Juan 15:20 - Biblia Mixe de Quetzaltepec

²⁰ Ja'amyätstë ijxtëm të nëëmëtë: Ni pën tuunpë wyintsën tkawinaxy. Pën tëëjës xypyajëtijta'aktë, näjyëtu'un miits myajpajëtijta'aka'antë; ets pën tëëjës ëjts ja n'aaw n'ayuk xykyupëjkëtë, näjyëtu'un miits ja m'aaw m'ayuk yajkupëka'antë.

Biblia Dc en Mixe de Quetzaltepec

²⁰ Ja'amyätstë ijxtëm të nëëmëtë: Ni pën tuunpë wyintsën tkawinaxy. Pën tëëjës xypyajëtijta'aktë, näjyëtu'un miits myajpajëtijta'aka'antë; ets pën tëëjës ëjts ja n'aaw n'ayuk xykyupëjkëtë, näjyëtu'un miits ja m'aaw m'ayuk yajkupëka'antë.

Juan 15:20 ပူးပေါင်းရင်းမြစ်များ

Ezequiel 3:7

E yë Israel kajpn ka'ap ënät mja'akyukëja'anëtëty, jä'ä ko ka'apës ëjts xymyëj'ixtë. Tu'kë'ëyë yë Israel kajpn ka'ap kyäjpxyjyä'äkyukëtë ets kujuun oyëty.

Mateo 10:24

Ka'ap pën ijxpëjkpë ni'ik mëj'äämpy yajpëjktä'äky ijxtëm ja yaj'ijxpëjkpën, ets ka'ap pën mëtuunpë ni'ik mëj'äämpy nyäxy ijxtëm ja wyintsënën.

Marcos 10:39

Tääts y'ëtsoowtë: Nkupëktëpës. Ënät ja Jesús y'ënëmaayëtë: Tëy, näjyëtu'un miits m'ëyo'onpaatëty ijxtëm ëjtsën ets näjyëtu'un mnëëpäta'antë ijxtëm ëjtsën,

Lucas 2:34

Ënät ja Simeón myooyëtë ja kënu'kxën ets t'ënëmaay ja Maria, ja Jesús ja tyaak: Ya'atë mëxu'unk ye'etyëjk, yë'ë të yajtuknipëjktaakë ets may ja Israel ja'ay kyëtawtëty ëkë pyëtë'ëktëty; ijxpät nëjkx y'ity ets may nëjkx ja'ay ka'ap kyupëkyë,

Lucas 6:40

Ni pën ijxpëjkpë tkamëpaaty mëti'ipë yaj'ijxpëjkëpën. Ko ja y'ijxpëjkën tyajka'pxëty ënät tmëpaatëty ja mëti'ipë yaj'ijxpëjkëpën.

Juan 10:31

Ënät ja jutiis ja'ayëty jatëkok tkoonë'ktë ja tsaa ets tjaka'atsantë ja Jesús,

Juan 11:57

Ja fariseë ja'ayëty ets ja teety wintsënëty tëë ënäty tni'ënä'ämëtë ko pën tnijawëty maa ja Jesús, ënätyë tnikajpxëty ets yajmatsëty.

Juan 13:16

Tëy miits nëëmëtë ko ni pën ja wyintsën tkawinaxy ets ni pën kexyye'epyë tkawinaxy mëti'ipë käjxëpën.

Juan 5:16

Paaty ja jutiis ja'ayëty tpajëtijtaktë ja Jesús ets tyaj'ooka'antë ko ja ja'ay tyajtso'oky po'kxënxëëwjoty.

Juan 7:32

Ko ja fariseë ja'ayëty tmëtoy'ajtëy ko ja ja'ay ja Jesús tnikäjpxy tnimëtya'aktë, ënät yë fariseë ja'ayëty ets ja teety wintsënëty ojts tkäxtë ja mëjtsajptëjk këwent'ajtpë ets tmatstëty ja Jesús.

Juan 8:51

Tëy miits nëëmëtë, pën ja n'aaw n'ayukës pyatuunpyën, nijëna'a kya'ookëty.

Juan 8:52

Ets ja jutiis ja'ayëty y'ëtsoowtë: Tyamës nnijawëtë ko mijts ku'oypyë mëët'ajtyp. Abraham ets tëkokyë käjpxynyajxpëtëjkëty ojts y'o'kta'atë e mijts jëtu'un m'ëna'any: Pën yë n'aaw n'ayukës pyatuunpyën, nijëna'a kya'ooka'any.

Juan 8:59

Ënät ja tsaa tkoonë'ktë ets tjaka'atsantë ja Jesús; je'eyëp ko näyu'tsë ënätyë ets pyëtsiimy ma ja mëjtsajptëjkën.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënäty ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Tios ja kyutujkënën, kopkpëky ko nku'ëyo'owëmëty.

1 Corintios 4:12

Ënu'kxëtëpës näjyëtu'un koos nyajtuntë ja nkë'ë ntekyëty. Koos ja ja'ay xypyoktë, oy aaw oy ayukës ntuk'ëtsoowinpijtëp. Tëës ja'ay xy'ixjëtit xypyajëtitë e ëëtsëty tëëjës nmëmëta'aktë.

2 Corintios 4:9

Xy'ixjëtijt xypyajëtijtëpës ja ja'ay, je'eyëp ko ka'apës ja Tios xy'ëxmatstë; oyës nyajkuj nyajjëpiptë, ka'apës n'ooktë.

1 Tesalonicenses 2:15

Ya'atë jutiis ja'ayëty, yë'ë ojts tyaj'ooktë ja Wintsën Jesús, ijxtëm tyaj'o'ktën ja jëwyiinpë ja Tios ja kyäjpxynyajxpëtëjk ets näjyëtu'unës të xy'ixkäxtës. Ka'ap të tuntë ijxtëm ja Tios tukjotkëtä'äkyën ets aak mëtsip ja ja'ay të tjawëtë.

2 Timoteo 3:12

Tëyajtën yë'ë ko ni'ëmukë mëti'ipë ja ja'ay juuky'atantëpën oy ma Kristë Jesusën näjyëtu'un yaj'ixjëtita'an yajpajëtita'antë;

1 Samuel 8:7

e ja Wintsën tyaa y'ëtsoowë: Mijts kupëkymës mëti'ipë naax kajpn m'amëtoowëpën. Jä'äxë ko ka'ap myijtsëty m'ixtijyë, ëjts yë xy'ixtijtëp, ëjts jëtu'un xykyatsojktëp ets n'ënä'ämëtyës ma yë'ëjëtyën.