Juan 17:17 - Biblia Mixe de Quetzaltepec

¹⁷ Kënu'kx mëët ja tëyajtën ets mijts xytyuk'oy'atëty; jä'ä ko yë m'aaw m'ayuk tëy'ajtën'ajtën yë'ë.

Biblia Dc en Mixe de Quetzaltepec

¹⁷ Kënu'kx mëët ja tëyajtën ets mijts xytyuk'oy'atëty; jä'ä ko yë m'aaw m'ayuk tëy'ajtën'ajtën yë'ë.

Juan 17:17 ပူးပေါင်းရင်းမြစ်များ

2 Samuel 7:28

Ko mijts Wintsën, mëti'ipë Tios'ajtpën ets mëti'ipë ja y'aaw y'ayuk mëtëyën ets maas të xytyukwinwanën ja oyajtën;

Salmos 119:104

Ma m'ënä'ämën mtëyajtën të nyajpëtsëmyës yë ijxkujk ja'aykyujkën, paaty n'ëxëëk'ixyës ja ëxëëktu'un ëxëëk kajpxën.

Salmos 119:11

Tyapës pëjkë'ëk nyaj'ity yë m'aaw m'ayuk maas yë njot nwinma'anyën; këtiipë jëna'a nmëtuuntëkoyëty.

Salmos 119:144

Yë m'ënä'ämën mtëyajtën aak'oy winë tuny, mooykyës yë wijyajtën kujk'ajtën etsës njuuky'atëty.

Salmos 119:160

Ma ja m'aaw m'ayukën yajpata'ay ja tëyajtën. Winë xëëw winë jëmëjt y'ity tu'kë'ëyë m'ënä'ämën mtëyajtën, mëti'ipë mëtëyën ets wa'atsën.

Salmos 119:9

¿Wi'ix tu'uk yë yujkyeeky ëna'k oy tsuj y'ëkjuuky'atëty? Ko jyuuky'atëty ijxtëm yë m'aaw m'ayuk tnikäjpxyën.

Salmos 12:6

Mëti'ipë yë Wintsën wyinwa'anëpën wa'ats yë'ë; jëtu'un yë tyi'kxy tä yë poop pujxnën ni'ik wa'atspë mëti'ipë të wyintooywyä'ätsyën wëxtujk'ok jëënjoty.

Lucas 8:11

Yë ya'atë ijxpäjtën jä'ä nyiwijy: Jëtu'un yë tëëmt ijxtëm ja Tios ja y'aaw y'ayukën.

Lucas 8:15

Ja tëëmt mëti'ipë ojts kyä'äyën jë'kxynyaaxjoty, jëtu'un yë'ë ijxtëm ja ja'ayën mëti'ipë ja Tios ja y'aaw y'ayuk y'amëtoow'ijtëpën ëmuumtu'ukjot ets tpatuntë, jëtu'unts ja jyuukyajtën tyajtu'uye'eytyë ijxtëm ja Tios tyukmëtsokëtën.

Juan 15:3

Miitsëty tëë mwa'atstë mëët ja aaw ayuk mëti'ipë të ntuk'ëwaanëtën.

Juan 17:19

Yë'ë koos yë'ëjëty nmëmay nmëtajtë paatyës kë'ëm nnäkyënu'kxyë, ets näjyëtu'un yë'ëjëty yajkënu'kxtëty mëët ja tëyajtën.

Juan 8:32

ets xynyijawëtëty ja tëypyë jaantypë ets ëwaatsëtum myajpaatëty.

Juan 8:40

Oy miitsëty tëë njatuk'ëwaanëtë ja mëtëypyë mëti'ipës ja Tios të xytyukmëtoyën, xyaj'ookantëpës miitsëty. Abraham kä'äp ojts jëtu'un y'ëti'itsy.

Hechos 15:9

Tios y'aak oyjya'ap yë ja'ay, wä'än tpënëty, jä'äkyëjxm ko tëë ja pyoky yajknimä'kxtë ko të myëpëktë.

2 Corintios 3:18

Paaty ëëtsajtëm, ni'ëmukë, ka'ap n'ëkwinkujuuxë'ajtënë, jëtu'un nyajpatëmë tä tu'uk yë ijxnën ma yaj'ixyën ja Wintsën ja myëj'ajt jyääntyajtën, ni'ikyë n'awinpijt'ëtëtsëmë ijxtëm ja Wintsën y'ixëtyën. Jä'ä ko winjëpom npatëm ja Wintsën ja myëj'ajt y'oyajtën, e paaty jyëtu'unëty jä'ä ko Wintsën tyuny mëët ja Kyënu'kxymyëk'ajtën.

Efesios 4:21

miits tëë xymyëtowtë wi'ix ja Kristë yajnimëtyä'äkyën ets tëë xyjyatë wi'ix miitsëty mjuuky'atëtyën ijxtëm yë'ë jyuuky'äjtyën, ijxtëm ja Jesús tyiy'ajtënën.

Efesios 5:26

Paaty jëtu'un tuuny ets ja mëpëjkpëtëjk y'itëty oy ets wa'ats mëët ja aaw ayuk,

2 Tesalonicenses 2:13

E ëëtsëty xëmës nkukajpxëtë ja Tios mëët miitskyëjxmëty, jëëky mëku'ukëty mëti'ipë Tios tsojkëtëpën; jä'ä ko yë'ë të mwin'ixëtë ets jëyëjp xypaatëty ja nitsokën mëët ja Kyënu'kxymyëk'ajtën, mëti'ipë mëtëyën ets mëti'ipë të myajpokywya'atsëtën ko të xymyëpëktë.

Santiago 1:21

Ixmajtsta'atë ja ëxëëk winma'any ets ja ëxëëkajtën mëti'ipë tëë nyipäjnën. Ëxajëtë wintsë'kën mëët ja aaw ayuk mëti'ipë të yajpëjktä'äkyën ma ja mjot mwinma'anyëtyën. Ya'atë aaw ayuk myëët'ajtyp ja mëk'ajtën ets xyajnitsokmëty.