Juan 2:5 - Biblia Mixe de Quetzaltepec

⁵ Ënät ja tyaak ja Jesús t'ënëmaay ja mëti'ipë wiinkëëy kujkkëëytyëpën: Tuntë tu'kë'ëyë mëti'ipë yë'ë nyi'ënä'ämëpën.

Biblia Dc en Mixe de Quetzaltepec

⁵ Ënet ja tyaak ja Jesús t'ënëmaay ja mëti'ipë wiinkëëy kujkkëëytyëpën: Tuntë tu'kë'ëyë mëti'ipë yë'ë nyi'ënä'ämëpën.

Juan 2:5 ပူးပေါင်းရင်းမြစ်များ

Génesis 41:55

Ko ojts y'akëjxëtyääynyë yë jë'kxy pëky ma ja'ayëtyën jap Egiptë ets yuu mëk tja'awënëtë, ënät ojts nyëjkxtë ma yajkutujkpën jë'kxy'amëtoopë. Ënät yë yajkutujkpë t'ëtsooy ja Egiptë ja'ayëty: Nëjkxtë ma Joséjën ets yë'ë tuntë tii yë'ë nyi'ënä'ämëpën.

Génesis 6:22

Ënät yë Noé ojts jëtu'un tkuuytyuunta'ay ijxtëm ënäty yë Tios të y'ënë'ëmxëtyën.

Ezequiel 12:7

Ënät ni''ijxëyës ja ntsëmy nkë'ëyës mëti'ipës nmëtsonäämpyën jëtu'un tä ënäty ja Wintsën të xytyuk'ëne'emyënës ets ntso'onyës; xëënyës ntso'ony ijxnë kä'äxnë, tamës ja ntsëmy mpatsëmy jëtu'un tä ja'ay muum nyijxyën tsumy matsy wiink naax wiink kajpn. Ko jyënäkyxyëëwajty ojtsës yë potsy nyajjuty mëti'ipë naax kajpn nyapots'ajtypyën ets ko kyootsëy täätsës ja ntsëmy nätyukejkyjyëpipëy tam ja ja'ay t'ixtë ets ojts jam nyetyës ma ënäty ja potsy të nyajjutyësën.

Mateo 12:46

Tamnëm ënäty ja Jesús ja mayjyä'äy tmëëtmëtyä'äky ko myiintë ja tyaak ets ja myëkä'äxtëjk. Jäpyë tëjk ëkë'p ojts wyë'ëmtë, Jesús myëkajpxantëp.

Juan 15:14

Miits jëtu'un nmëku'ukja'awëtyëp, pën mtuuntëp mëti'ipë ntuk'ënä'ämtëpën.

Hechos 9:6

Ets ja Saulo tsyëyuuypyijky ets y'ënäny: ¿Tii mtsojkpy etsës ntunëty? Ënät ja Wintsën y'ënëmaayë: Pëtë'ëk ets nëjkx kajpnjotm. Jamts myajtuk'ëwaanëty mëti'ipë mtunëpën.

Hebreos 11:8

Mëët ko myëpëjky ja Abraham paaty ojts ja Tios tmëmëtoy ko y'ënëmaayë ets pyëtsëmëty ma ja nyaax kyajpnën, ënät tsyo'ony ets ojts nyijkx ma ja Tios ënäty ja naax tyukumayä'änyën. Ko tsyo'ony ma ja nyaax kyajpnën, ni tkanijawë maa ënäty nyijkx.

Hebreos 5:9

Ets ko ojts tyaj'apaatë ja tyuunk, ënät ojts nyäxy yajnitsokpë xëmëkyëjxm ma ja mëti'ipë mëmëtoowëpën,

Jueces 13:14

Ko këtii yë tsatym nyëë t'uukëty, ets nëë mëti'ipë mëkën, jampë pyëtsimyën ma tsatymyë; ka'ap nëkooyë tii tjë'kxëty ka'apë kyënu'kxëtyën. Yi'iyë tyunëp mëti'ipës të ntuk'ëne'emyën.

Rut 3:6

Ja Rut ojts jam nyijkxy ma ja Booz ja kyamën ets jëtu'un tuuny tä ja tyaakxyäkxy ënäty të y'ënë'ëmxëtyën.