Juan 15:5 - Biblia Mixe de Quetzaltepec

⁵ Ëjts jëtu'un ijxtëm ja tsatym yonën ets miitsëty ijxtëm ja tsatym xe'entyën. Pën ijtp tu'ukyë mëët ëjts etsës tu'ukyë mëët yë'ë, tëëm'ataanp may; jä'ä ko pën ëpëky mnäyaj'itëtë, ka'ap nitii xytyuntëty.

Biblia Dc en Mixe de Quetzaltepec

⁵ Ëjts jëtu'un ijxtëm ja tsatym yonën ets miitsëty ijxtëm ja tsatym xe'entyën. Pën ijtp tu'ukyë mëët ëjts etsës tu'ukyë mëët yë'ë, tëëm'ataanp may; jä'ä ko pën ëpëky mnäyaj'itëtë, ka'ap nitii xytyuntëty.

Juan 15:5 ပူးပေါင်းရင်းမြစ်များ

Filipenses 4:13

Aak jyëkyejpyës tii nwinkuwa'akëty jä'ä ko Kristë xyjyotmëkmoopyës.

Colosenses 1:10

Yë'ë miits ntukni'amëto'owëtëp ets mjuuky'attëty ijxtëm pyaat'atyën mëti'ipë myëpëjktëpën ja Wintsën; yë'ë mtuntëp mëti'ipë yë'ë tyukjotkëtäkpyën, mëti'ipë oy tsuj winpëtsëëmpën ets ja Tios oy xynyijawëtëty.

Juan 15:16

Ka'ap myiits'atë të xywyinwitstës, ëjts miits të nwinwitstë ets të ntuknipëktë m'itëty ijxtëm ja tsatym xe'entyën mëti'ipë may tëëm'ajtpën ets y'itëty xëmëkyëjxm mëti'ipë mtuuntëpën. Jëtu'un ja Tios Teety mmo'oja'anëtë tëkokyë mëti'ipë m'amëtoowtëpën ëjts nxëëwkyëjxm.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Proverbios 11:30

Yë tëypyë nipaye'eyën, juukyajtën yäjkpy; e tsiptu'un tsipkajpxën yë'ë yaj'atëkoopy.

2 Corintios 13:8

Jä'ä ko ka'ap tjëkyepy ni'ojëmëty ja tëyajtën, yi'iyë xypyatëm ets oy nimëtyakmëty.

Juan 5:19

Ets ja Jesús y'ënëmaayëtë: Tëy miits nëëmëtë ko yë Tios y'U'unk ka'ap tjëkyepy ets kyë'ëm winma'any tyajtunëty, yi'iyë mëpaat tuny mëti'ipë tyuunpyën ja Tyeety. Tu'kë'ëyë mëti'ipë tyuunpyën ja Tios Teety, tyuunpy näjyëtu'un ja y'U'unk.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Tios yë yäjkpy, ja Tios mëti'ipë pyëjktakën winë jam tsajpwinm mëti'ipë ajajp atë'kxpën. Yë Tios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

2 Pedro 3:18

Yë'ë ni'ik nijawëtë ja Wintsën, ja yajnitsokpë Jesukristë, ets wäänëni'ik yääktë pätë ma ja tsojkën ja'awën. Nmëjja'aw nkënu'kxyjya'awëm tyam ets xëmëkyëjxm. Jëtu'un y'itëty.

Juan 12:24

Tëy miits nëëmëtë ko tu'uk ja tsajpmokpajk kyä'äy naaxkëjxy ets ka'ap y'ooky, ka'ap yë tyëëm tyäky, e ko y'ooky, wäänëmay ja tyëëm wyimpity.

Romanos 7:4

Näyjyëtu'un miitsëty mëku'ukëty, ko të xymyëjwa'kpätë ja Kristë jëtu'un tpaaty ijxtëm jeexyë mëët të m'ooktën ma ja ënä'ämënën, ets tu'ukyë m'itëty mëët ja Kristë ijxtëm ja ni'kx kopkën, mëti'ipë të y'ookyën ets tëë jatëkok jyuukpyiky. Jëtu'unts njuuky'ajtmëty tsuj yajxon ijxtëm yë Tios tsokyën.

Filipenses 1:11

Myaj'ixëtëp ja oypyë ja tuunk mëti'ipë ja Jesukristë mtukmëtuuntëpën; jëtu'un ja Tios wintsë'ëkë ets mëjjaw jaantyjawë y'itëty.

Juan 9:33

Ko jeexyë ya'atë ye'etyëjk kyatsoony ma Tiosën, ka'ap jeexyë tjëkyepy tii tunëty.

Filipenses 4:17

Ka'apës yi'iyë nmëmay nmëtajy tiijës n'ëk'ëxajëp; yë'ëjës nmëmääpy nmëtäjpy ets ja oyajtën xypyaatëty Tios wyintum.

Romanos 6:22

E tyam, tëë xytyukpëtsëëmtu'utë ja poky, tëë jam mtëkëtë ma ja Tios ja tyuunkën. Mëti'ipë mtuk'oy'attëpën ets wa'ats myajpaattëty ets xypaatëty ja juukyajtën xëmëkyëjxmëpë.

Hechos 4:12

Ka'ap maa wiinkpë yajnitsokpë, ka'ap maa naaxwiinyëtë apëtsëmy ja ja'ay mëti'ipë ja Tios të xymyo'oyëmën ets xyajnitsokmëty.

1 Corintios 12:12

Kanaakpëky winë tmëëtëty ja ni'kx kopk, tam ja kë'ë teky ets tam ja wiinkëtypë; je'eyëp ko tu'ukyë yë ni'kx kopk. Tim näjyëtu'un ja Kristë mëët ja jyä'äy.

1 Pedro 2:4

Mëwinkontë ja Wintsën, mëti'ipë juukyajtpën ets mëti'ipë juukyajtën yäjkpyën; jëtu'un yë'ë ijxtëm ja oypyë tsaajën mëti'ipë ja ja'ay të t'ixka'atstën, je'eyëp ko tëë ja Tios wyin'ixyë ets ni'ik të tsyoowpaaty.

1 Corintios 12:27

Jëtu'un miits ja Kristë mëët mwë'ëmtë ijxtëm ja ni'kx kopk tu'ukpën ets jëtu'un miits nitu'ukjaty ijxtëm tu'kpëky ja ni'kx kopkën.

Efesios 5:9

Ko ja ja'ay yajpaaty ajajëntuuy, tyuunpy ja oypyë, mëti'ipë paat'ajtëpën ets mëti'ipë mëtëyën.

2 Corintios 9:10

Tios, mëti'ipë yäjkpyën ja tëëmt mëti'ipë yajnip yajkojpën ets ja jë'kxy pëky mëti'ipë yajtukjuuky'ajtpën, yë'ë mmo'ojanëtëp tu'kë'ëyë winë mëti'ipë yajnipën ets tyajyona'any, jëtu'un oy wyintëwëty mpëjktä'äkyëty ko ënäty mputëkëtë.

Colosenses 1:6

mëti'ipë jampaat të jyä'tyën ma miitsëtyën. Ni'ikyë myëjwiin kyëjääjë ya'atë aaw ayuk ets oy wyimpëtsëmy oy tyimmatsowëty naaxwiinyëtë apëtsëmy. Jëtu'un tä të jyäty të kyëpetyën ma miitsëtyën ko ojts ëka'any xymyëtowtë ja oy aaw oy ayuk ets xyjyä'äkyujkëtyë ja tëyajtën.

Romanos 12:5

näjyëtu'un ëëts'ajtëmë, oy jënu'un njanimay'ajtëmë, tu'ukyë nyajpatëmë mëët ja Kristë; jëtu'un ëëts nyajpatëmë ijxtëm jeexyë tu'ukyë ja ni'kx kopk yajmëëtëtyën mëët ja Kristë.

1 Corintios 10:16

Ko ojts n'ukëm ja kënu'kxynyëë a'ukënjoty ets ojts nyajmëjnajxëmë ja Tios, tu'ukyë ënäty tpaaty n'ijtëmë mëët ja Kristë ja nye'pyny, ko ojts nka'ayëm ja tsajpkääky mëti'ipë ojts ntujkwa'kxëmën, tsojk ni'ëmukë ntukjotkujk'ajtëmë ja Kristë ja jyot nyini'kx.

Oseas 4:8

Yë'ë nnaax nkajpnës nëë poky tyukjuuky'äjtyp, paaty tsojkën'atë ets ja'ay pyokytyuntëty.

Mateo 13:21

Je'eyëp ko ka'ap ja tyikts kyëkëty, ka'ap mëk yajpaatë. Ko ënät yajpajëtijta'aktë ënätyë t'ëxmatstë mëti'ipë të tja'amëtoow'itën.