Juan 16:11 - Biblia Mixe de Quetzaltepec

¹¹ pën nëjkx t'ëxajëtë ja Tios ja tyiytyu'unën: mëti'ipë ënä'ämpën yaa naaxwiiny naaxkëjxy, tëë nyitukë.

Biblia Dc en Mixe de Quetzaltepec

¹¹ pën nëjkx t'ëxajëtë ja Dios ja tyiytyu'unën: mëti'ipë ënä'ämpën yaa naaxwiiny naaxkëjxy, tëë nyitukë.

Juan 16:11 ပူးပေါင်းရင်းမြစ်များ

Génesis 3:15

Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

Salmos 68:18

Mijts Tios, janty këjxm ojts mpety ets xyajnëjkxy ja mtsumjyä'äy; ojts ja'ay winë mmo'oyë, yë'ëpaat ja'ay mëti'ipë käjpxy kumëtoownajxtëpën ojts mwinkoxtänëty, Wintsën.

Mateo 12:18

Tyaajës ja ntuunpë mëti'ipës të nwin'ixyën, mëti'ipës oy ntsojkpy ets jotkujkës mëët yë'ë, jamës ja nJa'awën mpëjkta'aka'any ma yë'ëjën, yë'ë kyajpxwa'kxëp pën wi'ixës ja naaxwiinyëtë ja'ay npaye'eyä'äny ijxtëm pyaat'atyë.

Mateo 12:36

E ëjts, jëtu'un yam miits n'ënëëmëtë, ko ja paye'eyën tyunëtëty, nëjkxëp xynyikajpxta'atë ja ëxëëk aaw ëxëëk ayuk mëti'ipë ënäty të xykyajpxtën.

Lucas 10:18

Ets ja Jesús y'ënëmaayëtë: Jëtu'un, tëëjës n'ixy ko ja mëjku'u kyuka'anaxy tsajpwinm ijxtëm ja wëtsuk nyaaxkëtä'äkyën.

Juan 12:31

Tyam të tpaaty ma ja naaxwiinyëtë ja'ay yajpaye'etyëtyën ets yaj'ëxwopëty mëti'ipë nyiwintsën'ajtypyën ja naaxwiinyëtë winma'any.

Juan 14:30

Ka'apës nëkooyë n'ëkmëtya'akanë mëët miitsëty, jä'ä ko tää wyinkony mëti'ipë ënä'ämpën yaa naaxwiiny; oy tkamëët'aty nitii mëk'ajtën ma ëjtsën,

Juan 16:12

Tapnëm may mëti'ipë miits ntukmëmëtya'akantëpën, je'eyëp ko tyam tsip ets ntukmëmëtyakta'atëty.

Hechos 10:42

Tääts ojts xytyuk'ënä'ämtës ets yajkajpxwa'kxëty ja Tios ja y'aaw y'ayuk, ets ja ja'ay ntuk'ëwaanëtëtyës ko Tios të tpëjktä'äky yë Jesús ets tpaye'eyëty ja juukpyë ookpyë.

Hechos 24:25

Tääts ja Pablo ojts nimëtyä'äky wi'ix pyaat'atyën ja'ay jyä'äy'atëty, wi'ix nyäyajt'itëtëty ets wi'ix ja Tios nëjkx ja naaxwiinyëtë ja'ay tpaye'eyën. Ënät ja yajkutujkpë Félix tsyë'këy ets ja Pablo yajnëmaay: Nëjkx tyämyë. Jää jatëkok nwoowtsowëty koos ënäty n'ëwaatsë'aty.

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Tios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Tios ja kyajpnën jä'äkyëjxm koos xymyëpëktë.

Romanos 16:20

Jëtu'unts ja Tios, mëti'ipë yäjkpyën ja jotkujk'ajtën, nëjkx tsojk tyaj'atëkoy ja mëjku'u ma miitsëtyën. Wä'än ja Wintsën Jesús mkënu'kxëtë.

Romanos 2:16

ko ënäty ja xëëw tpaaty ma ja Tios tnipaye'eyä'änyën tëkokyë mëti'ipë yu'utsy'ijtpën mëët ja Jesukristë ja xyëëw, jëtu'un ijxtëmës ja oy aaw oy ayuk të nimëtyä'äkyën.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Tios myo'ojëtëty ja oyajtën wi'ix nitu'ukjaty pyaat'atyën.

2 Corintios 4:4

Jä'ä ko ka'ap myëpëktë, ja mëpëjkën yääyëpë naaxwiinyëtën yë'ë yajwinma'anytyëkajtsëtëp këtiipë t'ijxpaatëty ja jajën të'kxën, ja oy aaw oy ayuk ma yajnimëtyä'äkyën ja Kristë ja myëj'ajt jyääntyajtën, ja Kristë mëti'ipë Tios nyäjxypyën.

Efesios 2:2

Yë'ë ijty mpatuuntëp ja naaxwiinyëtë ja'ay ja wyinma'any ets ja ku'oypyë mëti'ipë jëtijtpën pojjotm ets tjotmëkmo'oy ja ja'ay mëti'ipë ka'ap tmëmëtowtën ja Tios.

Colosenses 2:15

Kristë mëët yë Tios ojts tpëjkëtë ja kutujkën yaapë naaxwiiny y'ënä'ämtën ets yajkutuktën ets ojts naxym tyajnajxtë tsumpyë matsypyën ko ojts yë Kristë myëtä'äky.

Hebreos 2:14

Jëtu'un ijxtëm ja ja'ay tu'kjëëky tu'kmëku'ukpë ja jot ne'pyny tmëët'atën, jëtu'un ja Jesús y'ijty mëët ja Tios ets mëët ja o'kën tmëmëtaktaay ja ëxëëkpë, mëti'ipë ijty o'kën tëko'oyën myëët'ajtypyën.

Hebreos 6:2

ëkë ja nëëpäjtën, wi'ix ja mëpëjkpëtëjk yajkë'ënixajtëtyën, wi'ix ja o'kpë jyuukpyëktën ets yajpaye'eytyë ja nyëë pyokyëty xëmëkyëjxmëpë.

Hebreos 9:27

Jëtu'un ijxtëm yajtuknipëjktakëyën ja ja'ay tuk'okyë y'ookëty ets yajnipaye'eytyëty.

2 Pedro 3:7

E ja naax ets ja tsajp mëti'ipë tyam n'ijxëmën, tëë ja Tios tuknipëjktaakë ko tyajkutëkoyä'äny mëët ja jëën, ets ko tyajkutëkoyä'äny ja ëxëëkja'aytyëjk ko ënäty ja tëytyu'unën ets ja paye'eyën tyunyë jyätyë.

1 Juan 3:8

Pën xëmë pokytyuunp, ja mëjku'u jä'ä'ajtëp; jä'ä ko yë mëjku'u ojts tyajtso'ontä'äky yë pokytyu'unën. Paatykyëjxm ja Tios U'unk të myiny yaa naaxwiiny ets tyajkutëkooytya'aja'any tu'kë'ëyë ja mëjku'u ja tyuunk.

Apocalipsis 1:7

Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënäty t'ixtë. Tëy jëtu'un, jëtu'un y'itëty.