Juan 19:1 - Biblia Mixe de Quetzaltepec

¹ Ënät ja Pilato ojts ja Jesús tyajwopyë.

Biblia Dc en Mixe de Quetzaltepec

¹ Ënet ja Pilato ojts ja Jesús tyajwopyë.

Juan 19:1 ပူးပေါင်းရင်းမြစ်များ

Isaías 53:5

Ojts tsyëtyuty wyintëkoy ko ëëtsajtëm ënäty të nkäjpxykyumëtoownajxëmë, ojts tmë''ëyoy ja ntuuntëko'oyën'ajtëmë; mëët yë'ë ko ojts y'ëyoy jyotëkoy, ënät ojts njotkujktakëmë; mëët ko tsyëtyujty wyintëkooy, ënät ojts ëëtsajtëm ntsok n'akëtakëmë.

Mateo 20:19

tkë'ëyaka'antë ma jaaypyaat jaaypyo'kxyën, mëti'ipë nëjkx nyëxi'iky tyukxi'ikyën, twoptën tka'atstën ets tyajkruutspätën, e kom tëkëëk xëëw tääts ja tëkëëk jyuukpyëka'any.

Isaías 50:6

Ojtsës yë njot nnini'kx nkë'ëyäky ets yajwop yajka'atsëty, ets ka'apës wi'ix n'ënany ko tnëwijxtaaytyë ja n'awaayës. Oy ojts pën xy'ojy xyä'äxyës ets xywyintsujy xyjyëjptsujyës, ka'apës n'akoowtuty.

Lucas 23:16

Tyamës je'eyë ntëytyuna'any ets n'ëxmatsa'anyës ëwaatsëtum.

Lucas 18:33

Yajkoxaanp yajtsiikaanp ets yaj'ooka'anyë ja'ay; je'eyëp ko kom tëkëëk xëëw jyuukpyëka'any.

Lucas 23:23

Wäänëni'ik ja ja'ay yaax'ëtë'ëts jyojk'ëtë'ëtstë janty mëk ets nëëmëtë ja Pilato wä'än ja Jesús kyëruutspety. Ko ni'ik yaxnëtë jyojknëtë ja mayjyä'äy, tääts tpatë mëti'ipë tsyojktëpën.

Mateo 23:34

Paaty miits ntuknikäxa'antë ja Tios ja kyäjpxynyajxpëtëjk, wijyjyä'äytyëjkëty ets yaj'ijxpëjkpëtëjk. E miitsëty myaj'ookantëp jënaakëty ets xyajkruutspäta'antë, tam mëti'ipë nëjkx xykyukox xykyutsiikëtën tsajptëkoty ets nëjkx xypyajëtijta'aktë winnaax win.

Salmos 129:3

Tëës yë njëxk xyajtsëtyujtaayëtë mëët ja näywyop näkya'atsë, ets janty ni'uky ku'ukyës yë njëxk të xy'ëxmajtsëtë jëtu'un kyëxë'knë kam awitsën,

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

Hebreos 11:36

Ojts wiinkpë yajnëxi'ik yajtukxi'iktë ets yajwojp yajka'tstë, wiinkëtypë pujxntejpxy yajtuktsuumtë ets pujxn tëkoty yajpëjktaktë.

2 Corintios 11:24

Mëkoxk okës ja Israel ja'ayëty të xywyop të xykya'atstë, i'px majk mokx majktaxk kë'ëjaty.