Juan 17:26 - Biblia Mixe de Quetzaltepec

²⁶ Tëës ntuk'ëwaanëtë mpën mijts ets njaaktuk'ëwanëjantëpës, ets ja tsojkën ja'awën tmëët'atëty mëti'ipës mijts të xymye'eyën ets nyajpaatëtyës ma yë'ëjëtyën.

Biblia Dc en Mixe de Quetzaltepec

²⁶ Tëës ntuk'ëwaanëtë mpën mijts ets njaaktuk'ëwanëjantëpës, ets ja tsojkën ja'awën tmëët'atëty mëti'ipës mijts të xymye'eyën ets nyajpaatëtyës ma yë'ëjëtyën.

Juan 17:26 ပူးပေါင်းရင်းမြစ်များ

Salmos 22:22

Nimëtya'akäämpy mijts maas yë nmëkä'äxtëjkën, ets nkuuy'ëwäämpy ma ënäty jam të nyämyukëtën.

Juan 14:20

Jä'ä xëëw miits xynyijawëtëty koos n'ity tu'ukyë mëët ja nTeetyës, ets miits tu'ukyë m'itë mëët ëjts, ets ëjts tu'ukyës n'ity mëët miitsëty.

Juan 14:23

Tä ja Jesús y'ëtsoowë: Pën xytsyojkpës, myëjpëjktäkpy ja n'aaw n'ayukës; ets tsokanëp ja nTeetyës, ets nTeetyës mëët nmina'anyës etsës nyajpaata'antë mëët yë'ë.

Juan 15:15

Ka'ap miits n'ëktijnëtëty tuunpë, jä'ä ko ja tuunpë ka'ap nijawë tii ja wyintsën tyuunpyën. Mëku'uk miits ntijtë, jä'ä ko tëë ntuk'ëwa'anëtya'atë wi'ixës ja nTeety të xynyëëmën.

Juan 15:4

Itë tu'ukyë mëët ëjts etsës n'itëty tu'ukyë mëët miitsëty. Tu'kxe'entypë kepy ka'ap tjëkyepy ets tyëëm'atëty ko kya'itëty tu'ukyë mëët ja myëjkepy; näjyëtu'un miitsëty ka'ap tjëkyepy mtëënmpätëty pën ka'ap tu'ukyë myajpaatë mëët ëjts.

Juan 15:9

Jëtu'un miits ntsoktë ijxtëmës ja Tios Teety të xytsyokyën. Itë jam xëmë ma ja tsojkën ja'awënën mëti'ipë të nmo'otën.

Juan 17:23

Jamës nyajpaatëty tu'ukyë ma yë'ëjëtyën ets mijts myajpaatëty tu'ukyë ma ëëtsëtyën, jëtu'un ja naaxwiinyëtë ja'ay nijawëtëty ko mijts të xykyexyës ets ko xytsyoky xyjyawë ijxtëmës mijts xytsyokyën.

Juan 17:6

Ja ja'ayëty mëti'ipë mijts të xywin'ixyën naaxwiiny, mëti'ipës të xymye'eyën, tëëjës ntuk'ëwaanëtë mpën mijts. Mijts ijty mjä'ä'ajtyp ets tëë mijts xymyo'oyës ets tëë ja m'aaw m'ayuk tpatuntë.

Juan 17:8

Tëës ntuk'ëwaanëtë ja ayuk mëti'ipës mijts të xymye'eyën ets tëë tkupëktë. Tëë tnijawëtë ko tëy jëtu'un ko jamës ntsoony ma mijtsën ets tëë tmëpëktë ko mijts të xykyexyës.

Juan 6:56

Pën tsyu'tsyp ja nini'kxës ets y'ukpy ja ne'pnyës, tu'ukyë jyuuky'äty mëët ëjts ets tu'ukyës njuuky'äty mëët yë'ë.

Juan 8:50

Ka'apës yë'ëjëty n'ixta'ay wi'ixës yë ja'ay xymyëjjawëtyën; tää mëti'ipë jëtu'unpë y'ixtääpyën ets yi'iyë y'ijxyp tyuunpy tii oy yajtuunp kayajtuump.

Romanos 8:10

Pën yajpatp ja Kristë ma miitsëtyën, tam xymyëët'atë ja juukpyë ja kënu'kxymyëk'ajtën, jä'äkyëjxm ko m'itë jotkujk mëët ja Tios, oy ja jot nini'kx të jyayajpëjktä'äky o'kp mëët ko jyääjëty ja poky.

1 Corintios 1:30

Tios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Tios mëët oy nwë'ëmëm, jëtu'unts ja Tios xyjyä'äy'ajtmëty ets najtspëkë n'ijtmëty.

1 Corintios 12:12

Kanaakpëky winë tmëëtëty ja ni'kx kopk, tam ja kë'ë teky ets tam ja wiinkëtypë; je'eyëp ko tu'ukyë yë ni'kx kopk. Tim näjyëtu'un ja Kristë mëët ja jyä'äy.

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Tios ja y'U'unk, mëti'ipës të xytsyokyën etsës të xykyu'oo'kë.

Efesios 1:6

Paaty xëmë ja Tios nmëjja'aw njaantyja'awëmë jä'äkyëjxm ko ja mëjmëyajtën të xynyamo'oyëmë mëët ja y'u'unk, mëti'ipë ni'ik tsyojkpyën.

Efesios 3:17

wä'än ja Kristë t'ity ma miitsëtyën ko të xymyëpëktë, ets ja tsojkën ja'awën yajpaatëty xëmë ma miitsëtyën.

Efesios 5:30

jä'ä ko tu'ukyë nyajpatëmë mëët ja Kristë ijxtëm jeexyë tu'ukyë ja ni'kx kopkën.

Efesios 5:32

Yë ya'atë mëti'ipë ijty ka'ap yajnijawën, yë'ë ja Kristë ntijpyës mëët ja mëpëjkpëtëjk.

Colosenses 1:27

Jëtu'unts yë'ë të tuknijawë mëti'ipë ka'ap jyutiis ja'ay'atën ets tnijawëtëty ja mëj'ajtën jaanty'ajtën mëti'ipë ijty ka'ap yajnijawën. Ja yu'utsypë ijty y'ityën yë'ë ja Kristë, mëti'ipë tyam yajpatpën ma miitsëtyën, mëti'ipë mjëjp'ijxtëpën ets mtukpaatëtëty ja mëj'ajtën jaanty'ajtën.

Colosenses 2:10

ets yë'ë ko tu'ukyë m'itë mëët ja Kristë, jam ja Tios y'ity ma miitsëtyën. Ja Kristë nyikëpajk'ajtääpy tu'kë'ëyë mëti'ipë myëët'ajtëp ja mëk'ajtën ets ja kutujkën.

Colosenses 3:11

Ka'ap yë'ë kyopkpëkyëty pën griegë ja'ay ets jutiis ja'ay, pën tsuky ets pën katsukyën, wä'än tpën ja'ayëty tiija'ayëty, wä'än yë'ëjëty mëti'ipë ka'ap kyajpxwijyëtyën, ëkë mëtuunpë nitookpyë ëkë wä'än t'ëwaatsëtumpëty. Yë'ë kopkpëky ko ja'ay y'ity mëët ja Kristë mëti'ipë tu'kë'ëyë winë myëët'ajtääpyën.

2 Tesalonicenses 2:16

Ja Wintsën Jesukristë ets Tios, mëti'ipë nteety'ajtëmën, yë'ë të xytsyojkëm ets jotkujk'ajtën të xymyo'oyëmë xëmëkyëjxm; tsojk nkukajpxëm nja'awëkyëtakëmë ko y'oywyinma'any të tyajkëxë'ëky,

Hebreos 2:12

Ijxtëm y'ënä'änyën ja Tios ja y'aaw y'ayuk këxja'aypyë myinyën: Mijts nnikajpxäämpy nimëtya'akäämpy maas ja nmëku'uktëjkën, jëtu'un nmëjjawëja'any njaantyjyawëja'any koos n'ëwëty ma ja mëpëjkpëtëjk ye'eymyuktën.

1 Juan 3:24

Pën ja y'ënä'ämën pyatuunëp, yë'ë ënäty ja Tios mëët tu'ukyë y'ity. Ja Kënu'kxymyëkajtën mëti'ipë të xymyo'oyëmën, yë'ë xytyuknija'awëm ko yë'ë mëët tu'ukyë nyajpatëmë.