Juan 19:9 - Biblia Mixe de Quetzaltepec

⁹ Ets tyëjkëkyojnëpë këmoontëkoty ets tyajtëëy ja Jesús: ¿Maa mkukajpnëty? Niwi'ix ja Jesús kya'ëtsooy.

Biblia Dc en Mixe de Quetzaltepec

⁹ Ets tyëjkëkyojnëpë këmoontëkoty ets tyajtëëy ja Jesús: ¿Maa mkukajpnëty? Niwi'ix ja Jesús kya'ëtsooy.

Juan 19:9 ပူးပေါင်းရင်းမြစ်များ

Isaías 53:7

O'ktëy yajtuuny yaj'ënëmaay, niwi'ix ojts kya'ëna'any, amonyë tkupëjky ja nätyiytyunë; jëtu'un ojts yajmënëjkxy ma o'ktaknën tä tu'uk kupixyny yajmënëjkxyën ma y'o'ktaknën, amonyë y'ijty, nitu'k'aaw kyakajpxpëtsëëmy, jëtu'un tä tu'uk kupixyny ayääkën mëti'ipë yajnikä'ptutpën.

Mateo 26:63

E ja Jesús amonyë y'ijty. Tääts ja teety wintsën y'ënëmaayë: Ja juuky Tios yam ntukajpxpejtypyës ets tëy tëtä'äky xynyikajpxëty. Tuk'ëwa'anëtyëk ëëts pën mijtsëtën mKristë, ja Tios ja y'U'unk.

Mateo 27:27

Ënät ja tsiptuunpëtëjkëty mëti'ipë myëtuuntëpën ja Poncio Pilato ojts tmënëjkxtë ja Jesús ma ja këmoontëjkën ets jam nyäwyoowmujktaayëtë,

Lucas 23:9

Kanaakpëky ja Herodes tyajtëëy tyajtëtäky winë, je'eyëp ko ja Jesús ka'ap y'ëtsooy ni tuk'aaw.

Juan 18:28

Ënät ja Jesús tmëtso'ontë ma ja Caifás ja tyëjkën ets ojts tmënëjkxtë ma ja këmoontëjkën, ma y'ëne'emyën ja romanë yajkutujkpë, xëënyënëp ënätynyë. Ka'ap ja jutiis ja'ayëty ojts tyëkëtë këmoontëkoty, jä'ä ko ka'ap wya'atsëty ja këmoontëjk. Yë'ëjëty jëtu'un ja mëpëjkën tmëët'atë ko tyëkëtëty muum ma ka'ap wya'atsëtyën tsojk y'ëxëëkëtëty ets ka'ap tjëkyäpëty wi'ix y'a'ux'atëtyën ma ja ëmaayxyëëwën.

Juan 18:33

Ënät ja Pilato jatëkok tyëjkëy jap këmoontëkoty ets tyaxtsooy ja Jesús ets tyajtëëy: ¿Mijts jëtu'un ja jutiis ja'ayëty ja yajkutujkpë?

Juan 18:34

Tä ja Jesús y'ëtsooy: ¿Mkë'ëmwinma'any jëtu'un myaj'ënanëp, ëkë jää pën të mnë'ëmxëty koos n'ëjtsëtyë?

Juan 18:37

Ënät ja Pilato y'ëtsoowë: Ko jëtu'un m'ëna'any jëtu'un yajja'akyukë, yajkutujkpë yowë mijts. Ënät ja Jesús y'ëtsooy: Mijts jam m'ënaanp, ëjts yajkutujkpë. Ëjts yë'ëjës të niminy naaxwiiny etsës nimëtya'akëty ja tëyajtën. Ni'ëmukë mëti'ipë tyuk'ijtëtëp ja tëyajtën, myëtoow'ijtëp yë n'aaw n'ayukës.

Juan 19:10

Ënät ja Pilato y'ënëmaayë: ¿Këtii m'ëtsoyë? ¿këtii xynyijawë ko nmëët'ajtypës ja kutujkën ets nyajkruuspätëty ëkë npëjkta'akëty ëwaatsëtumë?

Juan 19:8

Ko jëtu'un ja Pilato tmëtooy, ojts mëk tsyë'ëkë.

Juan 8:14

Tä ja Jesús y'ëtsooy: Oyës kë'ëm nänyimëtyä'äkyë, tsoowpatp yë'ë, jä'ä ko nija'apës tiis nkäjpxyp; nija'apës maas ntsoony ets maas nnëjkxyën e miitsëty ka'ap xynyijawëtë.

Filipenses 1:28

je'eyëp ko këtii mnätyuk'ëtsë'ëkëtëty ja mmëtsipëty. Ko xykyatsë'ëkëtëty, yë'ë mtuknijawëtëp ko kutëyoyantëp ënätyëty ets nän yë'ë yajtunijawëp ko ënäty ja nitsokën xypyaata'antë. Ya'atë Tios jëtu'un të tuknipëjktaakë.

Jueces 13:6

Ënät ja to'oxytyëjk ojts nyijkxy ma ja nyiye'etyëjkën ets tukmëmëtyäky: Tu'ukës yë ye'etyëjk të xynyiminy, Tios yë tyuunpë, jëtu'unyës të ntimwyi'imy koos të nwinku'ixë, jëtu'unës të n'ixy tä tu'uk yë Wintsënën kyukäjpxyën. Ka'apës të nyajtëy tii xyëëwajtyp ets ni yë'ë të xykyatuk'ëwaanës.