

Ënät tu'uk ja ijxpëjkpë mëti'ipë ja Jesús ni'ik tsyojkpyën, yë'ë ënäty jam pyë'am mëët y'a'ux'aty,

Juan 19:26

Ko ja Jesús t'ijxy ja tyaak ets ko tam winkon tyänë ja y'ijxpëjkpë mëti'ipë ni'ik tsyojkpyën ënät t'ënëmaay ja tyaak: Nanë, tam mpa'atënëty ja m'u'unk.

Juan 20:2

Ënät ojts nyijkx pëyi'ikyë ma ja Simón Pedro mëët wiinkpë ijxpëjkpën mëti'ipë Jesús ni'ik tsyojkpyën. Tääts ja Maria y'ënäny: Tëë ja Wintsën ja nyi'kx kyopk yamëke'eky ets ka'ap yajnijawë maa të tpëjkta'aktë.

Juan 20:20

Ko jëtu'un y'ënaantaay ënät tuk'ijxy ja y'ijxpëjkpëtëjk ja kyë'ë ets ja kyätsy ma ënäty të tsyëtyutyën ets ojts xyoonta'aktë ko t'ijxtë ja Wintsën.

Juan 20:28

Ënät ja Tomás y'ëtsooy: Mijts nteety'äjtyp, mijts nTios'ajtyp.

Juan 21:20

Ko ja Pedro y'ijxwinpijty ets t'ijxy ko ja ijxpëjkpë ix'ok myiny mëti'ipë ja Jesús mëk tsyojkpyën, mëti'ipë ënäty të tyajtëyën ja Jesús ma jam y'a'ux'atën: Wintsën, ¿pën mkë'ëyakanëp?

Juan 21:24

Ya'atë jëtu'un ja ijxpëjkpë mëti'ipë yam winë nyimëtyäkpyën, ets yë'ë të tkuja'ay. Ets nija'awëm ko tyiyëty mëti'ipë nyimëtyäkpyën.

Juan 21:8

Ets ja wiinkpë ja y'ijxpëjkpëtëjk jyajtë jam mejypyë'am yë'ë pyajëtujtëp ja tsaay ujts mëët ja ajkx, ja nëëpë'aaypyë jä'ä tmëjëkämëty mëko'px metrën.

Hechos 10:36

Tios ojts tmëkäjpxy ja Israel ja'ay ja y'u'unk y'okëty, tuk'ëwaanë ja jotkujk'ajtën mëët ja Jesukristë, ko yë'ë nyiwintsën'ajtääpy winë.

Hechos 2:36

Wä'än ja Israel ja'ay nija'awëtya'atë ko tyiyëty jyääntyëty ko ja Jesukristë, mëti'ipë miits myajkruutspäjtën, tëë ja Tios tpëjktä'äky Wintsën ets Kristë.

1 Corintios 15:47

Ja jëwyiinpë ja ye'etyëjk mëti'ipë ojts yajtuk'oytyunyën ja naax, naaxwiinyëtë ja'ay jä'ä; e ja mëmäjtskpë, tsajpjotmëpë jä'ä.

2 Corintios 5:14

Ja Kristë ja tsyojkën jya'awën yë'ë yajpatp ma ëëtsëtyën maju'unëm yajnijawën ko tëë tku'o'këtyä'äy ja ja'ay, ets ja ja'ay jëtu'un ni'ëmukë të y'o'kta'atë.

Santiago 2:1

Miitsëty, mëku'uktëjkëty, ninaak të xymyëpëktën ja Wintsën Jesukristë, mëti'ipë ni'ik ja mëj'ajtën jaanty'ajtën myëët'ajtypyën, ka'ap wyin'ixy wyinkexyëty ja ja'ay xytsyoktëty.