Juan 17:15 - Biblia Mixe de Quetzaltepec

¹⁵ Ka'apës n'amëtoy ets xyajpëtsëmëty yaa naaxwiiny, yë'ëjës n'amëtoopy ets xy'akëëytyuk xy'axajtukëty ma ja ka'oypyën.

Biblia Dc en Mixe de Quetzaltepec

¹⁵ Ka'apës n'amëtoy ets xyajpëtsëmëty yaa naaxwiiny, yë'ëjës n'amëtoopy ets xy'akëëytyuk xy'axajtukëty ma ja ka'oypyën.

Juan 17:15 ပူးပေါင်းရင်းမြစ်များ

Génesis 48:16

Yë Tios yë tsyajpjotmëtë kukäjpxy mëti'ipës xyaj'ëwaatsëpëtsëëmpën ma ëxëëkpë jëpyëkpën. Yë'ë kyënu'kxëp jyëkyäpëp ya'atë ëna'këty. Mëët yë'ëkyëjxmëty ja'amyetsy xëmë yë nxëëwës y'itëty ets xyëëw yë nteetyës n'apës Abraham ets Isaac. Myëët'atëp nimay yë y'u'unk y'ëna'këty, ets jëtu'un nimay y'itëty tsyëënëtëty yaa naaxwiiny.

1 Crónicas 4:10

Jabés myëpëjktsoow yë Tios, mëti'ipë y'ëwtajtëpën yë Israel ja'ayëty, jëtu'un t'ënëmaay: Tyam n'amëtoy npëjktsoy yë mkënu'kxën ets xymyo'ojëtyës mëj këjää naax kam ets xypyutëk xypyupätëtyës ets xyjyëpëkëty ma ëjtsën tëkokyë ëxëëkpë këtiipës n'ëyowëty. Tios ojts jyänty myo'oyë mëti'ipë y'amëtoow pyëjktsoowën.

Salmos 121:7

Yë Wintsën yë'ë mkuwanëp oy tyimmaajëty ma muum kyutsë'ëkëtyën; yë'ë näjyëtu'un y'ijx'ijtyp kyëwent'ajtyp yë mjuukyajtën;

Salmos 30:9

koos n'ookëty tii mnapaat mna'ixëp, koos ënäty nyajmënëjkxnë jutjoty? Yë naaxway ka'ap tjëkyepy mtukxoonta'akëtëty, ni yë'ë mëpaat tkanikäjpxy wi'ix tii oy xytyunyën.

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

Isaías 57:1

Yë oyjyä'äytyëjkëty ko y'ooktë, ni pën kyamëmay kyamëtajyë; Yë oyjyä'äytyëjkëty jëtu'unyë yaj'ijxtëkoytyë, ka'ap pën tja'akyukë ko y'ooktë ëwaatsëtuuy'ajtën pyatëp,

Mateo 5:37

Tëy winë xykyajpxëty: Oy'atëp ëkë ka'ap y'oy'atëty; jä'ä ko ka'ap y'oyëty ko pën tëkatsy tii tuny.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Lucas 11:4

Nimä'kxtëkës ja npoky nkëtyey, jä'ä ko tëëjës nimä'kxtë mëti'ipës xymyëtëkooytyëpën. Ka'apës mëpaat ja ëxëëkpë xymyëmëta'aktë.

Lucas 22:32

je'eyëp ko tëëjës ja Tios nmënu'kxtä'äky ets ja mmëpëjkën ka'ap tyëkoy'atëty ets ko mjootwinpitëty mëët ëjts, jotmëkwinkajpxë ja mjëëky mmëku'uk.

Gálatas 1:4

Mëti'ipë të tku'ookën ja npoky'ajtëmë, ijxtëm ja Tios tsokyën ets n'ëwaatsëpëtsë'ëmëty ma tyampë tiempën ëxëëkpë tsaatsypyën.

2 Tesalonicenses 3:3

E yë Wintsën kyuuytyuunpy ja y'ayuk, yë'ë yajkëjääjëjäämpy ja mmëpëjkënëty ets m'akëëytyuk m'axajtukëtëty këtiipë mka'atëty ëxëëktum.

2 Timoteo 4:8

Ets tyam, ja oyajtënës xy'owëxijtp mëti'ipës xypyatpën, mëti'ipë ja Wintsën, mëtëypyë pyaye'eyën xymyo'ojaanpës jä'ä xëëw. Ets ka'ap y'ëjtsëty je'eyë nätyu'uk, näjyëtu'un yajmo'oja'antë ni'ëmukë mëti'ipë tsyojktëpën ets myinëty mëët ja mëj'ajt oyajtën.

1 Juan 5:18

Nnija'awëm pën ja Tios tyeety'äjtypyën, ka'ap ja pyokytyuny, jä'ä ko Tios U'unk këwent'ajtëp ets ka'ap ja ëxëëkpë pyäätyë.

1 Juan 5:19

Nnija'awëm ko ëëtsajtëm Tios xyjyä'ä''ajtëm, tu'kë'ëyë ja naaxwiinyëtë atsojkën ku'oypyë jä'ä'ajtëp.