Juan 15:4 - Biblia Mixe de Quetzaltepec

⁴ Itë tu'ukyë mëët ëjts etsës n'itëty tu'ukyë mëët miitsëty. Tu'kxe'entypë kepy ka'ap tjëkyepy ets tyëëm'atëty ko kya'itëty tu'ukyë mëët ja myëjkepy; näjyëtu'un miitsëty ka'ap tjëkyepy mtëënmpätëty pën ka'ap tu'ukyë myajpaatë mëët ëjts.

Biblia Dc en Mixe de Quetzaltepec

⁴ Itë tu'ukyë mëët ëjts etsës n'itëty tu'ukyë mëët miitsëty. Tu'kxe'entypë kepy ka'ap tjëkyepy ets tyëëm'atëty ko kya'itëty tu'ukyë mëët ja myëjkepy; näjyëtu'un miitsëty ka'ap tjëkyepy mtëënmpätëty pën ka'ap tu'ukyë myajpaatë mëët ëjts.

Juan 15:4 ပူးပေါင်းရင်းမြစ်များ

1 Juan 2:6

Pën ënaanp ko ja Tios mëët y'ity, jëtu'un jyuuky'atëty ijxtëm ja Jesukristë jyuuky'äjtyën.

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Tios ja y'U'unk, mëti'ipës të xytsyokyën etsës të xykyu'oo'kë.

Juan 8:31

Tääts ja Jesús y'ënëmaayëtë ja jutiis ja'ayëty mëti'ipë ënäty të myëpëktën: Pën miitsëty mpatuuntëp ja n'aaw n'ayukës, ënät n'ijxpëjkpë'atëty;

2 Juan 1:9

Pën yajni'ikëp ja Kristë ja y'ijxpëjkën, ka'ap ënäty mëët y'ity. Pën pyatuumpy ja Kristë ja y'ijxpëjkën, yë'ë ja Tios Teety ets ja Tios U'unk mëët yajpaaty.

Juan 6:56

Pën tsyu'tsyp ja nini'kxës ets y'ukpy ja ne'pnyës, tu'ukyë jyuuky'äty mëët ëjts ets tu'ukyës njuuky'äty mëët yë'ë.

Filipenses 1:11

Myaj'ixëtëp ja oypyë ja tuunk mëti'ipë ja Jesukristë mtukmëtuuntëpën; jëtu'un ja Tios wintsë'ëkë ets mëjjaw jaantyjawë y'itëty.

Juan 14:20

Jä'ä xëëw miits xynyijawëtëty koos n'ity tu'ukyë mëët ja nTeetyës, ets miits tu'ukyë m'itë mëët ëjts, ets ëjts tu'ukyës n'ity mëët miitsëty.

Lucas 8:15

Ja tëëmt mëti'ipë ojts kyä'äyën jë'kxynyaaxjoty, jëtu'un yë'ë ijxtëm ja ja'ayën mëti'ipë ja Tios ja y'aaw y'ayuk y'amëtoow'ijtëpën ëmuumtu'ukjot ets tpatuntë, jëtu'unts ja jyuukyajtën tyajtu'uye'eytyë ijxtëm ja Tios tyukmëtsokëtën.

2 Corintios 13:5

Nämyëmay nämyëtajëtë miits kë'ëm ets xy'ixtëty xynyijawëtëty pën mjantymyëpëjktëp ja Jesukristë. Näwyinma'any'ixëtë miits kë'ëm. ¿Këtii xynyijawëtë ko ja Jesukristë yajpaaty mëët miitsëtyë? ¿Ëkë nëkoo miits mnanyikajpxëtë ko Kristë xymyëpëktë?

Colosenses 2:6

Paaty miitsëty, ko tëë ja Wintsën Jesukristë xykyupëktë, jëtu'un mjuuky'attëty ijxtëm yë'ë t'oyjawën.

Colosenses 1:27

Jëtu'unts yë'ë të tuknijawë mëti'ipë ka'ap jyutiis ja'ay'atën ets tnijawëtëty ja mëj'ajtën jaanty'ajtën mëti'ipë ijty ka'ap yajnijawën. Ja yu'utsypë ijty y'ityën yë'ë ja Kristë, mëti'ipë tyam yajpatpën ma miitsëtyën, mëti'ipë mjëjp'ijxtëpën ets mtukpaatëtëty ja mëj'ajtën jaanty'ajtën.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënäty ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Tios ja kyutujkënën, kopkpëky ko nku'ëyo'owëmëty.

Juan 17:23

Jamës nyajpaatëty tu'ukyë ma yë'ëjëtyën ets mijts myajpaatëty tu'ukyë ma ëëtsëtyën, jëtu'un ja naaxwiinyëtë ja'ay nijawëtëty ko mijts të xykyexyës ets ko xytsyoky xyjyawë ijxtëmës mijts xytsyokyën.

Oseas 14:8

Ets Efraín nëjkx y'ënä'äny: ¿Tiijës nyajwa'anëty yë awinax? Kë'ëmës winë n'ixy ets kë'ëmës n'ijx'ity yë nnaax nkajpn. Jëtu'unës ëjts tä tu'uk yë tsiin kepyën xëmëpë tsyuxk'ityën, ma ëjtsën tpaata'any yë nnaax nkajpnës yë jyi'kxy pyiky.

Efesios 3:17

wä'än ja Kristë t'ity ma miitsëtyën ko të xymyëpëktë, ets ja tsojkën ja'awën yajpaatëty xëmë ma miitsëtyën.

Hechos 11:23

Ko jam jyä'äjty ja Bernabé ets t'ijxy wi'ix ja antioquiiëtë ja'ay ënäty tëë ja Tios kyënu'kxëtën, ënät ojts jotkujk nyäjyawëty ets tjotmëkwinkajpxëy ets ëmuumtu'ukjot ja Wintsën tmëpëktëty.

Colosenses 1:23

Je'eyëp ko mëk mëpaat myajpaatë ma mëpëktën, këtii xymyajtstu'utëty mëti'ipë të xymyëpëktën ets mëti'ipë të xymyëtowtën. Yë'ë jëtu'un ya'atë aaw ayuk mëti'ipë të yajkajpxwä'kxyën oy tyimmaajëty ma ja it naaxwiinyëtën, ëjts Pablo je'eyës të nputëkë ets të yajkäjpxywä'kxy.

1 Tesalonicenses 3:5

Paaty, koos ënäty ëjts ka'ap n'ëkmëmëta'akanë, ënätës nkejxy mëti'ipë myajtëwëtëpën wi'ix ja mëpëjkën xymyëët'attëty, jä'ä ko tsë'këpës ënäty ko ntij yë mëjku'u tëë myajtuuntëkoyëtë ets ja ntuunkëtyës ka'ap tsyoowpaatëty.

Cantares 8:5

¿Pën tääpë to'oxytyëjk mëti'ipë jam të'ëts'itjotm miinpën ets jam kyëx'ënëny ma kyejkyën yë ye'etyëjk mëti'ipë tsyojkpyën jya'apën? Ma mansaan kepypya'tkën ma ënäty mma'ayën jam të nyuxy, jam ma mtaak pyëjkë y'ijxën ko ënäty mijts mëxu'unk'ata'any ets ma mëxu'unk'ajtyën.

Hebreos 10:39

Ka'apës njëtu'un'atë ijxtëm y'ëtë'ëtstën mëti'ipë tu'utëkajtstëpën ets tyu'utëkoytyë, yë'ëjës nmëjwa'kpäjtëp mëti'ipë mëpëjktëpën ets ja nitsokën tpaatë.

Mateo 12:33

Pën oy ja kepy, oy tyëëm'aty; e pën ka'ap y'oyëty, ka'ap oy tyëëm'aty. Tyëëm ja kepy yajtuk'ijxkajp.