Juan 17:24 - Biblia Mixe de Quetzaltepec

²⁴ Tios Teety, mijtsës të xymyo'oy, ntsojkpyës ets jam yajpaatëty maas n'ita'anyën ets t'ixtëty ja mëj'ajt oyajtën mëti'ipës mijts të xymye'eyën, jä'ä ko mijtsës të xytsyoky naamka'anëm ënäty ja naaxwiinyëtë kyojynyëm.

Biblia Dc en Mixe de Quetzaltepec

²⁴ Dios Teety, mijtsës të xymyo'oy, ntsojkpyës ets jam yajpaatëty maas n'ita'anyën ets t'ixtëty ja mëj'ajt oyajtën mëti'ipës mijts të xymye'eyën, jä'ä ko mijtsës të xytsyoky naamka'anëm ënety ja naaxwiinyëtë kyojynyëm.

Juan 17:24 ပူးပေါင်းရင်းမြစ်များ

Génesis 45:13

Tukmëmëtya'aktës yë nteety, wi'ix yë ënä'ämën kutujkën tyam nmëët'atyësën yaa Egiptë ets jënu'un miitsëty tyam winë xy'ixtën. Nëjkxtë poj'am ets yajmiinëtëkës yë nteety.

Mateo 25:21

Tääts ja wyintsën y'ënëmaayë: Oy jëtu'un, oy ets tëy tëtä'äky winë të xytyuny të xykyäjpxy. Jä'ä ko oy tii yiin wään të myajtukë'ëtëkë, tëë oy mtuny mkäjpxy, jyëkyejpy winë mëjpë këjääpë myajtukmë'ëxmatsëty. Tëkë ma ja xoontakën yajpaatyën ets mjuuky'atëty akujk jotkujk mëët ëjts.

Mateo 25:23

Oy jëtu'un, oy ets tëy tëtä'äky winë të xytyuny të xykyäjpxy. Jä'ä ko oy tii yiin wään të myajtukë'ëtëkë, tëë oy mtuny mkäjpxy, jyëkyejpy winë mëjpë këjääpë myajtukmë'ëxmatsëty. Tëkë ma ja xoontakën yajpaatyën ets mjuuky'atëty akujk jotkujk mëët ëjts.

Mateo 25:34

Ets ja yajkutujkpë t'ënëëmëja'any ja mëti'ipë y'a'oytsyowën: Mintë miitsëty, mëti'ipë ja Tios Teety të kyënu'kxëtën. Ëxajëtë ja kutujktakn mëti'ipë miitsëty të myajtuknipëjktaakëtën ko ojts ja Tios tyajkojy ja naaxwiinyëtë.

Mateo 26:29

Tëy miits n'ënëëmëtë ko ka'apës ya'atë tsatym nyëë n'ëk'uukanë, jäänëm ko ënäty n'ukëmë ja jemypyë ja tsatsym nyëë ma ja nteetyës ja kyutujktaknën.

Lucas 12:37

Akujk jotkujk yajpaatë ja tuunpëtëjk mëti'ipë wijy kejy yajpatëpën ko ja wyintsën jyä'ty. Tëy miits nëëmëtë ko kë'ëm ja wintsën nëëmëja'any ja tyuunpëtëjk ets nyaaxwäätstëty ma kaaytyaknën ets ja wintsën kë'ëm ja ka'ayën ukën t'apëkëja'any.

Lucas 23:43

Tääts ja Jesús y'ëtsooy: Tëy mijts n'ënëëmë ko tyämyë mëët ëjts myajpaata'any ma ja Tios ja y'ijtaknën.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Tios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Juan 12:26

Pën jääjës pën xymyëtun'any, wä'änës xypyaminy; ets pën maas ënäty nyajpaaty, jam näjyëtu'un yajpaata'any mëti'ipës ënäty xymyëtuunpën. Pën jää pën xymyëtuna'anyës, yajmëjnaxanëp ja nTeetyës.

Juan 14:3

Ets koos nnëjkxëty ets nipëjktaakëja'anyës miits ja m'ijtaknëty, minaanpës jatëkok ets nyajtsoona'antë, jëtu'un miits nän jap myajpaatëty ma ëjtsën.

Juan 15:9

Jëtu'un miits ntsoktë ijxtëmës ja Tios Teety të xytsyokyën. Itë jam xëmë ma ja tsojkën ja'awënën mëti'ipë të nmo'otën.

Juan 17:2

Jä'ä ko mijts të xymyo'oy ja kutujkën ma tëkokyë naaxwiinyëtë ja'ayëtyën, ets tmo'oja'any ja juukyajtën tëkokyë mëti'ipë të xymye'eyën.

Juan 17:22

Tëës nmo'otë ja mëj'ajt oyajtën mëti'ipës mijts të xymye'eyën, jëtu'un tu'ukyë y'itëty, jëtu'un ijxtëm ëëtsajtëmën tu'ukyë nyajpatëmën.

Juan 17:5

Mooykyës tyam mwiintuuy ja mëj'ajt oyajtën mëti'ipës ijty nmëët'ajtypyën ma ka'anëm ja naaxwiinyëtë tsyo'ontä'äkynyëm.

Juan 6:37

Tu'kë'ëyë mëti'ipës ja nteety të xymye'eyën, ëjts xynyimiinp; ets pën xynyimiinpës, nijëna'ajës nka'ixkäxëty.

Juan 6:39

Ets ja tsyojkën mëti'ipës të xykexyën, yë'ë etsës nitu'uk nkayajtëkoyëty mëti'ipës të xymye'eyën, etsës nyajjuukpyëkëty jä'ä xëëw ko ënäty ja ja'ay yajpaye'eytyë.

Juan 8:58

Ets ja Jesús tyaa y'ëtsoowëtë: Tëy miits nëëmëtë, naamka'anëm ja Abraham ënäty myëxu'unk'atynyëm, koos ëjts njääjëty.

1 Corintios 13:12

Näyjyëtu'un tyam ja Tios ja jyä'ä ka'ap wa'ats nnija'awëmë, jëtu'un n'ijxëmë ijxtëm ijxnjoty tii yajku'ixën ka'ap wa'ats yaj'ixy, jäänëm nëjkx n'ijxëm nnija'awëm ni'ëmukë ko ënäty ja tiempo tpaaty. Ka'ap tyam ja n'ijxpeky'ajtënës kyä'pxyëty, je'eyëp ko nnija'awëtya'ajäämpyës winë ok, jëtu'un ijxtëm ja Tios të nijawën koos njääjëty.

2 Corintios 3:18

Paaty ëëtsajtëm, ni'ëmukë, ka'ap n'ëkwinkujuuxë'ajtënë, jëtu'un nyajpatëmë tä tu'uk yë ijxnën ma yaj'ixyën ja Wintsën ja myëj'ajt jyääntyajtën, ni'ikyë n'awinpijt'ëtëtsëmë ijxtëm ja Wintsën y'ixëtyën. Jä'ä ko winjëpom npatëm ja Wintsën ja myëj'ajt y'oyajtën, e paaty jyëtu'unëty jä'ä ko Wintsën tyuny mëët ja Kyënu'kxymyëk'ajtën.

2 Corintios 4:6

Jä'ä ko nän Tios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Tios ja myëj'ajt jyääntyajtën mëti'ipë ja Kristë myëët'ajtypyën.

2 Corintios 5:8

Jëtu'un ëëtsajtëm ntukjoot'amëj'ajtëmë ets njatsojkëm ets jeexyë ja ni'kx'ajt nkopk'ajtëm n'ëxmajtsënë ets nnëjkxmëty juuky'ajtpë ma ja Wintsënën.

Filipenses 1:23

Aak oy mäjtskpëky, ¿mëti'ipës tëy nwin'ijxnëp? Tu'kpëky, njatsojkpyës etsës jeexyë n'o'knë ets mëët ja Kristë nëjkx nyajpaatyës, yë'ëjës oy nja'ap.

1 Tesalonicenses 4:17

ets jënu'un ënäty njaakjuuky'ajtëmën, tu'kmukyë nëjkx nyajmënëjkxëmë pojjoty yootsjoty ets nëjkx mëët nnäpyatëmë ja Wintsën, jëtu'unts xëmëkyëjxm n'ijtmëty mëët Yë'ë.

1 Pedro 1:21

Mëët yë'ë ko yë Kristë të xymyëpëktë paaty ja Tios näjyëtu'un xymyëpëktë, mëti'ipë të tyajjuukpyikyën ja Kristë jatëkok ets të tmëjjaw të tjaantyjyawë, jëtu'unts të xypyëjkta'aktë ja mjot mwinma'anyëty ma Tiosën ets xy'a'ix xyjyëjp'ixtë.

1 Juan 3:2

Mëku'uktëjkëty ninu'un miits ntsoktën njawëtën, Tios ëëts tyam xy'u'unk'ajtënëp. Oy nkanija'awëmë wi'ix ok nyajpaata'anëmën, tëë nnija'awëm ko ja Jesukristë myina'any jatëkok jëtu'un nëjkx n'awinpijtëmë tä yë'ëjën; jä'ä ko nëjkxëp n'ijxëmë wi'ix y'ixëtyën.

Apocalipsis 21:22

Ni ma kajpn jëtu'un të nka'ixyës ja tsajptëjk ma Tios yajwintsë'ëkën, jä'ä ko ja Tios mëti'ipë maaytyääyëpën winë ets ja mëti'ipë yajtijpën Kupixyny U'unk, yajwintsë'këtëp jä'ä oymyaajëty.

Apocalipsis 3:21

Pën mëtakp, yë'ëjës nmo'ojäämpy ja tëyajtën ets xymyëët'u'unyëtyës maas ja nkutujktaknën, ijxtëmës ëjts të nmëtä'äkyën ets të naaxweetyës maajës ja nTeety ja kyutujktaknën.