Juan 2:19 - Biblia Mixe de Quetzaltepec

¹⁹ Tääts ja Jesús y'ëtsooy: Jijtë'ëktë ya'atë mëjtsajptëjk ets kom tëkëëk xëëw nkojtëkatsëtyës.

Biblia Dc en Mixe de Quetzaltepec

¹⁹ Tääts ja Jesús y'ëtsooy: Jijtë'ëktë ya'atë mëjtsajptëjk ets kom tëkëëk xëëw nkojtëkatsëtyës.

Juan 2:19 ပူးပေါင်းရင်းမြစ်များ

Mateo 12:40

Jëtu'un ijxtëm ja Jonás ojts tëkëëk xëëw tëkëëk tsuu y'ijtyën jap ajkx jootjoty, näjyëtu'unës tëkëëk xëëw tëkëëk tsuujës n'itëtä'any naaxjoty. Ëjts, naaxwiinyëtë ja'ay y'U'unk.

Mateo 16:21

Tääts ja Jesús ja y'ijxpëjkpëtëjk tmëmëtyaktso'ony ets t'ënëmaay ko kwanë nyëjkxa'any jam Jerusalén ets ja mëjja'aytyëjk, ja teety wintsëntëjk ets ja tsajptëkotyëtë yaj'ijxpëjkpëtëjk yaj'ëyowa'anyë ets ja ja'ay yaj'ooka'anyë, je'eyëp ko kom tëkëëk xëëw jyuukpyëka'any jatëkok.

Mateo 27:40

jëtu'un y'ëna'antë: Mijts jëtu'un ijty m'ëna'any ko ja tsajptëjk xyjyita'any ets kom tëkëëk xëëw xykyoj'oyëja'any. Pën mijts Tios mU'unk'ajtëp, jënak jam kruutskëjxm.

Mateo 27:63

ets t'ënëmaaytyë: Yajkutujkpë, yë'ë ëëts nja'amyäjtstëp ko tääpë win'ë'ënpë ojts y'ënä'äny ma ënäty jyaak juuky'ätynyëmën, ko kom tëkëëk xëëw jyuukpyëka'any.

Marcos 14:58

Tëës nmëtoy ko y'ënä'äny: Njijtë'ëkäämpyës yë mëjtsajptëjk mëti'ipë ja'ay të tkojtën ets tëkëëk xëëwës jatëkok nkoj'oyëjä'äny.

Marcos 15:29

Ko ja ja'ay jam nyaxtë kruuts'ëjxm, je'eyë kyujëpiptë ets nëëxi'ik tukxi'iktë ja Jesús: Aa, mijts jä'ä ijty mnetyijëp ko xyjyijtë'ëka'any ja mëjtsajptëjk ets tëkëëk xëëw jatëkok xykyoja'any.

Marcos 8:31

Tääts ja Jesús tuk'ijxpëjktso'ony ja y'ijxpëjkpëtëjk wi'ix ënäty mëk y'ëyo'onpaata'anyën. Ko ka'ap kyupëka'anyë ja mëjja'aytyëjk, ja teety wintsëntëjk ets ja tsajptëkotyëtë yaj'ijxpëjkpëtëjk. Ojts tuk'ëwaanë ko yaj'ooka'anyë ja ja'ay je'eyëp ko kom tëkëëk xëëw jatëkok jyuukpyëka'any.

Juan 11:25

Ënät ja Jesús y'ënëmaayë: Ëjts yajjuukpyëjkpë, ëjts nyäjkpy ja juukyajtën. Pën ëjts xymyëpëjkp, oy jya'ooky, juukpyëkaanp jatëkok;

Juan 5:19

Ets ja Jesús y'ënëmaayëtë: Tëy miits nëëmëtë ko yë Tios y'U'unk ka'ap tjëkyepy ets kyë'ëm winma'any tyajtunëty, yi'iyë mëpaat tuny mëti'ipë tyuunpyën ja Tyeety. Tu'kë'ëyë mëti'ipë tyuunpyën ja Tios Teety, tyuunpy näjyëtu'un ja y'U'unk.

Hechos 2:24

E tëë ja Tios tyajjuukpyiky, ets tëë tyaj'ëwaatsëpëtsëmy ma ëxëëk të jyätyën ko të y'ooky, jä'äkyëjxm ko ka'ap ja o'kën tii mëk'ajtën tmëëtëty ets yaj'ookëtëty.

Hechos 2:32

Tëëts ja Tios tyajjuukpyiky ja Jesús, ëëtsajtëm tëë wa'ats n'ijx nija'awëmë.

Hechos 3:15

Jëtu'un xyaj'o'ktë mëti'ipë ja juukyajtën xymyo'oyëmën. E ja Tios tëë yajjuukpyikyë ets ëëtsëty tëëjës kë'ëm ntimy ixtë.

Hechos 3:26

Ko ja Tios tyajjuukpyijky ja y'u'unk, jëyëjp ojts miits mtuknikäxëtë ets mkënu'kxëtëty ets xy'ëxmatstëty ja m'ëxëëktu'un m'ëxëëk kajpxënëty.

Hechos 6:14

Tëës ntimmyëtowtë ko y'ënä'äny ko ja Jesús nazaretëtë ja'ay tyajkutëkoyä'äny yë mëjtsajptëjk ets ko tyajtëkatsa'any ja ënä'ämën mëti'ipë ja Moisés ojts xytyukmëwë'ëmëmën.

Romanos 4:24

näjyëtu'un ojts ëëtsajtëm nyajnimëtyakëmë. Jä'ä ko ja Tios yajmëjnajxyp näjyëtu'un ëëts ja nmëpëjkën'ajtëmë, ko nmëpëjkëmë mëti'ipë yajjuukpyëjkën ja nWintsën'ajtëm Jesús ko y'ëk'o'ky.

Romanos 6:4

Ets ko nyajpatëmë jëtu'un ijxtëm jeexyë tu'ukyë të n'o'këmën ets të nnaaxtëjkëmë mëët ja Kristë, jëtu'un të njuukpyëjkëmë näjyëtu'un ijxtëm ja Kristë ojts jyuukpyikyën, mëët ja Tios Teety ja myëj'ajtën ets nmëët'ajtmëty ja jempyë juukyajtën.

Romanos 8:11

Ets pën ijtp ja Tios ja Kyënu'kxymyëk'ajtën ma miitsëtyën, mëti'ipë ja Jesús ojts yajjuukpyikyën, yë'ë myo'ojäämpy ja juukyajtën ja mni'kx mkopkëty mëti'ipë o'kpën mëët ja Tios ja Myëjaaw myëk'ajtën, mëti'ipë juukyajtpën ma miitsëtyën.

1 Corintios 15:12

Pën yë'ëjës nnikäjpxyp nnimëtyäkpy ko ja Kristë jyuukpyijky, ¿tii ko miits jënaakën m'ëna'antë ko ja o'kpë ka'ap jyuukpyëka'antë?

Colosenses 2:12

Jëtu'un miitsëty ijxtëm ja Kristë jeexyë mëët të mnaaxtëkëtën nëëpäjtënkyëjxm ets tëë mëët mjuukpyëktë jä'ä ko të xymyëpëktë ja Tios ja myëk'ajtën, ja Tios mëti'ipë Kristë yajjuukpyëjkën.

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.