Juan 2:23 - Biblia Mixe de Quetzaltepec

²³ Ko ja Jesús ënäty jam yajpaaty ma ja Jerusalén kajpnën ëmaay xyëëwjoty, may ja ja'ay t'ijxtë ja mëj'ajtën mëti'ipë tyuun kyajpxën ets tmëpëjktë.

Biblia Dc en Mixe de Quetzaltepec

²³ Ko ja Jesús ënety jam yajpaaty ma ja Jerusalén kajpnën ëmaay xyëëwjoty, may ja ja'ay t'ijxtë ja mëj'ajtën mëti'ipë tyuun kyajpxën ets tmëpëjktë.

Juan 2:23 ပူးပေါင်းရင်းမြစ်များ

Lucas 8:13

Ja tëëmt mëti'ipë ojts kyä'äyën tsaajotm, jëtu'un yë'ë ijxtëm ja ja'ayëty mëti'ipë y'amëtoow'ijtëpën ja Tios ja y'aaw y'ayuk ets jotkujk myëpëjkojtë. Ko ënät wi'ix tkujatëtë tääts t'ëxmatstë. Yë'ë jëtu'un jajtp ijxtëm ja tsajpmokyonën mëti'ipë ka'ap tyiktsk kyëkëtyën.

Juan 6:14

Ko ja ja'ay t'ijxtë ja mëj'ajtën mëti'ipë Jesús tyuunën ënät y'ënantë: Tëy jëtu'un ko yë'ë ya'atë Tios kyäjpxynyajxpë mëti'ipë yaa naaxwiiny ënäty minaanpën.

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

Juan 7:31

May ja ja'ay ojts myëpëktë ets y'ënantë: Ko myinëty ja Kristë, ¿wäänë jëtää ni'ik tunëty ja mëj'ajtën këtiinëm ya'atë ye'etyëjkë?

Juan 3:2

Yë'ë ojts ninëjkxy ja Jesús koots ets t'ënëmaay: Wintsën, nija'awëtyëpës ko mijts Tios të mkexyë ets ëëts xyaj'ijxpëktëty, jä'ä ko ka'ap tjëkyepy pën tunëty ja mëj'ajtën ijxtëm mijts xytyunyën pën ka'ap ja Tios tmëëtëty.

Juan 2:13

Ëmaayxyëëw ënäty wiinkoonëp mëti'ipë jutiis ja'ayëty myëjja'awëtëpën, ko ja Jesús ojts pya'tëkë jam Jerusalén.

Juan 2:11

Ya'atë mëj'ajtën mëti'ipë Jesús tyuunën jam Caná ma Galilea y'itjotmën yë'ë ma mëtu'uk tyajnikëxë'kyën ja myëj'ajt y'oyajtën.

Juan 4:45

Ko jyä'äjty jam Galilea, tsuj ojts ja ja'ay kyupëkyë, jä'ä ko tëë ënäty näjyëtu'un y'otstë xëëw'ajtpë jam Jerusalén ets tëë ënäty t'ixtë tii ja Jesús të tunyën ëmaay xyëëwjoty.

Juan 5:36

Nmëët'ajtypës ja tëyajtën ni'ik këtiinëm ja Juan. Mëti'ipës ëjts ntuunpyën yë'ë mëti'ipë ja Tios Teety ëjts xymooyën ets ntunëtyës, yë'ë yajtëytyëjkëp koos ja Tios Teety të xykyexy.

Juan 6:2

May ja Jesús ënäty ja ja'ay pyanëjkxyë, jä'ä ko tëë ënäty t'ixtë ko tuny ja mëj'ajtën ko tyajtso'oky ja pa'amja'ay.

Juan 11:45

Paaty ja jutiis ja'ay ojts may tmëpëktë ja Jesús mëti'ipë ja Maria ojts tjämyëët'atën jä'ä ko t'ijxtë mëti'ipë ja Jesús tyuunën.

1 Juan 3:23

Yë'ë ni'ik nyi'ënä'ämëp ets ja y'u'unk Jesukristë nmëpëjkmëty ets ko nixim niyam nätsyojkëmëty ijxtëm ja Jesukristë të tni'ënä'ämën.