Juan 2:10 - Biblia Mixe de Quetzaltepec

¹⁰ ets t'ënëmaay: Ko pën pyiky yë'ë jëyëjp yaj'apëjkëp yë oypyë tsatym nyëë e ko kom të y'uknëtë tääts yë'ë jyaak yajmo'otë mëti'ipë ka'ap nëkoo y'oyëtyën. E mijts taptëm xypyëjkë'ëky ja oypyë tsatym nyëë mëti'ipë yam ok myajpëtsëëmpyën.

Biblia Dc en Mixe de Quetzaltepec

¹⁰ ets t'ënëmaay: Ko pën pyiky yë'ë jëyëjp yaj'apëjkëp yë oypyë tsatym nyëë e ko kom të y'uknëtë tääts yë'ë jyaak yajmo'otë mëti'ipë ka'ap nëkoo y'oyëtyën. E mijts taptëm xypyëjkë'ëky ja oypyë tsatym nyëë mëti'ipë yam ok myajpëtsëëmpyën.

Juan 2:10 ပူးပေါင်းရင်းမြစ်များ

Génesis 43:34

Yë José ja myëku'uktëjk yë'ë tyukjë'kx mëti'ipë ënäty näjyëtu'un jam jyi'kxypyën ets ja Benjamín jaakni'ik ojts winë tmo'oy këtiinëm jyëtu'unëty ja wiinkëtpyë; ojts kyääymyuk y'ukmuktë ets jotkujk nyäjya'awëtë.

Salmos 104:15

yë ka'ayën ukën mëti'ipë mëjaaw moopyën, ets tsatym nyëë mëti'ipë yajjotkujktakpën, ets wyiin jyëjp yaj'ixy tim o'oyëtyääpy yowë.

Cantares 5:1

Tëës ntëkë jam maas yë npëjy kyamën, to'oxytyëjk mëti'ipës ntsojkpy nja'apën. Tëës npaaty ja mirra ets ja on mëti'ipë oy xu'kp jojkpën, tëëjës njawë ja uuxpa'ak ets tëëjës n'uuky yë tsatym nyëë mëti'ipë tëë nyimaanaxyën ets tsi'tsknëë. Jëëkytyëjk mëku'uktëjkëty, kaytyë uuktë, uuktë jënu'un xytyimtsoktë.

Mateo 24:49

ets twopëty tka'atsëty ja tuunpëtëjk ets tmëëtkaay tmëët'uknëty ja ëmu'ukyë ja'ay;

Lucas 12:45

E pën tääpë tuunpë, mëët ko myäy tyäjy ko ja wyintsën ka'ap tsyojkmina'any, ets niwa'akëty ja tuunpëtëjk ye'etyëjkpë to'oxytyëjkpë, twopëty tka'atsëty; ets tyëjkënëty ukpë mukëpë.

Lucas 16:25

Tääts ja Abraham y'ënëmaayë: U'unk, yë'ë mja'amyätsëp ko mijts akujk jotkujk të mjuuky'äty naaxwiiny; yë Lázaro, tëë y'ëyoy; e tyam, tëë tpaaty ja jotkujk'ajtën; mijts tyam mtuka'ajëp ets mëk m'ëyowëty.

Hechos 2:15

Ëëtsëty, ka'apës nmu'ukëtë ijxtëm miits mmaytyë mtajtën. Je'eyë tyam xëëw nyapëtsëmnyëm.

1 Corintios 11:21

Ko mkaya'antë, jënaakën jëwyiin jëyëjp kyääykyojtë, tyam jatu'kpëky ayuu y'ijtpë, jënaakën myuktëkooyënëtë.

Efesios 5:18

Ka'ap m'uuktëty mmu'ukëtëty, jä'ä ko yë'ë yajtëkoopy; nikë oy ko mtu'umo'ojëtëty ja Kënu'kxymyëkajtën.

1 Tesalonicenses 5:7

Mëti'ipë maatëpën, koots yë'ë mya'atë; e mëti'ipë uktëpën mukëtëp, koots yë'ë y'uuktë myu'ukëtë;

Apocalipsis 17:2

Yë yajkutujkpëtëjk mëti'ipë yaajëtyën naaxwiiny, tëë mëët pyokytyuntë yë mëj ku'into'oxy ets ja naaxwiinyëtë ja'ay tëë ni'ik wyinma'anytyëkooynyë mëët ja ku'into'oxy ja pyoky.

Apocalipsis 17:6

Ënätës n'ijxy ko ja to'oxytyëjk myu'ukyë, yë'ë mukëp ja mëpëjkpëtëjk ja nye'pyny ets ja ja'ayëty mëti'ipë të tkajpxwa'kxtën ja Jesús ja jyä'ä. Mëkës ni'ik nja'awëy ko jëtu'un n'ijxyës.