Juan 15:27 - Biblia Mixe de Quetzaltepec

²⁷ Ëts miitsëty nän nëjkxëpës xynyimëtya'aktë, jä'ä ko tëë myajpaatë mëët ëjts ets jëtu'un tyimtso'ontäky.

Biblia Dc en Mixe de Quetzaltepec

²⁷ Ëts miitsëty nän nëjkxëpës xynyimëtya'aktë, jä'ä ko tëë myajpaatë mëët ëjts ets jëtu'un tyimtso'ontäky.

Juan 15:27 ပူးပေါင်းရင်းမြစ်များ

1 Juan 4:14

Tëë kë'ëm n'ijxëmë, paaty nikajpxëmë ko ja Tios Teety ja y'u'unk të tkexy ets ja naaxwiinyëtë ja'ay të tyajnitso'oky.

Juan 21:24

Ya'atë jëtu'un ja ijxpëjkpë mëti'ipë yam winë nyimëtyäkpyën, ets yë'ë të tkuja'ay. Ets nija'awëm ko tyiyëty mëti'ipë nyimëtyäkpyën.

Lucas 24:48

Miitsëty ijxpë nija'apë mwë'ëmtë ma tyam winë të tyuny të jyätyën.

Hechos 23:11

Jä'ä koots ojts ja Pablo t'a'ijxnaxy pyë'aay ja Wintsën ets y'ënëmaayë: Pablo, jotmëk näpyëjkta'akët. Jëtu'un ijxtëm ja tëyajtën të xynyimëtyä'äkyën ëjtskyëjxm yaa Jerusalén, näjyëtu'un ja tëyajtën xynyimëtya'akëty ëjtskyëjxm jam Roma.

1 Pedro 5:12

Ja nmëku'uk'ajtëm Silvano, mëti'ipë oy tsuj ja Tios myëtuumpyën, yë'ëjës yam yë noky xytyukputëjkëpës ma miits yam nkajpxwijtën ets ntuknijawëtë ko ja kënu'kxën mëti'ipë të xy'ëxajëtën yë'ë yajnikëxë'kpy ja mëtëypyë ja Tios ets ja tsyojkën jya'awën. Yë'ë jëtu'unpë tsojkën ja'awën xëmë mmëët'atë.

1 Pedro 5:1

Nkajpxwijäämpyës tyam ja mëjja'aytyëjkëty ma miits jam mye'eymyuktën, ëjts mëja'aynyës näjyëtu'un ijxtëm yë'ëjëtyën ets n'ijxës ja Kristë ko y'ëyooy; xypyatpës näjyëtu'un tä yë'ëjëtyën ja mëj'ajtën oyajtën mëti'ipë ok nikëxë'ëkaanpën.

Hechos 4:20

Ëëtsëty ka'ap tjëkyepy amonyë n'itëtyës ets nkanikajpxtëtyës mëti'ipës të n'ixy të nmëtowtën.

Hechos 1:8

E mpëktëp miits ja mëk'ajtën ko ja Kënu'kxymyëkajtën mtukëta'akëtëty ets xykyajpxwa'kxtëty mëti'ipë të xy'ixtën ëjtskyëjxm; jëtu'unts xynyikajpxtëty jam Jerusalén, Judea y'itjotm, Samaria ets ma tu'kë'ëyë it naaxwiinyëtën.

Apocalipsis 1:9

Ëjts Juan, miits yë mmëku'ukëty, ets koos tu'ukyë nyajpaaty mëët yë Jesús, xypaat'ajtpës mëët miitsëty ja Tios ja kyutujkën, ma n'ëyo'onpatëmën ets ma akujky jotkujk n'ijtëmën ets tu'ukyë jotmëk nyajpatmëty. Jä'äkyëjxm koos ja Tios ja y'aaw y'ayuk të nimëtyakë mëti'ipë ja Jesús ojts nimëtyä'äkyën, jamës ënäty nyajpaaty Patmos, ma tu'kkëëyi'ikpyën ja naax jam mejyjyotm.

Apocalipsis 1:2

ets të tnikäjpxy tëkokyë mëti'ipë të t'ixyën, ets ko yë'ë wa'ats nyija'ap ja Tios ja y'aaw y'ayuk mëti'ipë ja Jesukristë nyimëtyakën.

Hechos 18:5

Ko ja Silas ets ja Timoteo jam jyajtë, Macedonia tsyoontë, ënät ja Pablo tu'ukyë tpatëjkëy ja Tios ja y'aaw y'ayuk tkajpxwa'kxë, ets tuk'ëwa'anëy ja jutiis ja'ayëty ko Jesús yë'ë jëtu'un Kristë.

Hechos 13:31

Ets komjeky jatëkok t'ijxtë mëti'ipë ënäty tëë mëët jyëtitën ko tsyo'ontë jam Galilea ets ojts nyëjkxtë Jerusalén. Mëti'ipë y'ijxtën ja Jesús ko tëë jyuukpyiky, yë'ë tyam yajtëytyëjkëtyëp ma ja ja'ayëtyën.

Hechos 4:33

Ets ja ijxpëjkpëty ni'ikyë mëk'ajtën mëët tnikäjpxy tnimëtya'aktë ko tëë ja Wintsën Jesús jyuukpyiky jatëkok. Ni'ikyë ja Tios kyënu'kxëtë ni'ëmukë.

Juan 19:35

Mëti'ipë ya'atë jyääpyën, yë'ë mëti'ipë kë'ëm tyim'ijxën ko jëtu'un jyäjty kyëpejty, nyija'awëp ko tyiyëty jyääntyëty mëti'ipë jyääpyën ets miits xymyëpëktëty.

Hechos 3:15

Jëtu'un xyaj'o'ktë mëti'ipë ja juukyajtën xymyo'oyëmën. E ja Tios tëë yajjuukpyikyë ets ëëtsëty tëëjës kë'ëm ntimy ixtë.

Marcos 1:1

Jëtu'un tsyo'ontä'äky ja oy aaw oy ayuk ma yajnimëtyä'äkyën ja Jesukristë, Tios U'unk.