Juan 18:33 - Biblia Mixe de Quetzaltepec

³³ Ënät ja Pilato jatëkok tyëjkëy jap këmoontëkoty ets tyaxtsooy ja Jesús ets tyajtëëy: ¿Mijts jëtu'un ja jutiis ja'ayëty ja yajkutujkpë?

Biblia Dc en Mixe de Quetzaltepec

³³ Ënet ja Pilato jatëkok tyëjkëy jap këmoontëkoty ets tyaxtsooy ja Jesús ets tyajtëëy: ¿Mijts jëtu'un ja jutiis ja'ayëty ja yajkutujkpë?

Juan 18:33 ပူးပေါင်းရင်းမြစ်များ

Juan 19:12

Ja Pilato kanaakjëjp ja winma'any tja'ixtaay ets tja'ëxmatsany ja Jesús ëwaatsëtuuy; je'eyëp ko ja jutiis ja'ayëty ni'ikyë ojts tyëkëtë yaxpë jokpë: Ko xy'ëxmatsëty ëwaatsëtum, ka'ap ënäty mijts xymyëku'ukjawë ja yajkutujkpë kopk. Oypyënëty pën nätyijëp yajkutujkpë, nämyëtsip'ajtëp mëët ja yajkutujkpë kopk.

Juan 19:3

Tääts tmëwinkoontë ets t'ënëmaaytyë: Juuky'ajtp ja jutiis ja'ay ja yajkutujkpë. Ets twinkojx tjëjpkojxtë.

Juan 18:37

Ënät ja Pilato y'ëtsoowë: Ko jëtu'un m'ëna'any jëtu'un yajja'akyukë, yajkutujkpë yowë mijts. Ënät ja Jesús y'ëtsooy: Mijts jam m'ënaanp, ëjts yajkutujkpë. Ëjts yë'ëjës të niminy naaxwiiny etsës nimëtya'akëty ja tëyajtën. Ni'ëmukë mëti'ipë tyuk'ijtëtëp ja tëyajtën, myëtoow'ijtëp yë n'aaw n'ayukës.

Juan 12:13

Ënät ja ja'ay tpujxtë ja tëëxy y'ääy ets ojts tjëjpye'eyë'ëktë ayaxp ajojkp: Wintsën miimp, Wintsën miimp, Tios kënu'kxëtëp mëti'ipë miinpën Wintsën xyëëwkëjxm. Tios kënu'kxëtëp yë Israel yajkutujkpë.

Marcos 15:2

Tääts ja Pilato tyajtëëy ja Jesús: ¿Mijts ja jutiis ja'ayëty yajkutujkpë? Tääts ja Jesús y'ëtsooy: Ëjts, ijxtëm mijts m'ëna'anyën.

Mateo 27:11

Tam ënäty ja Jesús twintänë ja yajkutujkpë Poncio Pilato, ko yajtëëwë: ¿Mijts jëtu'un myajkutujkpë ma jutiis ja'ayëtyënë? Tääts ja Jesús y'ëtsooy: Mijts jëtu'un m'ënaanp.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

1 Timoteo 6:13

Ja Tios, mëti'ipë myoopyën ja juukyajtën oy tyimtiijëty jam Jesukristë wyintum, mëti'ipë ojts näjyëtu'un nikäjpxyën jam ma ja Poncio Pilato, mijts yam ntuknipëjkpy

Juan 19:9

Ets tyëjkëkyojnëpë këmoontëkoty ets tyajtëëy ja Jesús: ¿Maa mkukajpnëty? Niwi'ix ja Jesús kya'ëtsooy.

Juan 12:15

Këtii mtsë'ëkëtë, Sión ja'ayëty; ix yë myajkutujkpë myiny yë'ë tyuk'u'unyääpy ëna'k krukts.

Juan 1:49

Ënät ja Natanael y'ënëmaayë: Wintsën, mijts ja Tios m'u'unk'ajtëp, mijts ja Israel ja'ay yajkutujkpë.

Sofonías 3:15

Tëë yë Wintsën tjëpëky ja tëytyu'unën ma mijtsën ets tëë ja mmëtsip tyajjëwa'kta'ay. Yë Wintsën, mëti'ipë jam Israel yajkutujkpën, itkujky yajpaaty ma mijtsën: Mijts ka'ap tii ëxëëkpë xy'ëktsë'kënëty.

Jeremias 23:5

Jëtu'un yë Wintsën y'ënä'äny: Ëjts nyajkutukäämpyës ets tu'uk ja'ay jyää'atëty mëti'ipë yë David y'u'unk'ajtyp y'ok'ajtypyën, mëti'ipë ënä'ämëpën yajkutukëpën mëët ja wijyajtën, mëti'ipë mëtëy winë nyipaye'eyëpyën ets tëy tyu'uye'eyëty ma naax kajpnën.

Mateo 27:27

Ënät ja tsiptuunpëtëjkëty mëti'ipë myëtuuntëpën ja Poncio Pilato ojts tmënëjkxtë ja Jesús ma ja këmoontëjkën ets jam nyäwyoowmujktaayëtë,

Lucas 23:2

Jamts tni'ë'ënëtyë ets y'ënantë: Tëës ya'atë ja'ay nkupaatëtë ko t'akajpxë ja naax kajpn. Jëtu'un y'ënä'äny ets ka'ap yajmo'ojëty ja këpäjtën ja yajkutujkpë kopk César ets nän ënaanp ko yë'ëty Kristë, yajkutujkpë.

Juan 18:34

Tä ja Jesús y'ëtsooy: ¿Mkë'ëmwinma'any jëtu'un myaj'ënanëp, ëkë jää pën të mnë'ëmxëty koos n'ëjtsëtyë?

Juan 18:38

Ets ja Pilato y'ënëmaayë: ¿Tii tëy'ajtën'ajtp? Ko ja Pilato jëtu'un y'ënaantaay ënät pyëtsiimy jatëkok ets ojts tmëkäjpxy ja jutiis ja'ayëty: Ka'apës tii poky npaaty ma tääpë ja'ayën.

Juan 19:4

Tääts ja Pilato jatëkok pyëtsiimy ets y'ënëmaayëtë: Ixtë, tëëjës nyajpëtsëmy ets xynyijawëtëty ko ka'apës tii pyoky npatë.