Juan 19:42 - Biblia Mixe de Quetzaltepec

⁴² Jam ojts ja Jesús ja nyini'kx tyajnaaxtëjkëyëtë, yë'ë ënäty jam winkon yajpatp ets nän yë'ë ënäty pyätyp ja po'kxënxëëw mëti'ipë ja jutiis ja'ay myëjja'awëtëpën.

Biblia Dc en Mixe de Quetzaltepec

⁴² Jam ojts ja Jesús ja nyini'kx tyajnaaxtëjkëyëtë, yë'ë ënety jam winkon yajpatp ets nän yë'ë ënety pyätyp ja po'kxënxëëw mëti'ipë ja jutiis ja'ay myëjja'awëtëpën.

Juan 19:42 ပူးပေါင်းရင်းမြစ်များ

Juan 19:31

Tu'kxëëwnëm ënäty tkapaaty ja ëmaayxyëëw ets ja jutiis ja'ayëty ka'ap ënäty tsoktë ets ja o'kpë jam wyë'ëmëty kruutskëjxm po'kxënxëëwëtë; ma tääpë ja po'kxënxëëw ënäty tpaatyën mëj xëëw ënäty jää tunanëp. Paaty ja Pilato t'ënëmaaytyë ets yajtekytyëjtëty ja mëti'ipë jam kruutskëjxmëtyën ets tyajjënaktëty ja o'kpë jam kruutskëjxm.

Juan 19:14

Jä'ä xëëw ma ënäty ja ëmaayxyëëw yajnipëjktaakën ets ja Pilato t'ënëmaay ja jutiis ja'ayëty: Tyaa ënät ja myajkutujkpëty.

Juan 19:41

Ma ënäty ja Jesús të kyëruutspetyën, tam ijty tu'uk yë pëjykyam yajpaaty jam winkon; ets jam pëjykyamjotm, tam ijty tu'uk ja jemypyë o'kpë jut ma ka'ap pën nyaaxtëkënëm.

Isaías 53:9

Ets tyajnaaxtëjkëtyë jam ma ëxëëkja'aytyëjkën, mëët ja tuuntëkoopyë kajpxtëkoopyë ojts nyaaxtëkë, oy ënäty ka'ap tii tuuntëko'oyën tmëëtëty ets oy ojts mëtëy jyakäjpxy.

Colosenses 2:12

Jëtu'un miitsëty ijxtëm ja Kristë jeexyë mëët të mnaaxtëkëtën nëëpäjtënkyëjxm ets tëë mëët mjuukpyëktë jä'ä ko të xymyëpëktë ja Tios ja myëk'ajtën, ja Tios mëti'ipë Kristë yajjuukpyëjkën.

1 Corintios 15:4

ko ojts tyajnaaxtëkëtë ets jyuukpyijky kom tëkëëk xëëw, ijxtëm näjyëtu'un ja Tios ja y'aaw y'ayuk kyëxja'ayëtyën;

Hechos 13:29

Ko ëxëëk tuuntë ijxtëm ënäty ja Tios ja kyäjpxynyajxpë të y'ëna'antën, ënät tyajjënajktë jam kruutskëjxm ets tyajnaaxtëjkëtyë.

Juan 19:20

May ja jutiis ja'ay ja letrë ojts tkajpxtë, jä'ä ko kajpn mëwinkon ja it wyi'im ma ja Jesús ojts tyajkruutspätën ets ja letrë, hebreo, latín ets griego ayuk jyä'äyëty.

Mateo 12:40

Jëtu'un ijxtëm ja Jonás ojts tëkëëk xëëw tëkëëk tsuu y'ijtyën jap ajkx jootjoty, näjyëtu'unës tëkëëk xëëw tëkëëk tsuujës n'itëtä'any naaxjoty. Ëjts, naaxwiinyëtë ja'ay y'U'unk.

Salmos 22:15

Jëtu'unës yë n'aaw tä texy apu'ujën; tëës yë nyä'än myëjtëtspäjnë npa'kxwiinyës. Jap ma o'kpë nyipetyën japës të xyajkëtä'äky.