Juan 18:12 - Biblia Mixe de Quetzaltepec

¹² Ënät ja tsiptuunpëtëjkëty, wintsëntëjkëty ets mëti'ipë jap tuuntëpën ma tsajptëjkën tmajtstë ja Jesús ets tkë'ëtsuumtë.

Biblia Dc en Mixe de Quetzaltepec

¹² Ënet ja tsiptuunpëtëjkëty, wintsëntëjkëty ets mëti'ipë jap tuuntëpën ma tsajptëjkën tmajtstë ja Jesús ets tkë'ëtsuumtë.

Juan 18:12 ပူးပေါင်းရင်းမြစ်များ

Génesis 22:9

Ko ojts jya'të jam ma ja itjotmën ma ënäty ja Tios të tyuk'ënë'ëmxëtyën. Ënät ojts ja Abraham tnipëjktaakë ja wintsë'këntyakn ets ojts ja jyä'äxy yajxon tmä'kxy. Tä t'atsuumy tkë'ëtsuumy ja y'u'unk Isaac ets ojts jam tpëjktä'äky ma ënäty ja wintsë'këntyakn të tni''ixën.

Génesis 40:3

Paaty nimäjtsk yajtsuumtë, ma näjyëtu'un ja José ënäty tsumy y'ityën.

Salmos 118:27

Yë Wintsën yë'ë Tios'ajtp; yë'ë xykyutë'kx xykyujajëm. Wä'än tso'ontä'äky ja xëëw, mënëjkxtë ja aay xye'enty kepyxye'enty, jam pëjkta'aktë ma ja wintsë'këntyakn ja wyajën.

Mateo 26:57

Mëti'ipë ënäty ja Jesús të tmatstën, jam ojts twoownëjkxtë ma Caifás yë tyëjkën, ja teety wintsën; tëë ënäty jam tyu'ukmujkta'atë ja ijxpëkyjyä'äytyëjkëty mëti'ipë ja ënä'ämën tëyajtën nyija'awëtëpën ets ja mëjja'aytyëjkëty.

Mateo 27:2

Tääts tyajnëjkxtë kë'ëtsumy ma ja yajkutujkpën Pilatë. Jamts tkë'ëyajktë.

Mateo 27:27

Ënät ja tsiptuunpëtëjkëty mëti'ipë myëtuuntëpën ja Poncio Pilato ojts tmënëjkxtë ja Jesús ma ja këmoontëjkën ets jam nyäwyoowmujktaayëtë,

Marcos 14:53

Tääts ja Jesús ojts tmënëjkxtë ma tu'uk ja teety wintsënën. Jamts ja teety wintsëntëjk nyiye'eypyäjtë mëët ja mëjja'aytyëjk ets ja tsajptëkotyëtë yaj'ijxpëjkpëtëjk.

Marcos 15:1

Ko xyiinytyäky, ënät ja teety wintsëntëjk nyiye'eypyäjtë mëët ja mëjja'aytyëjkëty, ja tsajptëkotyëtë yaj'ijxpëjkpëtëjk ets ni'ëmukë ja tsajptëkotyëtë yajuntë'ajtpë. Ënät ja Jesús ojts tyajnëjkxtë kë'ëtsumy ma ja Pilato. Jamts tkë'ëyajktë.

Lucas 22:54

Ënät tmajtstë ja Jesús ets tyajnëjkxtë ma ja teety wintsën ja tyëjkën. Tääts ja Pedro ojts tpatsoony, jëkäm tpaye'ey.

Juan 18:3

Ënät ja Judas twoowja'ajty ja tsiptuunpëtëjk, mëjtsajptëkotyëtë këwent'ajtpëtëjk ets ja teety wintsëntëjk, yë'ë ja fariseë ja'ayëty käjxëtëp. Jëtu'un jyajtë mëët ja kyutë'kxnëty, pujxn ets kepy.

Hechos 10:1

Jam ma Cesarea kajpnën, jam ijty tu'uk ja ja'ay tsyëënë; Cornelio xyëëwajtyp, tsiptuunpë wintsën ijty tyuunk'ajtyp ma ja soldadëtëjkëtën mëti'ipë yajtijtëpën Italiano.

Hechos 21:31

Tyimyaj'ookantëp ënäty ko ja mëj tsiptuunpë wintsën, mëti'ipë nyiwintsën'ajtypyën nitu'kmil ja tsiptuunpë, tnija'awëy ko ja Jerusalén ja'ayëty tëë tnipëtë'ëktë ja Pablo.

Hechos 21:37

Ko ënäty ja Pablo jap tyajtëkëja'antë ma ja tsiptuunpë y'itën, tääts ja Pablo tyajtëëy ja mëj tsiptuunpë wintsën: ¿Mëpaat mijts wäänë nmëkäjpxyë? Tääts ja wintsën y'ëtsooy: ¿Tii, mkäjpxyp yë griego ayukë?

Hechos 23:10

Tääts ko ni'ikyë tyëjkëtyë yaxpë jojkpë, ënät ja mëj tsiptuunpë wintsën ojts tsyë'ëkë ko tsojk yowë ja Pablo yajtuknukëty. Ënät ja tsyiptuumpë tkejxy ets ja Pablo yajwijtspëtsëmëty jap mayjä'äyjoty ma ya'axtën jyoktën ets ojts twoownëjkxy jëkäm ma ja tsiptuunpë y'itën.

Jueces 16:21

Jëtu'un'äämpy ja filistejë ja'ayëty ojts tmatstë ja Sansón ets ja wyiin ojts tju'tëtë. Tääts jam ojts tyajnëjkxtë Gaza; ko jam tmëja'ajtë yë'ë ojts tuktsumtë yë pujxn'aats, yë'ë tyuktij'ëwtijtëp tu'uk ja mëjtsaa mëti'ipë ja tsajpmok tyukmäätëpën.