Juan 21:15 - Biblia Mixe de Quetzaltepec

¹⁵ Ko y'ajop'ajtaaytyë ets ja Jesús tyajtëëy ja Simón Pedro: Simón, Juan yë myaank, ¿Xytsyojkpës mijts wäänë ni'ikë këtiinëm ya'atëtyë? Ets ja Pedro y'ëtsooy: Ntsojkpy mijts, Wintsën, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

Biblia Dc en Mixe de Quetzaltepec

¹⁵ Ko y'ajop'ajtaaytyë ets ja Jesús tyajtëëy ja Simón Pedro: Simón, Juan yë myaank, ¿Xytsyojkpës mijts wäänë ni'ikë këtiinëm ya'atëtyë? Ets ja Pedro y'ëtsooy: Ntsojkpy mijts, Wintsën, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

Juan 21:15 ပူးပေါင်းရင်းမြစ်များ

Romanos 15:1

Ëëts'ajtëm, mëti'ipë mëk yajpatëpën ma mëpëjkënën, mëpaat mputëjkëmë mëti'ipë ka'ap oy myëpëktënëm, ets ka'ap yi'iyë n'ixtä'ämyëty mëti'ipë ntukjotkëtakmëpën.

1 Juan 4:19

Paaty ja Tios ntsojkëm, jä'äkyëjxm ko yë'ë jëwyiin të xytsyojkëm.

Isaías 40:11

Jëtu'un myiny tä tu'uk ja'ayën mëti'ipë y'ijx'ijtyp kyëwent'ajtypyën yë kyupixyny, tsyä'änë'kpy yë kyupixyny u'unk; tääts tmu'uxy kyätykyijxy, ëtyä'äkyë'äämpy tyajnëjkxy ja mëti'ipë tim mëxu'unkën.

1 Pedro 1:8

Mtsojktëp miits ja Jesukristë oy të xykya'ixtë; e tyam mëët ko xymyëpëktë oy të xykya'ixtë, ni'ikyë mxoonta'aktë mëj këjää mëët ja mëj'ajt oyajtën mëti'ipë ka'ap yajmë'ayukpaatyën wi'ix yajnikajpxëty.

Efesios 6:24

Wä'än ja Tios mkënu'kxëtë ni'ëmukë miitsëty mëti'ipë mtsojktëpën ja Wintsën Jesukristë mëët ja tsojkën ja'awën xëmëpë y'ityën.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Tios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Tios jyä'äy'äjtypyën mëti'ipë të tku'ookën.

1 Juan 5:1

Pën myëpëjkpy ko ja Jesús yë'ë mëti'ipë ënäty yajjëjp'ijxpën, Tios ja u'unk'ajtëp; ets pën ja Tios Teety tsyojkpy, näjyëtu'un tsokëty ja Tios u'unk.

Juan 16:27

jä'ä ko ja nTeetyës kë'ëm miits mtsojkëtëp. Mtsojkëtëp jä'äkyëjxm koos miits tsyoktë ets jä'ä ko tëë xymyëpëktë koos jam ntsoony ma Tiosën.

Jeremias 3:15

Jëtu'un nmo'oja'antës oypyë yajkutujkpë mëti'ipë tyunëpën mëti'ipës ntukjotkëtäkpyën; yë'ëts m'ënä'ämëtëp mëët ja wijyajtën ets ixpëkyajtën.

Ezequiel 34:23

Nyajwinpitäämpyës yë ntuunpës David, yë'ëjës tu'ukyë nyaj'itäämpy kupixyny këwent'ajtpë ets yë'ë oy tkëwent'atëty. Yë'ë nëjkx yë kupixyny tkëwent'ajtpë'atë.

1 Pedro 2:25

Jëtu'un miits të m'itë ijxtëm ja kupixyny tyëkoy'ityën, je'eyëp ko tëë jatëkok xynyiwinpitë ja Kristë, ets yë'ë mkëwent'atëtëty ijxtëm ja kupixyny këwent'ajtpën.

Hebreos 4:13

Nitii tkajëkyepy ja Tios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

Lucas 22:32

je'eyëp ko tëëjës ja Tios nmënu'kxtä'äky ets ja mmëpëjkën ka'ap tyëkoy'atëty ets ko mjootwinpitëty mëët ëjts, jotmëkwinkajpxë ja mjëëky mmëku'uk.

Hebreos 13:20

Ja Tios mëti'ipë yäjkpyën ja jotkujk'ajtën ets mëti'ipë ojts tyajjuukpyikyën ja Wintsën Jesús, jëtu'unpë yajpaatyën tä kupixyny këwent'ajtpën, mëti'ipë mëët ja nye'pny ja käjpxytyu'unën të tyaj'apaatën xëmëkyëjxm,

Romanos 14:1

Oyjyawëtë ja ja'ay mëti'ipë wäänë ja mëpëjkën myëët'ajtypyën ets këtii nëkoo mnäy'oj mnäya'axëtëty mëët.

Mateo 16:17

Ënät ja Jesús y'ënëmaayë: Akujk jotkujk mijts, Simón, Jonás yë myaank, jä'ä ko ka'ap jyä'äyëty të mtuknijawëty, Tios Teety tsajpjotmëpë yë'ë të mmo'oyë jëtu'unpë winma'any.

Jeremias 23:4

Ets kupixyny këwent'ajtpë jam npëjkta'aka'anyës ets yë'ë kyëwent'atëtëty, këtiipë tsyë'ëkëtëty ets këtiipë tii tyëkoy'ajtxëtëty. Ëjts Wintsën, ëjts ënaanp.

1 Pedro 2:2

Tsoktë ja Tios ja y'aaw y'ayuk, ijxtëm ja mëxu'unk janaam tsyi'itsyën ets miits mwinpäjt'ëtë'ëtstëty ma ja Tios ja nyë'ë tyu'ujën ets jëtu'un ja nitsokën xypaatëty,

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

Juan 21:12

Ets ja Jesús y'ënëmaayëtë: Min m'ajop'atë. Ni pën ojts tkayajtëwtë pën jä'ä, jä'ä ko nyija'awëtëp ko yë'ëjëty ja Jesús.

Juan 21:7

Ja ijxpëjkpë mëti'ipë Jesús ni'ik tyimtsojkpyën, jä'ä ojts t'ënëëmë ja Pedro: Wintsën yë'ë. Je'eyë ja Simón Pedro ojts tnamëtoy ko jyä'äjëty ja Wintsën, ënät ja wyit tuktëjkëy, jä'ä ko tëë ënäty ja wyit tjeny ko të nyëëtëkë.

Mateo 18:10

Këtii pi'k ëna'k jëkäm xypyëjkta'aktëty. Jä'ä ko yë'ëty myëët'ajtëp yë y'anklësëty jam tsajpjotm mëti'ipë yajpatëpën xëmë Tios wintum.

Efesios 4:14

Ka'ap jëtu'un n'ëkja'ay'ajtënëty ijxtëm ja pi'k ëna'kën, mëti'ipë maaymyiin maayxyëjptëpën, ka'apë tnijawëtën mëti'ipë tëy katëyën, mëti'ipë pojën myëpëjktëpën ko ja ja'ay nyë'ëmxëtë ets t'ëxmatstë ja ijxpëjkën mëtëypyë.

1 Corintios 8:11

Ko mijts xytyunëty mëti'ipë ja mmëku'uk ka'ap t'oy'ixëtyën, tëë ënäty ja mëku'uk xyajtëkooyë ja myëpëjkën mëti'ipë ja Kristë ojts tku'ookën.

Juan 8:42

Ënät ja Jesús y'ëtsoowëtë: Ko jeexyë miits ja Tios xytyeety'atë, xytsyojktëpës jeexyë, jä'ä ko jamës ntsoony ma ja Tiosën ets tyaajës nyajpaaty. Ka'apës nkë'ëmwinma'any të nyajtuny koos yaa të nminy, Tiosës të xykyexy.

Marcos 14:29

Tääts ja Pedro t'ënëmaay ja Jesús: Oy ni'ëmukë ja'ay tja'ëxmajtstëpë ja myëpëjkënëty, ëjts ka'apës mijts nijëna'a n'ëxmatsa'any.

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Tios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Génesis 33:13

Ënät yë Jacob y'ëtsooy: Mëku'uk, mijts wa'ats xynyijawë ko yë pi'k'ëna'këty ka'ap nëkooyë kyumëjaaw'atë ets mëpaatës näjyëtu'un nmëmay nmëtajy yë njëyujkës, ijxtëm yë tsajppax, kupixyny ets jëyujk tsajpkaajëty. Tyaa ënätyë y'ëk'ënu'kxëtyääynyëtëty ets y'ëk'o'ktaaynyëtëty.

Mateo 10:37

Pën ja tyaak tyeety wäänëni'ik tsyojkpy këtiinëm ëjts, ka'ap pyaat'atyë etsës nja'ay'atëty; ets pën ja nyëëx ets ja myaank ni'ik tsyojkpy këtiinëm ëjts, ka'ap pyaat'atyë etsës nja'ay'atëty.

2 Reyes 20:3

Wintsën tyam mijts n'amëtoy npëjktsoy ets xyjyä'ämatsëtyës, xyjyä'ämyätsëty näjyëtu'un wi'ix mijts oy të nmëtunyën, tëë nmëmëtoy, tëëjës ntuny winë tä mijts xy'oy ixyën. Tääts tyëjkëy jëëpyë yaxpa.

2 Samuel 7:20

¿Wi'ix mijts njaak'ënëëmëty? Mijts wa'ats xy'ixy xynyijawë ja njot nwinma'anyës.

Juan 13:37

Ënät ja Pedro y'ënëmaayë: Wintsën, ¿tii ko ka'ap mëpaat tyam mpanëjkxy? Näy'a'ijxëpës mijts nku'ookëty.

Juan 1:42

Tääts ja Andrés ojts twoownëjkxy ja Simón ma ja Jesús. Ko Jesús y'ijxë ënät y'ënëmaayë: Mijts mSimonk'ajtpë, Juan y'u'unk. Cefas tyam mxëëwajtnëty, mëti'ipë griego ayuk niwijpën Pedro.

Mateo 26:35

Ënät ja Pedro jyaak'ënany: Oyës ntimy y'ookëty mëët mijts, kä'äpyëm n'ixtija'any. Ets aakjëtu'un y'ënantë ja ijxpëjkpëtëjkëty.

Mateo 26:33

Tääts ja Pedro tnikajpxëy: Oyxyë ni'ëmukë ja'ay mpuwa'ktuta'ayë ëjts nijëna'a mijts nka'ëxmatsëty.

Hechos 20:29

Nija'apës, ko yaa ntsoonëtyës, minantëp mëti'ipë win'ëënantëpën ets ja mëpëjkpëtëjk tyajwinma'anytyëkoya'antë. Jëtu'un jyata'antë ijxtëm ja pa'uk tyajkutëkoyën ja kupixyny.

Ezequiel 46:24

Ënätës xy'ënëmaay: Yaa jëtu'un yë ja'ayëty, mëti'ipë jap tsajptëkoty tuuntëpën tyajkë'ëwtëty yë tsu'utsy mëti'ipë naax kajpn yajktëpën ets Wintsën tukwintsë'ëkëtëty.