Juan 20:19 - Biblia Mixe de Quetzaltepec

¹⁹ Ko ojts kyootsënë jä'ä xëëw, sëmaan'ëjxy. Tëë ënäty ja Jesús ja y'ijxpëjkpëtëjk jam tyu'ukmuktë ma tu'uk ja tëjkën, je'eyëp ko ëtuky ja tëjk'aaw tyaj'itë jä'ä ko yë'ë tsyë'këtëp ja myëjutiis ja'ayëty; tääts ja Jesús nyänyikëxë'kë jam ma ja y'ijxpëjkpëtëjkën, itkujky ojts wya'ak'oyë ets ojts tkajpxpo'kxy, jëtu'un t'ënëmaay: Jotkujk yajpaatë.

Biblia Dc en Mixe de Quetzaltepec

¹⁹ Ko ojts kyootsënë jä'ä xëëw, sëmaan'ëjxy. Tëë ënety ja Jesús ja y'ijxpëjkpëtëjk jam tyu'ukmuktë ma tu'uk ja tëjkën, je'eyëp ko ëtuky ja tëjk'aaw tyaj'itë jä'ä ko yë'ë tsyë'këtëp ja myëjutiis ja'ayëty; tääts ja Jesús nyänyikëxë'kë jam ma ja y'ijxpëjkpëtëjkën, itkujky ojts wya'ak'oyë ets ojts tkajpxpo'kxy, jëtu'un t'ënëmaay: Jotkujk yajpaatë.

Juan 20:19 ပူးပေါင်းရင်းမြစ်များ

Salmos 122:8

Tyam yë'ëjës n'ënëëmëjäämpy yë njëëky nmëku'ukës, ets mëti'ipës oy mëët nnäjyawëtyën ko wä'än tjam'aty yë akujkajtën jotkujk'ajtën ma mijtsën.

Mateo 10:13

Pën m'ëtsoowëtëp ja ja'ay oy, amëtowtë ja Tios ets kyënu'kxëtëty. Pën ka'ap oy m'ëtsowëtë miitsëty ka'ap tiijotmay xyjyawëtëty.

Mateo 18:20

Jä'ä ko ma nimäjtsk nitëkëëk ja'ay yajpaatyën ëjts nxëëwkyëjxmës, tamës ëjts itkujky nyajpaaty.

Marcos 16:14

Ok ja Jesús ojts jatëkok nyänyikëxë'ëkyë ma ja y'ijxpëjkpëtëjk ënäty nimajktu'uk yajpaatën ma ja kaaypyäjnën, jamts ojts mëk y'ojëtë jä'äkyëjxm ko ka'ap tmëpëktë ko jyayajtuk'ëwaanëtë ko ja Jesús të yaj'ixy, ko tëë jatëkok jyuukpyiky.

Juan 14:27

Tyam ntukmëwë'ëmtë ja jotkujk'ajtën. Nmooytyëp miits ja jotkujk'ajtën, je'eyëp ko ka'ap yë'ëjëty jëtu'unpë mëti'ipë yajktëpën yë naaxwiinyëtë ja'ay. Këtii mmaytyëty mtajtëty ets këtii mtsë'ëkëtëty.

Juan 16:22

Näyjyëtu'un miits tyam mmontë mtuktë; je'eyëp koos winpitaanpës jatëkok ets min n'ixa'antë ets jotkujk mnäjyawëtëty ets ni pën mkapëjkëtëty ja mxoontakënëty.

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

Juan 20:21

Tääts ja Jesús jatëkok y'ënëmaayëtë: Jotkujk yajpaatë. Jëtu'un ijxtëmës ja Tios Teety të xykexyën, näjyëtu'un miits nkäxtë.

Juan 20:26

Kom tuktujk xëëw, tëë ënäty ja Jesús ja y'ijxpëjkpëtëjk jatëkok jam ye'eymyuktë tëkotm, tam ënäty ja Tomás näjyëtu'un yajpaaty, ëtuky ja tëjk'aaw tyaj'itë. Ënät ja Jesús nyänyikëxë'kë, itkujky ojts wya'ak'oyë ets ojts tkajpxpo'kxy ja y'ijxpëjkpëtëjk, ets t'ënëmaay: Jotkujk yajpaatë.

Juan 21:1

Ko jëtu'un tyuuntaay jyajtaayë, ënät ja Jesús ojts jatëkok nyänyikëxë'ëkyë ma ja y'ijxpëjkpëtëjkën jam Tiberias mejypyë'am. Jëtu'un ojts tyunyë jyätyë:

Juan 21:14

Mëtëkëëk'ok ënäty ja Jesús nyänyikëxë'ëkyë ma ja y'ijxpëjkpëtëjkën maju'unëm jyuukpyikyën.

Juan 7:13

Ka'ap pën nyikäjpxyë nikëxë'ëky mayjyä'äyjoty, jä'ä ko tsyë'këtëp ja jutiis ja'ayëty.

Hechos 1:3

Tëë ënäty y'ooky, ko jatëkok nyänyikëxë'kë juuky kanaak ok, ets jëtu'un ja y'ijxpëjkpëtëjk ojts tuknijawë ko juuky'ajtp ënäty. Wëxtyikxy xyëëw ja y'ijxpëjkpëtëjk nyätyuk'ijxë, tukmëmëtyä'äky ja Tios ja kyutujkën.

Romanos 15:33

Ja Tios mëti'ipë jotkujk'ajtën yäjkpyën wä'än yë'ë tyajpaaty ma miitsëtyën. Oy jyëtu'un'atëty.

1 Corintios 15:5

ko ojts nyänyikëxë'ëkyë ma ja Pedro, ma ja y'ijxpëjkpëtëjkën ja nimajkmäjtskpë.

Efesios 2:14

Kristë ëëts të xymyo'oyëm ja jotkujk'ajtën. Yë'ë të tyajnämyukyë ja jutiis ja'ayëty mëët mëti'ipë ka'ap jyutiisëty ets të tyajkutëkoy ja tsip mëti'ipë ijty xyajnäwya'kxëmën,

Efesios 6:23

Wä'än ja mëpëjkpëtëjk tmëët'atë ja jotkujk'ajtën, ja tsojkën ets ja mëpëjkën mëti'ipë ja Tios Teety ets Wintsën Jesukristë yajktëpën.

Filipenses 1:2

Wä'än ja nTeety'ajtëm Tios ets Wintsën Jesukristë mmo'ojëtë ja kënu'kxën ets ja jotkujk'ajtën.

2 Tesalonicenses 3:16

Ja Wintsën, mëti'ipë jotkujk'ajtën yäjkpyën, yë'ë tu'kë'ëyë mmo'ojëtëp ja jotkujk'ajtën oy tii tyunëtëty jyatëtëty. Wä'än ja Wintsën tyajpaaty ma miitsëtyën ni'ëmukë.

Hebreos 7:2

ënät ja Abraham tmooy ja Melquisedec tu'kpëky ja majk pëkpyë mëti'ipë pyëjkën ko myëtäky ma tsyiptuunyën. Ja Melquisedec ja xyëëw jä'ä y'ayukwinpëtsëmy yajkutujkpë mëti'ipë kijpxy'äjtyën myëët'ajtypyën ets ko jam Salem yajkutuky, näjyëtu'un yajtijy yajkutujkpë mëti'ipë kijpxyajtën myëët'ajtypyën, jä'ä ko jëtu'un ja Salem y'ayukwinpëtsëmy Jotkujkajtën.

3 Juan 1:14

Kë'ëm jam nninëjkxa'antë ets nkajpxmëty nmëtyakmëty wiinxë jëjpxë.

Apocalipsis 1:4

Yë Juan, nnijayë ja niwëxtujkpë ja kajpn ma yajpaatën ja mëpëjkpëtëjk mëti'ipë ye'eymyujktëpën jam Asia y'itjotm. Ëxajëtë ja kënu'kxën ets ja jotkujk'ajtën mëti'ipë yäjkpyën ja tëëyëmpë yajpaatyën ets mëti'ipë tää'ataanpën, näjyëtu'un ja wëxtujkpë ja Tios ja jya'awën myëk'ajtën mëti'ipë ijtëpën ma ja kyutujktaknën,