Juan 16:17 - Biblia Mixe de Quetzaltepec

¹⁷ Ënät jënaakën ja y'ijxpëjkpëtëjk xim yam nyäyajtëëwëtë: ¿Tiijën jyatijäämpy ko jëtu'un y'ëna'änny? Ko y'ënä'äny ko wäänë y'ita'any ma ka'ap n'ijxmëtyën ets ko jatëkok y'ënaankojnëpë ko nän wäänë y'itëty ets n'ijxmëty ets yë'ëkyëjxm ko nyijkx ma Tios Teetyën.

Biblia Dc en Mixe de Quetzaltepec

¹⁷ Ënet jënaakën ja y'ijxpëjkpëtëjk xim yam nyäyajtëëwëtë: ¿Tiijën jyatijäämpy ko jëtu'un y'ëna'änny? Ko y'ënä'äny ko wäänë y'ita'any ma ka'ap n'ijxmëtyën ets ko jatëkok y'ënaankojnëpë ko nän wäänë y'itëty ets n'ijxmëty ets yë'ëkyëjxm ko nyijkx ma Dios Teetyën.

Juan 16:17 ပူးပေါင်းရင်းမြစ်များ

Juan 16:16

Tim jawäänë maajës miits ka'ap xy'ëk'ijxnëtëty, je'eyëp ko nän wäänë y'itëty täätsës jatëkok xy'ixtëty.

Juan 16:5

E tyam nnëjkxyës ets mëët nyajpaata'anyës mëti'ipës të xykyexyën ets nitu'uk miits xykyayajtëwtë pën maas nnëjkxy.

Marcos 9:32

Ka'ap ja y'ijxpëjkpëtëjk tja'akyujkëtyë ko jëtu'un yaj'ënëëmëtë ets tsë'këtëp ko tyajtëwtëty.

Juan 16:19

Ënät ja Jesús nija'awëy ko ja y'ijxpëjkpëtëjkëty tam mëti'ipë tjayajtëwantëpën winë, paaty t'ënëmaay: Tëë miits nëëmëtë ko wäänë jyaak ita'any maajës ka'ap xy'ëk'ijxnëtëty ets nän wäänë y'itëty tääts jatëkok xy'ixtëtyës. ¿Ya'atë miits ka'ap xyjyä'äkyukëtë?

Juan 14:5

Ënät ja Tomás t'ënëmaay ja Jesús: Wintsën, ka'apës nijawëtë maa mijts mnëjkxy, ¿Wi'ixës nnijawëty ja tu'u?

Juan 12:16

Më''ëka'any, kä'äp ojts ja y'ijxpëjkpëtëjk tja'akyyukëtë; oknëm tja'akyyukëtë ko ja Jesús yajmëjja'aw yajjaantyjya'awëy, jäänëm ojts tja'amyätstë wi'ix ja Jesús ënäty të jyäty të kyëpetyën, näjyëtu'un wi'ix ja Tios ja y'aaw y'ayuk ënäty y'ënä'änyën.

Lucas 18:34

Tios të tyajkutuky ets ka'ap ja y'ijxpëjkpëtëjk tja'akyukëtëty tii ja Jesús tukmëmëtyakëtëp ets ka'ap tnijawëtëty tii ja Jesús jyatijpy.

Marcos 9:10

Paaty ja y'ijxpëjkpëtëjk kyuyu'tsëtë, je'eyë aak ayi'iyë nyäyajtëëwëtë tii jëtu'un jyatijäämpy ko jyuukpyëka'any jatëkok.

Juan 16:1

Paaty miits ya'atë ntuk'ëwaanëtë këtiipë xy'ëxmatstëty ja mmëpëjkën ma ëjtsën.

Juan 14:22

Ënät ja Judas, ka'ap jyä'äjëty ja Iscariote, tyajtëëy: Wintsën, ¿tii ko mnanyikëxë'ëka'anyë ma ëëtsëtyën ets ka'ap ma ja ja'ayëtyën ka'apë myëpëktën?

Lucas 9:45

Ja y'ijxpëjkpëtëjk ka'ap tja'akyujkëtyë ko jëtu'un y'ënä'äny, jä'ä ko ka'ap ënäty ja wijyajtën yajmo'otënëm ets tja'akyukëtëty; tsë'këtëp näjyëtu'un paaty ka'ap ja Jesús tyajtëëwtë tii jyatijäämpyën.

Juan 16:18

¿Wi'ixën ya'atë nyiwijy tim jawäänëpë? ka'ap nja'akyujkëmë mëti'ipë myëtyäkpyën.