Juan 21:5 - Biblia Mixe de Quetzaltepec

⁵ Ënät ja Jesús yajtëëwëtë: Mexyëty, ¿ka'ap tii ajkx të xymyatstë? Ets y'ëtsoowtë: Ka'ap tii.

Biblia Dc en Mixe de Quetzaltepec

⁵ Ënet ja Jesús yajtëëwëtë: Mexyëty, ¿ka'ap tii ajkx të xymyatstë? Ets y'ëtsoowtë: Ka'ap tii.

Juan 21:5 ပူးပေါင်းရင်းမြစ်များ

Filipenses 4:19

Ja nTiosës mmo'ojëtëp tu'kë'ëyë mëti'ipë miits myajmëyajtëpën, ja jotkujk'ajtën mëti'ipë myëët'ajtypyën ja Kristë Jesús.

1 Juan 2:13

U'unk teetyëty tyam nnijäyëtë, jä'ä ko tëë xynyijawëtë mëti'ipë tääyëm yajpatpën. Ëna'ktëjkëty, tyam nnijäyëtë jä'ä ko tëë xymyëmëta'aktë ja mëjku'u.

Hebreos 13:5

Këtii meeny xy'atsoktëty, tukjootkujk'atë mëti'ipë mmëët'ajtëpën, jä'ä ko tëë ja Wintsën y'ënä'äny: Nijëna'a mijts nka'ëxmatsan'any ets nijëna'a nkaja'atyëkoyä'äny.

Salmos 37:3

Jam tu'ukyë këx'ix ma Wintsënën ets kuuytyun mëti'ipë oyën, juuky'at naaxwiiny naaxkëjxy ets näyaj'itët oy.

1 Juan 2:18

U'unk maayëty, tëë ja tiempo tpaaty ma ja naaxwiinyëtë kyëxanën. Tëë myaj'ëwaanëtë ko myina'antë ja mëti'ipë myëtsip'atantëpën ja Kristë ets tää ja tyamëtynyë may mëti'ipë ja Kristë myëtsip'ajtëpën; paaty nnija'awëmë ko tëë ja tiempo tpaaty ma ja naaxwiinyëtë kyëxanën.

Mateo 14:15

Tsu'ujënëp ënätynyë, ko ja y'ijxpëjkpëtëjk myëwinkoonëtë ets y'ënëmaayëtë: Tëë tsyu'ujënë ets apak ya'atë it. Wimpakäjxnë yë ja'ayëty, wä'än nëjkx yë kyääky tyojkx tjuytyë kajpntum.

1 Reyes 19:6

Tää ja Elías y'ijx'ëwtijty ets pyë'aay t'ijxpaty jëënkëjxy y'ity jë'kxy y'aanpëky ets tu'ktu'ts yë uuky. Ënät pyëti'ky ets kyääy y'uky; ko kyääytyääy tääts jatëkok nyäkyo'kë.

Marcos 8:7

Jamts ënäty wäänë ja xi'imk të'ëts näjyëtu'un tmëët'ajtpëtë. Ënät ja Jesús ojts tkukajpxë ja Tios ets ja y'ijxpëjkpëtëjk tmooy ets tyajwa'kxtëty.